1 Korintu 10:33 - Sura Malelaha

³³ Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

1 Korintu 10:33 ပူးပေါင်းရင်းမြစ်များ

Roma 11:14

Hangko i pobagongku ide, kuharunga kaina aranda hangka to Yahudingku moita tauna au barahe to Yahudi mepoinalai i Pue Yesu duuna mahina lalunda hai mampeinao worihe mepoinalai Iria bona tehoremahe hangko i dosanda.

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

1 Korintu 10:24

Inee tababehi au motulungi pea watanta haduduanta. Hangangaa tababehi wori au motulungi ranganta.

1 Korintu 13:5

barahe makasara, barahe mohaoki peundeanda haduduanda, barahe hengke, hai barahe mepailalu.

2 Korintu 12:14

Nipehadingi maroa! Ina laona mosondakikau i kataluna belana. Hai barana merapi apa-apa irikamu. Au kuhaoki, bara anu-anumi, agaiana lalumiri bona nipokaahina. Lawi barari anangkoi au mampasaokia paandena tosaenda; agaiana tosaeri au mampasaokia paandena ananda.

2 Korintu 12:19

Ineeri nipehangu kiuki ope-ope ide bona mouli pea notongki. Halalu au kipokaahi! Mololitangkai irikamu anti pohintuwuki hai Kerisitu. Pue Ala au mosabikike! Ope-ope au kipahawe, ope-ope au kibabehi, kipahawe hai kibabehi bona maroho pepoinalaimi.

Galatia 1:10

Mewali halalu! Ba nipehangu mampopetoiana i manusia anti pololitangku inona? Bara, agaiana mampeinao peana molambi petoia hangko i Pue Ala. Ba niuli node: “Paulu mampeinao pea mopamatana laluna manusia?” Bara kuunde mopamatana laluna manusia, lawi ide iko, hawinana Kerisitu.

Pilipi 2:21

Ane au ntantaninahe, mampekiri peahe watanda haduduanda, barahe mampekiri peundeana Yesu Kerisitu.

1 Tesalonika 2:16

Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.