1 Korintu 12:6 - Sura Malelaha

⁶ Ngkaia pakana rara au napake Pue Ala motudungiake kuasaNa i lalu katuwonta, agaiana Pue Ala au hadua pea, Iami au mampobago paka-pakana i lalu katuwonta.

1 Korintu 12:6 ပူးပေါင်းရင်းမြစ်များ

Yohane 5:17

Agaiana Nauliangaahe Yesu, “UmaNgku mobago duuna ide-ide, hai Iko wori mobago liliuNa.”

1 Korintu 12:11

Agaiana ope-ope iti nakiraiake Inao Malelaha au hadua pea. Iami au moweike kapande au montani-ntani moula peundeaNa haduduaNa.

1 Korintu 12:5

Ngkaia pakana bago au tapobago i Pue, agaiana Pue au tapobagoa, hadua pea.

1 Korintu 15:28

Mewali, ane hinangkana rapopengkoru i Kerisitu, Kerisitu ina mengkoru i UmaNa bona tongawa kamakuasana Pue Ala i hinangkana.

1 Korintu 3:7

Bara topantuda hai topobumbuhi au mewali patoana bago iti, agaiana Pue Alari, lawi Ia au mopatuwo.

Epesu 4:6

Hadua pea Pue Ala au rapouma ope-ope tauna, au makuasa irikita ope-ope, au ara i lalunta hai au mampobago ope-ope melempo irikita.

Pilipi 2:13

Lawi Pue Ala au mampopokale lalumi pane niunde moula peundeaNa, hai Ia au moweikau karoho moula peundeaNa.

Kolose 1:29

Idomi hai kupari-pari mopaliliu bagongku moula karoho au kuhumba hangko i Kerisitu, lawi mahile mpuu kuasaNa i lalu katuwongku.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.