1 Korintu 1:8 - Sura Malelaha

⁸ Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

1 Korintu 1:8 ပူးပေါင်းရင်းမြစ်များ

Lukasi 17:24

Lawi ane i kahaweNgku hule, Iko Ana Manusia, ina tongawa mpuu. KahaweNgku ina raita nodo pewangka kila au mesupa i Mata alo hai mewangka hawe-hawe i Katampua alo.

Lukasi 17:30

Nodo wori kamampomaleanda tauna i kahaweNgku hule, Iko Ana Manusia, i dunia.

Roma 14:4

Hai rangami iti, mobago worihe i Pue. Hemakau pane baikau mosalai hangka rangami au mobago i Pue? Ba maroa pobagonda ba bara, iti popakanotona rai Pue au mewali Amputa. Hai batena ina maroa pobagonda, lawi Pue makuasa mopakanoto raranda.

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Roma 8:19

I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

1 Korintu 3:13

Mewali, ane sou iti naande api, ina taisa mpuu pakakasi sou au maroa hai au bara maroa, lawi pakakasi au maroa ina mantaha, agaiana pakakasi au bara maroa ina pumpu naande api. Nodo wori i kahawena hule Pue, Ia ina moparesa pobagonda ope-ope tauna maroa ba bara.

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

2 Korintu 1:13

Ihi surangki au kipakatu irikamu, au peisa pea nibasa hai niisa lempona, bara ralelempingi. Nauri ide-ide bara mani niisa ntepuu ope-ope tunggaiaki, agaiana kiharunga kahopoana ope-ope iti ina niisa ntepuu. Hai i kahawena hule Pue Yesu Amputa, ina matana lalumi anti kaikamina hai ikami wori ina matana lalungki anti kaikamuna.

2 Korintu 1:21

Pue Ala haduduaNa au mopakaroho lalungki hai lalumi bona mohintuwuke hai Kerisitu. Napileimoke mewali taunaNa,

Epesu 5:27

bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

Pilipi 1:6

Pue Ala au mobago i lalumi, hai maroa mpuu bago au Napepongka i lalu katuwomi. Hai kupoinalai Pue Ala ina mopaliliu bago iti duuna hopo apa au Natunggai i lalu katuwomi i alo kahawena hule Kerisitu Yesu.

Kolose 1:22

Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,

Kolose 2:7

Mewali, hangangaa nipakaroho hai nipatetida lalumi Iria. Nipakaroho pepoinalaimi, nodo au rapaturoamokau. Hai niuli liliu ngkaia kamaroana i Pue Ala.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 5:2

Lawi niisa halalu: alo kahaweana Pue iti ina mai nodo topanangka i tanga kaindi; ope-ope tauna i dunia ina tingkarahe.

2 Tesalonika 2:2

datikau holi-holi napawuli bambari au mampololita kahawenami Pue Yesu, lawi arahe au manguli Inao Malelaha mampopaisaahe nodo. Ara worihe au mouli kaarana sura hangko irikami au mopakanoto kahawenami alona Pue.

2 Tesalonika 3:3

Pue Yesu bara mokabaha pekadipuraNa irikamu. Ia ina mopakaroho lalumi hai mampeparaikau hangko i Datu Tokadake.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

2 Peturu 3:10

Agaiana batena mpuu ina hawe Pue! Hai i kahaweNa iti, ina tingkara mpuuhe tauna, nodo i kahawena hadua topanangka. I alo iti, ina rahadi hambua pomoni au melangaki, hai i tempo iti peami, langi ina magero. Hinangkana au ara ina naande api. Dunia ide hihimbela hai ihina ina pumpu.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.