1 Korintu 12:18 - Sura Malelaha

¹⁸ Pue mamboli hinangka ngaana watanta i paidaana, hintoto hai peundeaNa.

1 Korintu 12:18 ပူးပေါင်းရင်းမြစ်များ

Lukasi 10:21

I tempo iti, matanami Yesu i lalu Inao Malelaha, hai hangko i kamatanana laluNa, Nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande. Lawi nodomi peundeaMu, Uma.”

Lukasi 12:32

“Ikamu au meula Iriko, ineekau langa, nauri barakau bosa. Lawi hangko i kabulana laluna Pue Ala Umami, mopileikau molambi katuwo maroa i lalu poparentaNa.

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

Roma 12:6

Hadua-haduake molambi kapande au montani-ntani moula apa au nakiraiake Pue Ala i suka kabulana laluNa. Tauna au molambi kapande mopahawe Ngkorana Pue Ala, hangangaa napopolumao mpuu bago iti moula hokana pepoinalaina.

1 Korintu 12:11

Agaiana ope-ope iti nakiraiake Inao Malelaha au hadua pea. Iami au moweike kapande au montani-ntani moula peundeaNa haduduaNa.

1 Korintu 12:17

Ane rapana, ope-ope ngaana watanta mewali haha mata, noumbami kamehadinta? Ane ope-ope mewali haha talinga, noumbami kapeisanta meenga?

1 Korintu 12:19

Ane rapana Napahampaka pea ngaana, noumbami kapeisana rauli wata?

1 Korintu 12:24

Agaiana kirana watanta au maroa raita tauna, bara paraluu tapoperae. Pue Ala mokadipura kirana watanta bona hangkira au bara gaga rabila, iti au hangangaa takadipura ntepuu.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 15:38

Karoona ratuda, Pue Ala mopatuwo moula peundeaNa, duuna mesupa hampoa pare ba hampoa gogoa ba apa pea. Paka-pakana tuwo moula lengge tuda-tuda iti.

1 Korintu 3:5

Iko hai Apolo, hawina peangkai Pue Ala au moninikau bona mepoinalaikau i Pue Yesu. Ikami hadua-hadua mampopolumao bago au naweingkai Pue.

Epesu 1:5

Anti kamaahina laluNa irikita, Napakanoto amimi kaNaangkata mewali anaNa. Naangkamoke mewali anaNa anti kanahoremanta Yesu Kerisitu, lawi itimi au Natunggai hai au Napokatana.

Epesu 1:9

Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

Pampetudungia 4:11

“Ampuki, Pue Ala! Oiomi au hintoto ratoia hai rabila. Oio pea au makuasa! Lawi Oio au mampopewali hinangkana. Anti peundeaMu, Nupopewali hai Nupatuwo hinangkana au ara.”