1 Korintu 14:26 - Sura Malelaha

²⁶ Mewali halalu, apa lempona ope-ope iti? Ane maminggukau, hadua-hadua tauna ara kamapandenda: arahe au monani, arahe au mepaturo, arahe au mopahawe lolita hangko i Pue Ala, arahe au mololita i lalu basa au hangko i Inao Malelaha, arahe au mopalimba lempona lolitanda iti bona raisa ope-ope tauna. Agaiana hinangkana iti hangangaa nibabehi bona mopakarohokau lalunda rangami.

1 Korintu 14:26 ပူးပေါင်းရင်းမြစ်များ

Roma 1:13

Halalu bona niisa bosami belana ara tunggaiaku lao mosondakikau, agaiana ara liliu au mohombokina. Tunggaiaku mosondakikau bona pobagongku ara wori wuana i olomi, nodo pobagongku au arami wuana i olonda tauna au barahe to Yahudi au arahe i wanua ntanina.

Roma 12:7

Tauna au molambi kapande motulungi hangka rangana, hangangaa metulungi mpuu. Tauna au molambi kapande mepaturo, hangangaa mepaturo mpuu.

Roma 14:19

Ido hai hangangaa tapari-pari mohintuwu hai ranganta hai mombepakaroho mpolaluke hadua hai hadua.

Roma 15:2

Ikita ope-ope hangangaa mobabehi au mopamatana laluna ranganta hai au motulungi ranganta bona tapakaroho pepoinalainda.

1 Korintu 14:15

Mewali, apa au maroa kubabehi? Mekakaena i lalu basa au hangko i Inao Malelaha, hai mekakae worina i lalu basa au raisa ranganta. Monanina motoia Pue Ala i lalu basa au hangko i Inao Malelaha, hai monani worina motoia Pue Ala i lalu basa au raisa ranganta.

1 Korintu 14:2

Lawi tauna au mololita i lalu basa au hangko i Inao Malelaha, barahe mololita i ranganda, mololitarihe i Pue Ala. Lawi bara raisa ranganda apa au rauli. Anti peninina Inao Malelaha, mololitahe i lalu basa au bara raisa tauna.

1 Korintu 14:27

Ane arahe tauna au mololita i lalu basa au hangko i Inao Malelaha, hangangaa rodua pea ba talu. Hai ineehe mololita hihimbela, hangangaa mombehuru-huruhe. Hai hangangaa ara tauna au mopalimba lempona lolitanda.

1 Korintu 14:40

Ope-ope hangangaa rababehi moula rara au hintoto hai moula atura.

2 Korintu 12:19

Ineeri nipehangu kiuki ope-ope ide bona mouli pea notongki. Halalu au kipokaahi! Mololitangkai irikamu anti pohintuwuki hai Kerisitu. Pue Ala au mosabikike! Ope-ope au kipahawe, ope-ope au kibabehi, kipahawe hai kibabehi bona maroho pepoinalaimi.

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

Epesu 4:12

Ia mokira-kira pewati iti bona ikita ope-ope au mepoinalai Iria raparewaike bona tabuku mampopolumao bagona Pue. Lawi ane iti au tababehi, ikita au rauli Watana Kerisitu ina tetambai kamarohona pepoinalainta,

Epesu 4:16

Ikita hadua-hadua au mepoinalai, rapandirike nodo hangkira hangko i Watana Kerisitu. Ane i wata manusia, hinangka kirana mombeusu maroa hai hiumpu maroa bona mewali hambua wata. Nodo wori ikita au mepoinalai: anti pohintuwuta hai Kerisitu, mohintuwuke hadua hai hadua. Hai ane ikita hadua-hadua mokadipura bago au nakira-kiraamoke Pue, ina kamaroho-rohoa peulanta i Pue hai pohintuwuta hadua hai hadua anti pombepokaahinta.

Epesu 4:29

Inee ara lolita kadake mesuwu hangko i humemi. Agina mohowarakau lolita au hintoto au ina motulungi hai mopakaroho laluna hangka rangami. Lolita au nodo ina moanti roa ngkatuwo i tauna au mohadi.

Epesu 5:19

ina mombepakaroho mpolalukau hai mamponanikau nani petoia, nani mpenomba hai nani rohani. Ina monanikau matana-tana motoia Pue hangko i lalumi, hai

1 Tesalonika 5:11

Idomi hai halalu, hangangaa mombepaturokau hai mombepakaroho mpolalukau nodo au nibabehi ide-ide.