เซคารียา 7:11 - Northern Pwo Karen Thai Bible11 แบเด้าะ อ ซื๊งเว๊ ซม๊า พี่ ม คุ้ช๊องแน เท่อ, อ เว๊ แน่ลู่แน่ตาง, ดี๊ วีงโด้งโคล๊งไฆวะ อ ซ้ะ, อ เว๊ ไซ้ะไบ้ะ อ แน่, บี่ซุ้ ม ล แน่ฌ๊า เท่อ แบ အခန်းကိုကြည့်ပါ။ |
เซคารียา 7:11
41 ပူးပေါင်းရင်းမြစ်များ
อ ซื๊งเว๊ ซม๊า ล คุ้ช๊องแน เท่อ แบ, ดี๊ ล ควี๊งคูแกยแน่ ดี๊ ทล้ะทเล่, พี่ กแช่แยว้ แม้ทาง เว๊ ลู่ง อ ซื๊งเว๊ อ แกล้ พ้า นอ แบ, แบเด้าะ อ ล ญ่อง ชู่ง เท่อ แบ, ดี๊ ต๊างทางนี่ อคูอแน่, บี่ซุ้ ม ไท้ เกไท้ ทอฆ่อง ลู่ง อีไย้ะ พ้า แบเด้าะ กแช่แยว้ เก กแช่แยว้ พี่ ล ทื๊งนี่นะนี่ เท่อ แบ, โอ ดี๊ อโก้งอโบ้ง ดี๊ อ ทย๊างซ้ะ, อ ซ้ะทาง โกย้, ดี๊ โอกู้งโอล๊า ดี๊ ทเอทกวี้ง เฌิ่งๆ, ค๊าๆ ดี๊ ล ญ๊องไฆวะ อ ซื๊งเว๊ แบ
ดี๊ กแช่แยว้ โล้ ซีงแฌ๊-อ้ะ, บี่ซุ้ ม แกยไท้ เว๊ เกม๊า อ เฌ๊ฌูงไท้ กแช่แยว้ อ ทอางแม้เลา, แบเด้าะ อ เว๊ แม้ เท่อ ทื่งดูล้างซ้ะ ได้ะ, ล ญ่อง ชู่ง กแช่แยว้ อ ทซองทซ๊าง แบ, แบเด้าะ แม้ไพ้ะ แบ กแช่แยว้ อ ทอางกีล้าง, (พี่ เก ทแม้โพะ ท อ ไค๊ ลู่ง กโพล้ง ม โอม๊า ซี) ดี๊ แกยไฆวะ อ ซ้ะ ลือ เท่อ, ดี๊ อ แน่ลู่, ดึ้ เท่อ ดี๊ ล ชู่ง เท่อ แบ
อ ซื๊งเว๊ นี่ แกยไท้ อ ซ้ะ, ไท้ฌูงไท้ ทไพ้ะทแม ลู่ง อ พี๊งชู้พู๊งชู้ ลู่ง แย๊ อู้ง, พี่ ซม๊า เท่อ ล ญ่อง คุ้ช๊องแน ก ทไคล้ แบ, อ เว๊ ลี้โพะก้ะ ท กโช้งกแช่ อ แฌ้แพ อ ไค๊, ดี๊ แม้ เอะ ท กโช้งกแช่ นอ อ เท่อ, โพล้ง อีซลาเอง, ดี๊ โพล้ง ยูดา นอ, แม้ไพ้ะ แบ ก ทเอิ้งล้าง, พี่ ก แม้ เว๊ อ พี๊งชู้พู๊งชู้ ลู่ง แย๊ อู้ง นอ
เมะเว๊ ชื้อชะ พี่ ออ้าอซ๊าง อี้ง, พี่ อ ซม๊า เท่อ, ล คุ้ช๊องแน ก ทไคล้ แบ, โพล้ง พี่ แม้ เท่อ ท๊อง อ กแช่ อ ซ้ะ แด เว๊, ดี๊ นี่ โพะตไล่ ท กโช้งกแช่ อ แฌ้แพ อ ไค๊, บี่ซุ้ ม แม้ เอะ เว๊ อ เท่อ, ดี๊ โบงทางแบ้ทาง ท กโช้งกแช่ ลแพ นอ, ม เก บี่ซุ้ดี๊ ตไก้ยะ เรา ย่างเด้ง อี้ง, พี่ ม เจ่-อ้ะ เม้งฌี้ๆ, นอ, ล ซี ล้า แบ
แบเด้าะ น ซื๊งเว๊ ซีง ลแพ, เมะ ล คุ้ช๊องแน เฆ้อ แบ, พี่ ม แฌแซกต้าง มื่งดืง เท่อ เกม๊า อฌี้อแอว้ แบ, ดี๊ พี่ ม ล ยุ้ฆ้าง ทฆ้าทโฆ่ นึฆ้าง เยรูซเลง อ ป้ะตู๊ง พ้า ลแพ นอ, ลู่ง มื่งดืง เท่อ อ นี้ง พ้า แบ นอ, ฌ้อง นอ ก ม อูงเค้ทาง มี ลู่ง เว่ง ลแพ นอ อ ป้ะตู๊ง พ้า, ดี๊ มี นอ, ม อาง เฌ๊ฌ้องไฆวะ เยรูซเลง อ บลาง ลแพ นอ ล้อ, ดี๊ ม แม้ล้างไพะ-อ้ะ ล ซี แบ ล้อ”
ก นี่ โซ๊งทาง กเย่ ก เพล่ ลแพ นอ, เมะเว๊ โมไคล้คิ้ เท่อ, เฌ๊ ฌูง แน้, ก โซ๊งทาง อ ซื๊งเว๊ เฌ๊ พ๊าๆ, เย้า, พ๊าๆ, เด้าะ, โล้ เท่อ บี่อี้ง, ‘ค๊องเนงอี้ง เกม๊า น ซื๊ง กุ้แฌ้ วีงแซยไฆวะ น ซ้ะ ดี๊ น เกล้อ้าเกล้ซ๊าง, ดี๊ แม้ฌี้ไท้ น ซื๊ง ทไพ้ะทแม้, ลี้โพะ ท กโช้งกแช่ อ แฌ้แพ อ ไค๊ ล ฌี้, ดี๊ แม้ เอะ ท กโช้งกแช่ ลแพ นอ อ เท่อ ล ฌี้, ฌ้อง น ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกม๊า เอะ แน้ ดี๊ น พี๊งชู้พู๊งชู้ ลู่ง แย๊ อู้ง’, แบเด้าะ น ล ดุ้ แน่-อ้า, คุ้ช๊องแน เฆ้อ-อ้า แบ
เก บี่ซุ้ดี๊ น ซื๊ง พี๊งชู้พู๊งชู้ ลู่ง แย๊ อู้ง ล ฌี้, พี่ กเย่ โมไคล้คิ้กแช่แยว้ ลู่ง อู้งว๊างอู้ง, กุ้ซย้ะ โล้ล้าง เอะ-อ้ะ ไจ้ะเว๊, ‘กแช่ยาเว ซึ้คู ดูทึชองทึ ไจ้ะเว๊ บี่อี้ง, “เกม๊า แกยไฆวะไท้ น ซ้ะ น เกล้อ้าเกล้ซ๊าง, ดี๊ แกยไฆวะ ซ้ะ ดี๊ น ทไพ้ะทแม้ ลู่ง ออ้าอซ๊าง นอ ไช้ะ”,’, แบเด้าะ อ เว๊ ล แน่ฌ๊า ดี๊ ล ชู่ง เฆ้อ แบ, กแช่ยาเว โล้ เว๊ บี่อี้ง ล้อ
ကြော်ငြာတွေ