เซฟางยา 3:11 - Northern Pwo Karen Thai Bible11 “ล นี้ง แย๊ นอ, น ล แบ ทแม้ เกม๊า ฌางแช้ฌางเด ลู่ง ทไพ้ะทแม้ กุ้เม้ง, พี่ น กไบล้ะกแบล ดี๊ เฆ้อ นอ แบ เมะเว๊ อช๊าอโท่ แค๊ นอ, ก ม แม้นี่ โพล้ง อางปฆ้า เท่อ, ทื่งดูล้างซ้ะ นอ ไจทางไฆวะ ลู่ง นซุ้นแกล้ พ้า น ล ทื่งดูล้าง น ซ้ะ ลู่ง ก ทลู่ง เช๊งเกล้ง คู น่างชู้ ล้า แบ အခန်းကိုကြည့်ပါ။ |
เซฟางยา 3:11
29 ပူးပေါင်းရင်းမြစ်များ
ก ม เฌ๊ฌ้า อ ซื๊งเว๊ ลู่ง ก ทลู่ง พี่ อฌี้อแอว้ ดี๊ ดึ้ เกม๊า อ เว๊ เซิงฆวี๊งซ้ะโย้, โอ ลู่ง ก ท ชูแพ อางท่าง เท่อ อ ล่าง พ้า อ ทลื่งทางเช้าทพูแฆ่น๊างดื้ง ดี๊ อ ทลื่งทาง ม เก ท พี่ อ แบ ทมอง ลู่ง ก ท ลื่งทาง อ ล่าง คู อไฌ่บี่อี้ง, ก ล่างโอ นอ, อ เว๊ ม กุ้ เว๊ บี่อี้ง, ทล่าง ชูแพอางท่าง เท่อ ลู่ง โพล้ง กุ้ชื้อ อ ฌ่าง
“ทอดูทึโท๊ทึกแช่ยาเว ไจ้ะเว๊, อไฌ่บี่อี้ง, ลู่ง ก ทลู่ง อฌี้อแอว้ คู, เมะเว๊ อีซลาเอง อ ทลู่ง พ้ะโท๊, พี่ นอ กเย่ อีซลาเอง อชื้ออชะ เลาพะ ม แม้ เอะ ก เท่อ ลู่ง ที๊งล่างค่างพ้า นอ, พี่ นอ ก ม แบเมะล้างซ้ะ ดี๊ อ ซื๊งเว๊, พี่ นอ ก ม ฮะนี่ น ซื๊ง อ ทเทว๊, เลา ดี๊ ทโบงทแบ้ พี่ ลึนี่ ลู่ง อ ฌี้ ทึ นอ, ดี๊ น ทลื่งทาง เช๊งเกล้ง เลาพะ
เกม๊า โล้ เอะ อีซลาเอง อชื้ออชะ บี่อี้ง, ทอดูทึโท๊ทึกแช่ยาเว ไจ้ะเว๊ บี่อี้ง, แคว่เซ้อ, ก ม แม้ ก ทแบ้แยว้ล่างลู่งอฌี้, พี่ เก ท เซิงมึซ้ะมึ ลู่ง น ซื๊ง อไฌ่อแบ้ พ้า, เก ท แบซ้ะ ลู่ง น ซื๊ง เมะคลี๊ง พ้า, ดี๊ เก ท พี่ นวีงนแล้ เอ เว๊ นอ, เกม๊า อ ล้างไช้ะล้างย่องไฆวะ, น ซื๊ง พูแคว๊ พูมืง พี่ น อางกีโท่ไฆวะ ลู่ง ท ล่างไค๊ นอ, ม ล้างเทะเค้า ดี๊ น้ะ
ทอดูทึโท๊ทึกแช่-เอ้อ, บี่ซุ้ดี๊ น ทแม้ พี่ อฌี้อแอว้ กุ้เม้ง นอ, อวีงซ้ะชู้ เกม๊า น ท ซ้ะทาง ดี๊ น ท ซ้ะทาง พ้ะดู แกยไฆวะ อ ซ้ะ ดี๊ น เว่ง เยรูซเลง, น ทลู่ง เช๊งเกล้ง นอ, เป๊งนี่ ลู่ง ก ทเด้บ้ะ ดี๊ ก พี๊งชู้พู๊งชู้ ซีง ลแพ อ ทไพ้ะทแม อกย้องนอ, เยรูซเลง ดี๊ กแช่แยว้ อพูอลี้ง นอ, เกทางก้ะ ทไคล้ ไฌ๊ซ้ะ ลู่ง โพล้งกุ้ชื้อกุ้ชะ พ้า, พี่ โอ วะ อฆูอฆ้อง นอ ล้อ
กเย่ เว่ง อี้ง อคูอแน่ นอ, ต้ะเซ๊ง บ้าคว่าง ดี๊ ท แด ที่ จี้ทไซ้ะไบ้ะนุ้ ดี๊ กเย่ โพล้งลื่งเท่ออคู นอ, ซองเท่อซ๊างเท่อ ดี๊ ท แด ที่ จูงเล้งคางเล๊ เลา ดี๊ กเย่ โมไคล้คิ้กแช่แยว้ นอ, พ้ะเว้ เท่อ ดี๊ ท แด ที่ จี้ ทึเมะ บี่นอ ฌี้ นอ, อ ซื๊งเว๊ เฆว้ง แบ กแช่ยาเว, ดี๊ ไจ้ะเว๊ บี่อี้ง “กแช่ยาเว โอ ลู่ง กซุ้กแกล้ ล เมะ แบ โบ่? ทเซงทื่งเฌ๊ฌ้อง ล โอ กึทาง ดี๊ เฆ้อ ซี น่างเม้ง แบ”
อ ซื๊งเว๊ซีง เฌ๊ โอซยอง โละอซ้ะ แม้ ไทะทะ โมเซ ดี๊ อาโรง, ไจ้ะ เอะ อ ซื๊งเว๊ คี๊ง แฌ้ นอ บี่อี้ง, “น แม้ เท่อ พะไฆวะ น้ะ, เมะเว๊ โพล้ง น๊างมู๊ง เลา ปะ อี้ง นอ, อฌี้อแอว้ กุ้ แฌ้ ล้อ, ดี๊ กแช่ยาเว โอ ลู่ง อ ซื๊งเว๊ อ ซุ้ อ แกล้, แม้ ทเล้ น ซื๊ง คี๊ง แฌ้ อี้ง อางกี ทาง โท๊ ล้าง ซ้ะ ลู่ง กแช่ยาเว อ ทแพโซง อ ล่าง พ้า อี้ง?”
ကြော်ငြာတွေ