1 Korintu 11:17 - Sura Malelaha

¹⁷ Kaliliuana, ara wori hampaka au kupeinao kuuliangaakau, hai bara worikau kutoia anti babehiami ide. Lawi poteruhumi bara mopaara pengkorumi i Pue Ala, agaiana moantirikau i babehia au kadake.

1 Korintu 11:17 ပူးပေါင်းရင်းမြစ်များ

Roma 13:3

Ane maroa babehianta, barake langa i topoparenta. Au langa, batenda pea tauna au kadake babehianda. Mewali, hangangaa mobabehike au maroa bona ratoiake hai datike langa i topoparenta.

1 Korintu 11:2

Kaliliuana halalu, kutoiakau lawi i paka-pakana nikatuinao liliuna, hai nipeulai liliu paturongku au kupahaweakau.

1 Korintu 11:20

Masusa lalungku, lawi ane teruhu sambelakau, bara nibabehi apa au hintoto i paande roti mokatuinao kapatena Pue Yesu.

1 Korintu 11:22

Barakau pae mosou? Agina maande hai maenu amimokau i soumi moula peundeami. Moapari hai nibabehi nodo i poteruhuami? Niunderi pae mopapakoi hangka rangami au mewali kirana Pue Ala? Nipeinao pae mopakaeahe halalumi au meahi-ahi tuwonda? Apa au hangangaa kuuliangaakau? Ba kutoiakau? Bara! I babehiami iti barakau kutoia.

1 Korintu 11:34

Ane ara au marimi, agina maande amikau mai i sou. Ane nibabehi apa au hintoto i poteruhuami maminggu, barakau ina molambi pehuku hangko i Pue. Au ntanina, ina rapakanotoaraikau ane hawena irikamu.

1 Korintu 14:23

Nauri nodo, ane arahe tauna au bara to Sarani ba au bara mani moisa Ngkorana Pue Ala hai laohe maminggu i boeami, apa au ina rauli ane ikamu ope-ope mololita i lalu basa au hangko i Inao Malelaha? Manoto ina rauli magilakau.

1 Korintu 14:26

Mewali halalu, apa lempona ope-ope iti? Ane maminggukau, hadua-hadua tauna ara kamapandenda: arahe au monani, arahe au mepaturo, arahe au mopahawe lolita hangko i Pue Ala, arahe au mololita i lalu basa au hangko i Inao Malelaha, arahe au mopalimba lempona lolitanda iti bona raisa ope-ope tauna. Agaiana hinangkana iti hangangaa nibabehi bona mopakarohokau lalunda rangami.

Ibarani 10:25

Ineeke mokaraohi pogulu-gulu i lalu penomba, nodo au rababehi tauna ntanina, agaiana hangangaa hirampu liliuke menomba bona peisake mombepakaroho mpolalu, pelumbunami i tempo ide, lawi taisa barapi mahae Pue ina hawemi.

1 Peturu 2:14

Mengkorukau i gubernur, lawi iami au natudu datu mohuku tauna au kadake babehianda hai moadai tauna au maroa babehianda.