1 Korintu 11:30 - Sura Malelaha

³⁰ Idomi pongkana pane bosahe tauna i olomi au mahai hai malede, hai ara wori rangami au mate.

1 Korintu 11:30 ပူးပေါင်းရင်းမြစ်များ

Suro 13:36

I karoona Daudi mobabehi apa au Natudua Pue Ala, matemi Daudi, watana ratawu i hola talumbanda toiorunda hai magoromi.

Suro 7:60

Roo indo, molingkudumi, hai mololita masisimbuku, nauli, “Pue, ineehe Nuhuku anti dosanda ide.” Karoona mololita nodo, matemi.

1 Korintu 11:29

Lawi tauna au maande roti moula rara au bara hintoto, ina nahukuhe Pue Ala, lawi barahe moadai watana Pue.

1 Korintu 11:31

Agaiana ane taparesa hampai lalunta, barake ina nahuku Pue.

1 Korintu 11:32

Agaiana ane nahukuke Pue, lempona Nakambaroake datike ina rahuku himbela hai tauna au bara moisa Pue.

1 Korintu 15:51

Mewali bona niisa, kupahaweakau paturo au tewuniangi hangkoia: i kahawena hule Pue Yesu, arake au bara mani mate, agaiana ikita ope-ope ina rabaliki, maroa au tuwo, maroa au mate.

1 Tesalonika 4:14

Ane tapoinalai Pue Yesu au mate hai napatuwo hule Pue Ala, hangangaa tapoinalai wori ope-ope tauna au mate au mepoinalai Iria ina tuwo hule worihe. Hai ina naguluhe Pue Ala hihimbela hai Yesu.

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!