เซคารียา 3:8 - Northern Pwo Karen Thai Bible

⁸ โอ้, โยชูวา โพล้งลื่งเท่ออคูดูทึ, เกม๊า คุ้ช๊องแน ไช้ะ, เลา ดี๊ แน้ ดี๊ น ซกุ้มู๊งโฌ่, พี่ ชี๊น้าง โอ น เมะแซ พ้า, เมะเว๊ โพล้ง ลแพ อี้ง เก ทแม้ซีงแฌ๊ ลู่ง อ ฌี้, อี้งเซ้อ, ก ม เฌ๊ฌ้า ก เพล่, เมะเว๊ ท อ ได้

เซคารียา 3:8 ပူးပေါင်းရင်းမြစ်များ

ทอางปฆ้า 71:7

จ เก ทอด้อง พี่ อ ล้างลู่ล้างล้ะ เอะ โพล้ง แอฌี่งแอฌ้อง เมะเว๊ กแช่แยว้ เก จ ทล่างโอคุ้ซูง พี่ อเฌิ่งอค๊า

อีซยา 11:1

ม โอ ดี๊ อ ได้บาง ล ได้ ซยุ้ทาง นี่ ลู่ง เจซี อทุ้อแน๊ ดี๊ อ ได้ ล ได้ ม เมทาง นี่ ลู่ง อฌี่งอเฌ้ นอ, ม ซูงทางแซทาง

อีซยา 20:3

ดี๊ กแช่ยาเว ไจ้ะเว๊ บี่อี้ง, “ก เพล่ อีซยา ไจ โบลงโกง ดี๊ คาง โปล้ปลิ้ เก อช๊าอโท่ ซ๊าเนง, เก ทแม้ ซีงแฌ๊ ดี๊ เก ทแม้ไน เอะ อีไย้ะ ดี๊ คุ้

อีซยา 4:2

ล นี้ง แย๊ นอ, กแช่ยาเว อ ได้ มฌี้มแอว้ ดี๊ อดูอโท๊, ดี๊ ที๊งล่างค่างพ้า อซูงอแซ ม เก ท มึเซิงมึซ้ะ, ดี๊ เก โพล้ง พ้องพลิ้ ดี๊ ท ซี๊ง ลู่ง อีซลาเอง พ้า อฆี๊งอแล้

อีซยา 42:1

แคว่เซ้อ, เฆ้อ ก เพล่, โพล้ง พี่ ก อางกีทางโท๊-อ้ะ โพล้ง พี่ ก อางลึ นี่-อ้ะ, โพล้ง พี่ ก เซิงมึซ้ะมึ ดี๊-อ้ะ จ แม้นี่ จวีงจแล้ อางกีล้าง ลู่ง อ ล้อง อ เว๊ ม โซ๊งทาง ท อเกิ้งอแบ ลี้ ลู่ง โพล้ง กุ้ชื้อกุ้ชะ อ โอ

อีซยา 49:3

ดี๊ กแช่แยว้ ไคล้ ดี๊ แย้ ไจ้ะเว๊, “น เก ก เพล่ อีซลาเอง พี่ ก ม เนโพลทาง ก ทฆี๊งทแล้ แด เว๊”

อีซยา 49:5

ดี๊ ค๊องเนงอี้ง กแช่ยาเว ไคล้, เมะเว๊ กแช่แยว้ พี่ อ ไต้ แย้ โค๊ ลู่ง โอ อ้อง พ้า เกม๊า จ เก อ เพล่ บี่ซุ้ เฌ๊ไท้ฌ้า ยาคุ้ เฌ๊ไท้ ฌูงไท้ กแช่แยว้ ดี๊ บี่ซุ้ อางกีซยอง อีซลาเอง เฌ๊ ลู่ง กแช่แยว้ อ โอ เมะเว๊ จ นี่แบ ทฆี๊งทแล้ ลู่ง กแช่ยาเว อ เมะแซ พ้า ดี๊ จ กแช่แยว้ เก จไฌ่จแบ้

อีซยา 52:13

อี้งเซ้อ, เฆ้อ ก เพล่ ม แม้ เท่อ ดี๊ ทโกงซีมองแบ อ เว๊ ม ดู ม โท๊, ดี๊ แบ ทอางปฆ้า ทาง ดี๊ อ เว๊ ม โท๊ เต้ๆ, ล้อ

อีซยา 53:11

ลู่ง อ เว๊ อ ทน้ะทโน๊ง ล่างไค๊ นอ อ เว๊ ม แด เท่อ ดี๊ ม แบ อ ซ้ะ ล้อ ลู่ง อ ท ซีงแฌ๊ อกย้อง, ก เพล่ พี่ อ แบ ก ซ้ะ ม ดึ้ เกม๊า โพล้ง แอฌี่งแอฌ้อง, เก โพล้งแบกแช่แยว้อซ้ะ ดี๊ อ เว๊ ม ยุ้ อ ซื๊งเว๊ ซีง ลแพ อ ทเด้บ้ะ ล้อ

อีซยา 53:2

อไฌ่บี่อี้ง, อ เว๊ เกทางเกโท๊ ลู่ง กแช่แยว้ อ เมะแซ พ้า, ด้องซุ้ เซง มื่งเทิง บาง บี่ซุ้ดี๊ ท อ ฌี่ง ซยุ้ทาง นี่ ลู่ง ฌางคู ซู๊งไฆ๊ คู อ เว๊ อฌี้อแอว้-อ้า, อฆี๊งอแล้-อ้า, พี่ ม เกม๊า ก ซื๊งเว๊ ซีง ลแพ แคว่-อ้ะ นอ, ล โอ แบ ดี๊ อดีงอด้อง พี่ ม เกม๊า ก แบซ้ะ-อ้ะ นอ, ล โอ แบ

อีซยา 8:18

แคว่เซ้อ, แย้ ดี๊ จ พู พี่ กแช่ยาเว เกล๊าง เอะ แย้ นอ, เก ทแม้ ซีงแฌ๊ ดี๊ เก ทแม้ไน ลู่ง อีซลาเอง พ้า, พี่ อ เฌ๊นี่ ดี๊ กแช่ยาเว ซึ้คู ดูทึชองทึ, พี่ โอ ลู่ง ทลู่ง ซีโยง คู

เยเรมี 23:5

“กแช่ยาเว ไจ้ะเว๊, “อี้งเซ้อ มื่งนี้ง อช๊าอโท่ ม เฌ๊ท้อง, พี่ ก ม เกม๊า ได้ พี่ อฌี้อแอว้ เมทาง ลู่ง ดาเว อ ฌ่าง, พี่ ม เก กจุ้แฆว้, ดี๊ โพะคอง เท่อ ล้างที๊งล้างบลิ้, ดี๊ ม ดึ้ เกม๊า ท อเกิ้งอแบ ดี๊ ทแบกแช่แยว้อซ้ะ เฌ๊ ลู่ง ค่าง นอ ล้อ

เยเรมี 33:15

ลู่ง มื่งนี้ง ลแพ นอ อ พ้า, ดี๊ อช๊าอโท่ แค๊ นอ, ก ม เกม๊า ท อ ได้ พี่ แบกแช่แยว้อซ้ะ, เฌ๊ กึทาง ลู่ง ดาเว อ ฌ่าง, ดี๊ อ เว๊ ม เกม๊า ท อเกิ้งอแบ, ดี๊ ทแบกแช่แยว้อซ้ะ เอะ ค่าง นอ

เอเซเคียง 12:11

เกม๊า โล้ บี่อี้ง, จ เก ทแม้ไน เอะ น ซื๊ง เว๊, ท พี่ จ นี่ แม้-อ้ะ เย้า นอ, อ ซื๊งเว๊ ซีง ลแพ ม แบ ทแม้ ล มยู๊ ฆ่าง อี้ง ปะ, อ เว๊ ม แบ ท พองนี่ ลี้ เก ท อ ฆ่อง, ดี๊ แบ ท เด้าทะ

เอเซเคียง 12:6

เกม๊า โชะทาง ทฆ้าทโฆ่ น จื๊งแป คู, ลู่ง อ ซื๊งเว๊ อ เมะแซ พ้า, ฌ้อง นอ ยุ้ทางไฆวะ-อ้ะ ลู่ง อช๊าอโท่ ทไค้ะซ๊า พ้า, คลึไบ้ะ น เมะ เกม๊า แด ที๊งล่างค่างพ้า ล ฌี้, เมะเว๊ ก ม ดึ้ เกม๊า น เก ทแม้ไน เอะ อีซลาเอง อชื้ออชะ ล้อ”

เอเซเคียง 24:24

เอเซเคียง ม เก ทแม้ไน เอะ น ซื๊งเว๊ ซีง ลแพ, อ เว๊ แม้ เท่อ บี่จะเล้ นอ, น ซื๊ง ม แม้ บี่ นอ ล้อ, ดี๊ ท่อง ทกึทาง อ ซ้ะ ลแพ อี้ง เฌ๊ ท้อง นอ, น ซื๊ง ม ซีงแฌ๊-อ้ะ, เฆ้อ เมะเว๊ ทอดูทึโท๊ทึกแช่ยาเว”

เอเซเคียง 34:29

ดี๊ ก ม อางฆื๊งนี่ เอะ อ ทล่าง เซิงอางพล้ะอาง พี่ อ เม้งลื้อแซท้อง, บี่ซุ้ อ เว๊ ม ล แบ ทแม้ เฌ๊ฌ้องไฆวะ ดี๊ ท ซ้ะวี่ง อาง เท่อ ลู่ง ที๊งล่างค่างพ้า ล้า แบ, ท้องชู่งแย๊ ล แบ โท่งไท้ ท ฌางแช้ฌางเด พี่ เฌ๊นี่ ดี๊ โพล้งกุ้ชื้อกุ้ชะ ลแพ นอ แบ

เอเซเคียง 37:24

“ก เพล่ ดาเว ม เก กจุ้แฆว้ โพะคอง อ ซื๊งเว๊ ลแพ นอ ดี๊ อ เว๊ กุ้แฌ้ ม โอ ดี๊ โพล้ง ลื่ง เท่อ ล แฌ้ ฆ่าง, อ เว๊ ม แม้โพะ ก ท อางกีล้าง อ ไค๊, ดี๊ แฌแซกต้าง ก ท อเค้อะอต้าง, ดี๊ แม้โพะ เว๊ อ ไค๊

เซคารียา 6:12

ดี๊ โล้ เอะ-อ้ะ บี่อี้ง, ‘กแช่ยาเว ซึ้คู ดูทึชองทึ ไจ้ะเว๊ บี่อี้ง, อี้งเซ้อ, โพล้ง แคว๊ พี่ อ เม้ง เมะเว๊ ท อ ได้ อไฌ่บี่อี้ง, อ เว๊ ม ต้างแต อได้อพ๊าง ลู่ง น ทล่าง พ้า, ดี๊ ม ไต้ทาง กแช่ยาเว อ เว่งฮ๊าง

ลูกา 1:78

อ ไฌ่ บี่ อี้ง, กแช่ แยว้ โอ ดี๊ ท ย๊างเซิง ย๊างซ้ะ ท เซิง ฌี้ ซ้ะ ช้า ม โซ๊ง ล้าง โพล้ง แม้ พ้อง พลิ้ เท่อ ล แฌ้ บี่ ซุ้ ดี๊ มื่ง ทาง