1 Korintu 11:7 - Sura Malelaha

⁷ Tobalilo au mekakaehe ba mopahawe lolitana Pue Ala, ineehe metolombu, lawi tobalilo rapopewali nodo Pue Ala bona hangana Pue Ala rapomahile. Towawine hangangaa metolombuhe lawi towawine rapopewali bona hangana tobalilo rapomahile.

1 Korintu 11:7 ပူးပေါင်းရင်းမြစ်များ

1 Korintu 11:3

Agaiana ara hampaka au hangangaa kupopaingaakau, Kerisitu mewali tadulakonda ope-ope tobalilo. Hai tobalilo mewali tadulakonda towawine. Hai Pue Ala mewali tadulakona Kerisitu.

1 Korintu 11:6

Mewali, ane ara hadua towawine au bara naunde metolombu i paminggu, agina ragundi peami weluana. Agaiana ane maea ragundi ba rakou, hangangaa metolombu.

2 Korintu 8:23

Ane arahe tauna au mekune kana i Titu, niuli iami rangangku au hampopobago au kutudu lao motulungikau. Hai ane arahe au mampekune kana i rangana au rodua, ihirami tauna au ratudu jumaa inde bona laohe motulungikau i bagomi. Tauna ide mampomahile hangana Kerisitu.

Yakobu 3:9

Dilanta peisa tapake motoia Pue Ala Umanta. Agaiana peisa wori tapake mopapakoi ranganta au napopewali Pue Ala moula lenggeNa haduduaNa.