1 Korintu 10:17 - Sura Malelaha

¹⁷ Lawi haogu pea roti au rakira-kiraake, hai taande. Lempona, ikita au bosa ide mewalimoke hawata-wata hai Kerisitu.

1 Korintu 10:17 ပူးပေါင်းရင်းမြစ်များ

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

1 Korintu 10:21

Ane maenukau anggoro i penombaami i Pue Yesu, bara hintoto ane lao worikau maenu anggoro hihimbela hai ihira au menombahe i tokadake. Ane maandekau roti mokatuinao kapatena Pue, bara wori hintoto ane laokau maande sambela hai ihira au menombahe i tokadake.

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.

1 Korintu 12:27

Ikamu ope-ope wataNamokau Kerisitu, hai hadua-haduakau iami hangkira hangko i wata iti.

Epesu 3:6

Tunggaia iti iami: tauna au barahe to Yahudi molambi worihe pewatina Pue Ala hihimbela hai to Yahudi. Napopewalimohe Pue Ala hawata-wata hai to Yahudi bona molambi worihe apa au nadandi Pue Ala i ope-ope anaNa. Iti ralambi anti pohintuwunda hai Kerisitu Yesu, lawi mopoinalaihe Ngkora Marasa.

Epesu 4:16

Ikita hadua-hadua au mepoinalai, rapandirike nodo hangkira hangko i Watana Kerisitu. Ane i wata manusia, hinangka kirana mombeusu maroa hai hiumpu maroa bona mewali hambua wata. Nodo wori ikita au mepoinalai: anti pohintuwuta hai Kerisitu, mohintuwuke hadua hai hadua. Hai ane ikita hadua-hadua mokadipura bago au nakira-kiraamoke Pue, ina kamaroho-rohoa peulanta i Pue hai pohintuwuta hadua hai hadua anti pombepokaahinta.

Epesu 4:25

Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.

Epesu 4:4

Ikita ope-ope au mepoinalai i Yesu Kerisitu, nodo peake hawata-wata, hai hadua pea Inao Malelaha au mampaidaike. Hai himbela wori peharunganta ope-ope, lawi nakakiomoke Pue Ala mewali anaNa.

Kolose 2:19

Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Kolose 3:15

Pue Ala mokakiokau hai Napopewalikau hawata-wata anti pohintuwumi hai Kerisitu. Mewali, nipakaroho liliu kahintuwumi au hangko i Kerisitu. Hai niuli liliu ngkaia kamaroana i Pue Ala.