เซคารียา 8:12 - Northern Pwo Karen Thai Bible

¹² อไฌ่บี่อี้ง, ม โอ ดี๊ ท ฆวีงล้าง ทล๊าทฆวี้ อซยืงอบ้ะ, ซไบ้ะ มื่ง ม โอ ดี๊ อ แซ, ดี๊ ที๊งล่างค่างพ้า ม เกม๊า ทซูงทแซ, ดี๊ ทมุ้คู ม เกม๊า ปช้างที๊ง, ดี๊ ก ม ดึ้ เกม๊า โพล้งเฌงพูฆ๊างพู พี่ ล้างลื๊อ โอก้ะ อี้ง นอ, นี่แบก้ะ ท ลแพ อี้ง เลาพะ

เซคารียา 8:12 ပူးပေါင်းရင်းမြစ်များ

ทอคางไท้ะ 26:12

อีซาฮ้ะ ฆวีงล้าง ทดุ้ทแล ลู่ง ที๊งล่างค่างพ้า นอ, ล เนง ฆ่าง นอ, อ เว๊ นี่แบ ไท้ ทซูงทแซ อ โทะ ล แย้, กแช่ยาเว ชูฌี้ แบ-อ้ะ

ทอคางไท้ะ 27:28

เกม๊า กแช่แยว้ เกล๊าง เอะ แน้ ปช้าง ที๊ง เฌ๊ล้างนี่ ลู่ง มุ้คู ดี๊ เกล๊าง เอะ แน้ ที๊งล่างค่างพ้า อ ทกู้งทล๊า เลา ดี๊ บืง, ดี๊ ไซ้ะ ซไบ้ะ แซ ที๊ง อ ซ๊าง แอฌี่งแอฌ้อง

1​กจุ้แฆว้ 17:1

เอลียา เก โพล้ง ทิ้บี โอ ลู่ง กีเลอา พ้า, อ เว๊ ไคล้ ดี๊ กจุ้แฆว้ อาฮะ ไจ้ะเว๊, “กแช่ยาเว โพล้ง อีซลาเอง อ กแช่แยว้, พี่ จ แม้ เอะ อ เท่อ ล แฌ้ นอ, โอม๊า ได้ะ บี่จะเล้ นอ, จ เมะ ล อางท่าง แบ นอ, ปช้าง ที๊ง ฌี้, ทเฌ๊ช้า ฌี้ ล โอ ลู่ง เนง ลแพ อี้ง อ แค๊ ล้าแบ บี่นอ ล้อ”

ทอางปฆ้า 72:3

เกม๊าเต้ ทลู่ง, ดึ้ กึทาง ทมึทพ้า, เอะ โพล้งเฌงพูฆ๊างพู ดี๊ เกม๊า ทลู่งทจ้อง แม้ บี่นอ, ลู่ง ทแบกแช่แยว้อซ้ะ ปะ

ทอางปฆ้า 85:12

เอิ้ง, กแช่ยาเว ม เกล๊าง เท่อ พี่ ฌี้ๆ, นอ ดี๊ เฆ้อ ซีงลแพ, ก ที๊งล่างค่างพ้า, ม ซูงทางแซทาง

ทอางด้อง 19:12

กจุ้แฆว้ อ ท ซ้ะทาง นอ, บี่ซุ้ดี๊ คี๊ยื่ง แพ๊ อ ลู่ง กุ้ซย้ะ เท่อ แบเด้าะ กจุ้แฆว้ อ ท แบเมะล้างซ้ะ นอ, บี่ซุ้ดี๊ ปช้างที๊ง ลู่ง นาง คู

อีซยา 30:23

ดี๊ กแช่แยว้ ม เกล๊าง ทเฌ๊ช้า เอะ น ทคลี๊งทโพ๊ พี่ น ฆวีงล้าง ลู่ง ฌางคู คู, ดี๊ เกล๊าง บืง พี่ เก ฌางคู อซูงอแซ, บืง มแอมโฌ่ ดี๊ มกู้งมล๊า, ล นี้ง แย๊ นอ, น ทพูแฆ่ น๊างมู๊ง พี่ น ลื่ง-อ้ะ, ม อาง เท่อ โอ ลู่ง นาง ญ้าง พ้ะเล่ พ้า

อีซยา 61:7

เท่ง ก้ะ น ซื๊ง ท ฌางแช้ นอ, น ม นี่ แบ ทฆี๊งทแล้ คี๊งโทะ เท่ง ก้ะ ท ล้างไช้ะล้างย่อง นอ, อ ซื๊งเว๊ ซีง ลแพ, ม ซ้ะอวีงซ้ะโทะ ดี๊ อ ท อางน้าง ล น้าง อกย้องบี่นอ, อ ซื๊งเว๊ ม นี่แบ เท่อ เก อ เว๊ คี๊งโทะ, ลู่ง อ ที๊งล่างค่างพ้า ท เซิงฆวี๊งซ้ะโย้ ล้างชู้ล้างแกย ม เก อ เท่อ

เยเรมี 31:12

อ ซื๊งเว๊ ลแพ นอ, ม เฌ๊ ซ้ะอวีงแท๊, โอ ลู่ง ทล่าง พ้ะโท๊ คู ลู่ง ซีโยง ดี๊ อ เว๊ ม เซิงมึซ้ะมึ ลู่ง กแช่ยาเว อ ทฌี้ทแอว้ อกย้อง เมะเว๊ บืง คลี๊ง, ไซ้ะ ซไบ้ะแซ ที๊ง, ดี๊ ทซู อกย้อง เมะเว๊ แกะพู ดี๊ งู้ อกย้อง อ ซื๊งเว๊ อ ทม๊า ม บี่ซุ้ดี๊ โซ๊ง พี่ โอ ดี๊ ที๊ง ชู๊ง เท่อ ดี๊ อ เว๊ ม ล ล้างเพาล้างเบ้ ล้า แบ

เอเซเคียง 34:28

อ ซื๊งเว๊ ม ล เก โพล้ง กุ้ชื้อกุ้ชะ อ ท ลู่นี่ก้ะ ล้า แบ, ดี๊ ทพูแฆ่ เม้ง ลู่ง ฌางคูคู นอ, ม ล ไออาง อ ซื๊งเว๊ ซีง ลแพ แบ, ดี๊ อ ซื๊งเว๊ ม โอมึโอพ้า, โพล้ง ล โอ แม้ ซ้ะเมซ้ะไพล้-อ้ะ น่างแฌ้ แบ

เอเซเคียง 36:12

เอ้อ, ก ม เกม๊า โพล้ง เฌ๊ ไจ น คู, เมะเว๊ กพูกลี้ง อีซลาเอง, อ ซื๊งเว๊ ลแพ นอ, ม นี่แบ แน้ เกก้ะ อ เท่อ, ดี๊ น ม เก อ ซื๊งเว๊ อคองอแซย้, ดี๊ น ล ดึ้ เกม๊า อ เว๊ เมะมองแน๊อึ้ แบฆ้ะ ดี๊ พู อไฌ่อกย้อง ล้า แบ

เอเซเคียง 36:30

ก ม แม้แอทาง เซง อซูงอแซ, ดี๊ ทซูงทแซ ลู่ง ฌางคูคู, บี่ซุ้ น ล แบ โท่ง ฮะนี่ ท ฌางแช้เมะฌางแช้แน๊, ลู่ง โพล้ง กุ้ชื้อกุ้ชะ อซุ้อแกล้ พ้า, ลู่ง ท ซ้ะวี่ง อาง เท่อ อกย้อง ล้า แบ

เอเซเคียง 36:9

เมะเว๊ แคว่เซ้อ, ก โอ ดี๊ แน้, ก ม แกย ก ซ้ะ เฌ๊ฌูง แน้, ดี๊ น ม นี่แบ ท เท๊ ดี๊ ท ฆวีงล้าง

โฮเชยา 13:3

อกย้องบี่นอ, อ เว๊ ม เก บี่ซุ้ดี๊ ทไค้ะซวี๊ง ลู่ง โฌ้โค๊-อ้า บี่ซุ้ดี๊ ปช้างที๊ง พี่ ล้างแม่ไฆวะ โค๊ ลู่ง ทพ้างทาง โฌ้โค๊-อ้า นอ บี่ซุ้ดี๊ พี๊ซวิ้ พี่ ลี้งอูงไฆวะ เว๊ ลู่ง ทล่าง เพา ล้าง บืง-อ้า บี่ซุ้ดี๊ ท อ คูง พี่ ไจทาง นี่ ลู่ง ป้อง อ เช้า พ้า-อ้า นอ ล้อ

โฮเชยา 14:5

ก ม เก เอะ อีซลาเอง บี่ซุ้ดี๊ ปช้างที๊ง อ เว๊ ม เซิงฆวี๊งซ้ะโย้, พ้ะ ด้องซุ้ ลีงลี้ โพ๊ อ เว๊ ม เช้ล้าง อ ฌี่ง, บี่ซุ้ดี๊ เซง มื่งเทิง ลู่ง เลบาโนง

โยเอง 2:19

กแช่ยาเว ไคล้ช๊า อพูอลี้ง ไจ้ะเว๊ “อี้งเซ้อ, ก ม โซ๊งทาง เอะ แน้ บืง, ไซ้ะ ซไบ้ะแซ ที๊ง ดี๊ ทซู น ซื๊ง ซีง ลแพ ม อางกึ้โอ้ฆวี้ ก ม เกม๊า น ซื๊ง ล แบ ทแม้ ไฌ๊ซ้ะ ลู่ง โพล้งกุ้ชื้อกุ้ชะ อซุ้อแกล้ พ้า ล้า แบ

โยเอง 2:22

ซ้ะเม ล ฌี้ เฆาะ, ทพูแฆ่ เม้ง ลแพ ซีง-เอ้อ อไฌ่บี่อี้ง, นางญ้าง ลู่ง แพะคูทเคแกล้ นอ, แล๊แค๊ เซ๊งไจ้ะ ดี๊ เซง มื่งเทิง นอ, ซูงทางแซทาง เว๊ กูงเย้ มื่งเทิง, ดี๊ ซไบ้ะ มื่ง นอ, แซทาง แอ มะ ล้อ

เลวี​อ​ไฌ่ 26:3

“น ซื๊ง ซีง ลแพ, เมะ แม้โพะ จ ท อเค้อะอต้าง อ ไค๊, แฌแซกต้าง จ ทซองทซ๊าง, ดี๊ แม้โพะ อ ไค๊ นอ

เซฟางยา 3:13

กเย่ โพล้ง พี่ โอ ล้างลื๊อ ลู่ง อีซลาเอง พ้า นอ ม ล แม้ ทเด้บ้ะ แบ ดี๊ ม ล ไคล้ คีงอูงคีงตู๊ง แบ ดี๊ ลู่ง อ ซื๊งเว๊ อ นุ้ พ้า นอ ม ล แด พลี้ พี่ อางโล๊ไละ เท่อ แบ เมะเว๊ อ ซื๊งเว๊ ซีง ลแพ, ม อางฆื๊ง อาง เท่อ, ดี๊ มี๊งน้าง ดี๊ โพล้ง ล โอ แม้ ซ้ะเมซ้ะไพล้-อ้ะ น่างแฌ้ แบ”

ฮะไก 1:10

อกย้องบี่นอ, มุ้คู พี่ โอ น ซื๊ง คูด้าง นอ, แม้ โอโท๊ทะ ปช้างที๊ง, ดี๊ ที๊งล่างค่างพ้า นอ, แม้ โอโท๊ไฆวะ อ ทดุ้ทแล ทซูงทแซ

ฮะไก 2:18

ค๊องเนงอี้ง, เกม๊า ช๊องมองแคว่ที๊ง เท่อ, ท๊อง ล นี้ง แย๊ อี้ง, ท้อง ชู่งแย๊โค๊, เมะเว๊ มื่ง คี๊งชี๊ง ลี่ง นี้ง, แล้ ควี๊ง เบง ล เบง, เมะเว๊ มื่งนี้ง พี่ ช๊างล้าง กแช่ยาเว อ เว่งฮ๊าง คางไท้ะ, เกม๊า ช๊องมองแคว่ที๊ง ไช้ะ

ฮะไก 2:19

บืงแซ โอท๊าง ลู่ง พ๊าง พ้า ได้ะ โบ่?, ซไบ้ะ มื่ง, กูงเย้ มื่งเทิง, ดี๊ ม้างเกาะ อ มื่งเทิง, ดี๊ ไพ อ มื่งเทิง นอ, ล แซทาง ได้ะแบ-อ้า, ท๊อง ล นี้ง แย๊ อี้ง ท้อง ชู่งแย๊ นอ, ก ม ชูฌี้ชูแอว้ แน้”

เซคารียา 8:6

กแช่ยาเว ซึ้คู ดูทึชองทึ ไจ้ะเว๊ บี่อี้ง, ท ล ไฌ่ อี้ง เมะ เก ท ไฌ่ ล้างลู่ล้างล้ะ, ลู่ง โพล้งเฌงพูฆ๊างพู พี่ ล้างลื๊อ โอก้ะ ล ชู้ แย๊ อี้ง อ ฌ่าง นอ, กแช่ยาเว ซึ้คู ดูทึชองทึ ไจ้ะเว๊, เกิ้ง ม ล้างลู่ล้างล้ะ ลู่ง ก ฌ่าง ปะ โบ่?

มาลาคี 3:11

ก ม แม้ไฆวะ เอะ แน้ ทวี่ ลแพ นอ, บี่ซุ้ ล แม้เฌ๊ฌ้อง น ทซูงทแซ ลู่ง ฌางคูคู แบ, ดี๊ ซไบ้ะแซ ลู่ง น โซ๊ง พ้า ล ล้างเทะ แบ, กแช่ยาเว ซึ้คู ดูทึชองทึ โล้ เว๊ บี่อี้ง ล้อ

ม้ะทู 6:33

แบ เด้าะ อางฆื๊ง นี่ ก้ะ กแช่ แยว้ อ มื่ง อ บ้าง, ดี๊ ท แม้ ลู่ง อ แบ อ ซ้ะ นอ ท้อง อ ฌ้อง แบๆ, ฌ้อง น ม นี่ แบ ก้ะ ท ล เอ้า แย๊ อี้ง กุ้ อ เม้ง

1​โคเรง 3:21

ท บี่ นอ, อางกี ทาง โท๊ โพล้ง น่าง แฌ้ ล ฌี้, เมะ แคว่ ที๊งๆ, นอ, ท กุ้ อ เม้ง เก น ซื๊ง เท่อ ล้อ

โล้​ล้างที๊ง​ทอางแม้เลา 32:2

เกม๊า จ ทซองทซ๊าง ล้างช้าง ด้องซุ้ ทเฌ๊ช้า ล้าง ดี๊ เกม๊า จ ทลื่งทไคล้ คะจ้าง ล้าง อ ซ้ะ ด้องซุ้ ปช้างที๊ง ด้องซุ้ ท กมวี๊ง ล้าง ลู่ง นาง บางไพละ คู ด้องซุ้ ทเฌ๊ช้าล้าง พ้ะดู ลู่ง ทดุ้ทแล คู

โล้​ล้างที๊ง​ทอางแม้เลา 33:13

ดี๊ ไคล้ แบฆ้ะ ดี๊ โยซิ้ ไจ้ะเว๊ “เกม๊า อ ที๊งล่างค่างพ้า นี่แบ ทชูฌี้ ดี๊ กแช่ยาเว เกม๊า อ นี่แบ ท อ ลื่งดูฆวี้ดู ลู่ง มุ้คู, ลู่ง ที๊งฆวี ปช้าง ดี๊ ลู่ง ที๊ง ฌางคู พ้า, พี่ คะด้ะ ล้าง อ ซ้ะ ฌางคู พ้า แย๊ โค๊ นอ

โล้​ล้างที๊ง​ทอางแม้เลา 33:28

ทบี่นอ, อีซลาเอง โอมึโอพ้า เว๊ ล้อ ยาคุ้ อ ที๊งทางชุ้ โอ แด เว๊ ล จอง ล้อ ลู่ง ที๊งล่างค่างพ้า, พี่ เกม๊า โอ ดี๊ บืง, ดี๊ ไซ้ะ ซไบ้ะแซ กแช่แยว้ อ ทมุ้คู ฆวีงล้าง ปช้างที๊ง ปะ

ยาเก้า 3:18

โพล้ง พี่ อ แม้ ท ฆู๊ง ท พุ้ ลู่ง กโพล้ง อ แกล้, ดี๊ เซิง ล้าง เท่อ ลู่ง อ ฆู๊ง อ พุ้ นอ, อ นอ, แบ กแช่ แยว้ อ ซ้ะ นอ ล้อ