1 Korintu 1:21 - Sura Malelaha

²¹ Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 1:21 ပူးပေါင်းရင်းမြစ်များ

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Lukasi 10:21

I tempo iti, matanami Yesu i lalu Inao Malelaha, hai hangko i kamatanana laluNa, Nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande. Lawi nodomi peundeaMu, Uma.”

Lukasi 12:32

“Ikamu au meula Iriko, ineekau langa, nauri barakau bosa. Lawi hangko i kabulana laluna Pue Ala Umami, mopileikau molambi katuwo maroa i lalu poparentaNa.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 11:33

Maroa mpuu Pue Ala! Kaladu mpuu pekiriNa hai manoto laluNa! Hema au peisa moparesa tunggaiaNa? Hema au peisa moisa ope-ope raraNa?

1 Korintu 1:18

Mopahawengkai bambari au manguli Kerisitu mohuru dosa manusia i karapapateNa i kau mombehape. Ane tauna au monontohi naraka mohadi bambari iti, rauli, “Iti lolita tontuli.” Agaiana ane ikita au nahoremake Pue Ala hangko i huku dosanta mohadi bambari iti, tauli, “Itimi kuasana Pue Ala!”

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.

1 Korintu 1:24

Agaiana i tauna au nakakiomohe Pue Ala, maroa to Yahudi ba au bara to Yahudi, bambari iti, naporara Kerisitu mopatongawa kuasaNa hai kapandena Pue Ala.

1 Korintu 1:25

Ane mopahawengkai kapatena Kerisitu au rapaku i kau mombehape, raimbangkai tontuli. Agaiana katouana, meliu kamapandena Pue Ala hangko i kapande manusia. Moula lolita manusia, tunggaiana Pue Ala iti bara mobundu. Agaiana meliu kuasana Pue Ala hangko i kuasa manusia.

1 Korintu 1:27

lawi Pue Ala mopilei tauna au bara mapande i peitana manusia bona tomapande ina rapakaea. Naoaka mopileihe au malede bona tauna au maroho ina rapakaea.

1 Korintu 11:32

Agaiana ane nahukuke Pue, lempona Nakambaroake datike ina rahuku himbela hai tauna au bara moisa Pue.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

1 Korintu 4:10

Ikami raimbangkai tontuli lawi mopahawengkai bambari kana i Kerisitu, agaiana niuli ikamu to Sarani au mapandekau! Ikami, maledengkai, agaiana niuli ikamu maroho pepoinalaimi! Ikamu raadaikau tauna i dunia, agaiana ikami, rakakabosaingkai!

1 Korintu 6:2

Bara pae niisa halalu, i alo pebotusi, tauna au mepoinalai i Pue Yesu ina mampohuda-hudaa kara-karanda tauna i dunia. Mewali, ane ikamu ina mewali topebotusi au mampohuda-hudaa kara-karanda tauna i dunia, noumbami pae ane bara nibuku mobotusi kara-karami au koi i tempo ide?

Galatia 1:15

Agaiana anti kabulana laluNa Pue Ala, hangko damanina rapoanaka, Napileimona bona mewalina SuroNa.

Galatia 4:8

Hangkoia hangko damanikau moisa Pue Ala, mengkorukau i anitu, au bara makuasa.

Epesu 1:9

Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

Epesu 3:10

Tunggaiana Pue Ala iami bona ide-ide melempo i pohintuwunda tauna au mepoinalai Iria, maroa to Yahudi ba au bara to Yahudi, ope-ope topoparenta hai ope-ope au makuasa i suruga ina moisa kamatopana Pue Ala mampobago hinangka tunggaiaNa.

Kolose 1:19

Ope-ope ide mampololita kana i Kerisitu, lawi Pue Ala mopakanoto bona ope-ope au ara Iria ara wori i AnaNa.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 2:3

melumbu mani pehukuna Pue Ala irikita ane barake mopailalu bambari katehorema. Hai bambari katehorema iti melumbu ntepuu kuasana hangko i aturana Musa, lawi nguru-nguruna bambari iti napahawemi Anana Pue Ala haduduaNa. Hai tauna au nguru-nguruna mohadi lolitana Yesu hangkoia mopakanotoake katouna bambari iti.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.

Yakobu 5:20

nikatuinao lolita ide: hema au moanti hadua tauna au madosa menoso hangko i babehiana au masala, ia mohorema rangana iti hangko i kapate, hai dosana rangana au ngkaia iti, teampungi. Hangko iriko YAKOBU