1 Korintu 12:27 - Sura Malelaha

²⁷ Ikamu ope-ope wataNamokau Kerisitu, hai hadua-haduakau iami hangkira hangko i wata iti.

1 Korintu 12:27 ပူးပေါင်းရင်းမြစ်များ

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

1 Korintu 10:17

Lawi haogu pea roti au rakira-kiraake, hai taande. Lempona, ikita au bosa ide mewalimoke hawata-wata hai Kerisitu.

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.

1 Korintu 12:26

Ane ara hadua ranganta au mahai, hangangaa mantodiha sambelake. Ane ara hadua ranganta au ratoia, ikita ope-ope ina matana sambela worike.

1 Korintu 6:15

Bara pae niisa halalu, watami iami hangkira hangko i watana Kerisitu. Maroa pae ane watanta au mewalimi kirana Kerisitu tapake mobabehi sala hai towawine au kadake babehiana? Bara!

Epesu 1:23

Ikita au mepoinalai Iria, mewalimoke Watana Kerisitu. Iami au mampobago hinangkana bona ope-ope mewali moula tunggaiaNa.

Epesu 4:12

Ia mokira-kira pewati iti bona ikita ope-ope au mepoinalai Iria raparewaike bona tabuku mampopolumao bagona Pue. Lawi ane iti au tababehi, ikita au rauli Watana Kerisitu ina tetambai kamarohona pepoinalainta,

Epesu 5:23

Lawi tobalilo mewali tadulako i towawinena nodo Kerisitu mewali tadulako i jumaa, hai Ia haduduana au mohorema jumaa au mewali wataNa.

Epesu 5:30

Ia mokadipurake lawi ikita au mepoinalai Iria mewalimoke hangkira hangko i WataNa.

Kolose 1:18

Ikita au mepoinalai i Kerisitu rapandiri nodo wata, hai Kerisitu iami waa. Nodo waa moparentai wata, nodo wori Kerisitu moparentai ope-ope tauna au mepoinalai Iria. Ia au moweike katuwo au wou, lawi Iami au Towutu, lempona, Ia au nguru-nguruna tuwo hule hangko i kapate. Ido hai Ia mewali patoana hinangka au ara.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Kolose 2:19

Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.