1 Korintu 12:13 - Sura Malelaha

¹³ Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

1 Korintu 12:13 ပူးပေါင်းရင်းမြစ်များ

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Lukasi 3:16

Mololitami Yohane, nauli, “Ane iko, kuriu peakau hai owai. Agaiana ara hadua au ina mai au meliu kuasaNa hangko iriko. Mogalorina mokakahi pekapu kandupaNa, barana hintoto. Ia au ina moriukau hai Inao Malelaha hai api.

Yohane 1:16

Bara mokahopoa ahiNa, hai hangko i ahiNa iti, Ia mowatike ope-ope. Pewati au tahumba hangko Iria bara botu-botu.

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Suro 1:5

Lawi Yohane meriu hai owai. Agaiana bahangkia mani alona, ikamu ina rariu hai Inao Malelaha.”

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 3:29

Hai bara pea to Yahudi au napokaahi Pue Ala, agaiana mampokaahi worihe tauna au bara to Yahudi.

Roma 4:11

Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

1 Korintu 10:2

Nodo ikita rariu mewali topeulana Pue Yesu, ihira rariu worihe i lalu gawu hai owai mewali topeulana Musa.

Galatia 3:23

Hangkoia, hangko damani taisa rara mepoinalai i Yesu, mengkoruke i Aturana Musa. I tempo iti, nodoke tauna au ratarunggu hai rakampai, lawi natakake atura-atura iti. Nodomi katuwonta duuna Pue Ala mopakanoto noumba raranta mepoinalai i Pue Yesu.

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

Epesu 3:6

Tunggaia iti iami: tauna au barahe to Yahudi molambi worihe pewatina Pue Ala hihimbela hai to Yahudi. Napopewalimohe Pue Ala hawata-wata hai to Yahudi bona molambi worihe apa au nadandi Pue Ala i ope-ope anaNa. Iti ralambi anti pohintuwunda hai Kerisitu Yesu, lawi mopoinalaihe Ngkora Marasa.

Epesu 4:5

Hadua pea Amputa, hambua pea pepoinalainta, hai rariuke i lalu hanga au himbela.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

Epesu 6:8

Bona niisa: ope-ope tauna, maroa hawi ba au bara hawi ane mobabehi apa au maroa batena molambihe saronda hangko i Pue.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.