1 Korintu 13:11 - Sura Malelaha

¹¹ Pandirina ane anangkoi manina, mololitana nodo anangkoi; pekiringku hai lalungku nodo wori anangkoi. Agaiana ide-ide, mahilemona; kupalehimi apa au kubabehi hangkoia.

1 Korintu 13:11 ပူးပေါင်းရင်းမြစ်များ

Matiu 16:7

Agaiana lolita iti bara raisa lempona. Mewali mololitamohe hadua hai hadua, rauli, “Ido hai Nauli nodo, lawi barake moanti roti.”

1 Korintu 13:10

Agaiana ane hawemi tempona Pue Ala mampopeawa hinangkana, barapi ara kapande au makura iti.

1 Korintu 13:12

Lawi ide-ide, nodoke hadua tauna au mampeita hambua lengge i pampewaoa au mogawu-gawu, lawi bara mani taisa hinangkana i katou-touana. I alo au ina mai, hangko taisari hinangkana, lawi ina mampombelindoamoke Pue Ala hai ina taita i katongawaana. Ide-ide, makura mani kamapandeku. Agaiana i alo au ina mai, ina kuisa ntepuu hinangkana, nodo Pue Ala moisana.

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

Galatia 4:1

Mewali, halalu: ane pandirina ara hadua anantuana au kokoi mani, ia nodo hadua hawi, nauri ope-ope anu-anuna umana, ia ampuna.