1 Korintu 1:17 - Sura Malelaha

¹⁷ Barana Naangka Kerisitu mewali suroNa bona moriuna tauna, agaiana Naangkana bona moantina Ngkora Marasa. Ane mopahawena Ngkora Marasa, barana mololita hangko i kamapandeku datihe ara tauna au mampoinalai i Kerisitu anti kamapandeku mololita, agaiana mepoinalaihe anti kuasa kapatena Kerisitu, bona kapatena Yesu i kau mombehape, bara mbero-mbero.

1 Korintu 1:17 ပူးပေါင်းရင်းမြစ်များ

Yohane 4:1

Rahadimi toParisi bambari au manguli kabosa-bosaami tauna au lao mampoperiu i Yesu, alana meliu kabosanda tauna au meula i Yesu pane tauna au meula i Yohane.

Yohane 4:2

(Katouana, bara Yesu au meriu, topeguruNari au meriu.)

Suro 10:48

Ido hai natuduhe Peturu bona rariuhe i lalu hangana Yesu Kerisitu. Roo indo, Kornelius hai rangana merapihe i Peturu bona maida hampai hihimbela hai ihira bahangkia alona.

1 Korintu 2:1

Halalu, kahawengku i boeami hangkoia, kupahaweamokau bambari au hangko i Pue Ala. I tempo iti, barana mopake basa au mapangka ba lolita au moula kamapandeku sadudua.

1 Korintu 2:13

Mewali, ane mopahawengkai Ngkora Marasa, barakau kipahawea hangko i kamapandeki mololita. Agaiana kipakanoto bambari iti hai lolita hangko i Inao Malelaha i tauna au molambihe Inao Malelaha.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 10:10

Lawi arahe tauna i olomi au mokakabosaina, rauli: “Ane i surana, ara kuasana lolitana hai pemoso pepaturona, agaiana ane ara inde hihimbela hai ikita, bara manoto pololitana hai malede watana!”

2 Korintu 11:6

Lawi nauri bara gaga kuisa mololita, agaiana kuisa ntepuu paturo au tou. Hai paturo iti nihadimi hai niita mpuumi i hinangkana babehiangki i olomi.

2 Korintu 4:2

Kikaraohi hinangka babehia au mepakaea; bara ara au kiwuwuniangi; barangkai mopakanawo tauna, barangkai mobaliki tunggaiana Ngkorana Pue Ala. Kipahawe pea apa au tou i kanoto-notoana bona ope-ope tauna mopangaku katouna bambari au kianti. Napetirongkai Pue Ala!

2 Peturu 1:16

Kipaturoakau kamahilena kuasana Amputa Yesu Kerisitu hai kaina haweNa hule i dunia. Au kipaturoakau ide, bara pea lolita au rababehi. Kiisa apa au kipaturoakau, lawi kisabiki mata peawana tuwona Yesu.