1 Korintu 1:29 - Sura Malelaha

²⁹ Mewali, ido hai bara ara tauna au peisa mampemahile. Bara ara hadua au peisa manguli, “Anti kamapandeku, ido hai napileina Pue Ala.”

1 Korintu 1:29 ပူးပေါင်းရင်းမြစ်များ

Roma 15:17

Anti pohintuwuku hai Kerisitu Yesu, matana lalungku mopatuntu bago au kupobago i Pue Ala.

Roma 3:19

Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.

Roma 3:27

Mewali, barapi ara raranta mampemahile. Lawi barake nadoko Pue Ala anti kamaroana babehianta. Agaiana Nadokoke anti pepoinalainta i Pue Yesu.

Roma 4:2

Ane rapana Burahima mewali manoto i peitana Pue Ala anti babehiana au maroa, peisa mampemahile. Agaiana bara ara pongkana Burahima mampemahile i lindona Pue Ala, lawi ia bara mewali manoto i peitana Pue Ala anti babehiana au maroa.

1 Korintu 1:31

Mewali, nodo au teuki i lalu Sura Malelaha: “Hema au naunde mampololita kamatanana laluna, hangangaa napololita kamatanana iti anti kamaroana Pue iria.”

1 Korintu 4:7

Ba niuli maroa lalumi hangko i rangami? Apa pae au ara irikamu au bara nidoko hangko i Pue Ala? Moapari hai mampemahilekau ane ope-ope au ara irikamu au nawei peakau Pue Ala?

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.