1 Korintu 14:11 - Sura Malelaha

¹¹ Agaiana ane arahe tauna au mololita irikita i lalu basa au bara mani taisa, ina tapowuli apa au rahowara. Nodo wori ane ikita mololita i lalu basa au bara raisa, ina rapowuli apa au tahowara.

1 Korintu 14:11 ပူးပေါင်းရင်းမြစ်များ

Suro 28:2

Maroa mpuu lalunda ampu boea irikami. Radoko maroangkai, rapatuwoangkai api kipamindui, lawi mepongkami keuda hai makuli.

Suro 28:4

Karaitana ampu boea ile iti mengkalitoe i taiena Paulu, raulimi, “Manoto tauna iti topepapate! Peita, nauri bara molambi rugi i tahi, agaiana Anitu Topebotusi bara mampogiangaa tuwo!”

Roma 1:14

Moinda mpuuna kuhadi i ope-ope tauna, maroa to Yunani ba au barahe to Yunani, maroa au mosikolahe ba au barahe mosikola.

1 Korintu 14:10

I lalu dunia ide, ara ngkaia pakana basa, hai paka-pakana basa, ara lempona.

1 Korintu 14:21

I lalu Sura Malelaha, teuki node: Pue mololita, Nauli, “Melempo i tauna au barahe habasa-basa hai to Yahudi ina mololitana i to Yahudi melempo i to handarena, ina Kupaturohe taunaNgku Agaiana kehapiri nodo, barahe ina mampoinalai lolitaNgku.”

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.