เซคารียา 11:6 - Northern Pwo Karen Thai Bible

⁶ กแช่ยาเว ไจ้ะเว๊, “ก ล ย๊างซ้ะ โพล้ง ที๊งล่างค่างพ้า ล้า แบ, อี้งเซ้อ, ก ม ดึ้ เกม๊า อ เว๊ ล แฌ้ๆ, ล้าง แบ ลู่ง อ ฌุ้พาง อ จูง พ้า, ดี๊ อ กจุ้แฆว้ อ จูง พ้า, ดี๊ โพล้ง ลแพ นอ, ม แม้เฌ๊ฌ้อง ที๊งค่าง, ดี๊ ก ล แม้ช้า โพล้ง เกม๊า พ้องไฆวะ ดี๊ อ ซื๊งเว๊ ลแพ นอ อ จูง น่างแฌ้ แบ เฆาะ”

เซคารียา 11:6 ပူးပေါင်းရင်းမြစ်များ

ทอางปฆ้า 50:22

“น ซื๊ง ซีงลแพ พี่ ซ้ะนาง กแช่แยว้, เกม๊า ช๊องมองแคว่ที๊ง ท ล ไฌ่ อี้ง เมะ ล แม้ บี่นอ แบ, จ ม ซย๊างยะ แน้, ดี๊ โพล้ง ม ล โอ แม้พ้องพลิ้ แน้ ซี น่างแฌ้ แบ

อีซยา 27:11

ท่อง อ ได้ ไฆ๊ นอ, อ แบ ทบุ้แค่ ล้อ กมืง ลแพ นอ, เฌ๊ท้อง ดี๊ แม้นี่ เว๊ ลี้ อูงเค้ทาง มี เมะเว๊ อ อี้ง เก โพล้ง อ ชื้อ พี่ ล โอ ดี๊ ท แนซีโน้งซี แบ อกย้องบี่นอ, โพล้ง พี่ ไต้ล้าง-อ้ะ นอ, ม ล ย๊างซ้ะ-อ้ะ แบ โพล้ง พี่ อ ไต้ล้าง-อ้ะ นอ, ม ล เนโพลทาง ทย๊างซ้ะ ดี๊-อ้ะ แบ

อีซยา 3:5

ดี๊ โพล้งเฌงพูฆ๊างพู ม แคแน โละ อ ซ้ะ ล แฌ้ๆ, ม แคแน โพล้ง อ แฌ้แพ ดี๊ ล แฌ้ๆ, ม แคแน อ ฌุ้พาง พืงดี้งพืงแซ ม ลือค๊างพะ โพล้ง เซิงแซย่ซ้ะกิ้ ดี๊ โพล้ง ม อ้า ม ซ๊าง ดี๊ โพล้ง พี่ โอ ดี๊ อฆี๊งอแล้

เยเรมี 13:14

ดี๊ กแช่ยาเว ไจ้ะเว๊ บี่อี้ง, ก ม เว่งว๊าง อ ซื๊งเว๊, เกม๊า แบไท้ะ โละซ้ะ, แพ่ ซีง ลแพ, ดี๊ พู ซีง ลแพ, ก ล ย๊างซ้ะ-อ้า, อางกี ม๊า-อ้า, โอ ดี๊ ท เอดู พี่ ม ล แม้ เฌ๊ฌ้อง-อ้ะ แบ-อ้า แบ’, ”

ท​ฌางล้างย้าล้าง 2:21

โพล้ง พืงดี้งพืงแซ, ดี๊ โพล้ง เซิงแซย่ซ้ะกิ้ มี๊งน้าง โอ ฌางคู คู ลู่ง เกล้ จ โพล้ง น่างบางซ้ะบางแคว๊, ดี๊ จ โพล้ง มืงน้าง ล้างเทะเค้า ดี๊ น้ะ กแช่แยว้ แม้ซี๊ง อ ซื๊งเว๊, ลู่ง ท ซ้ะทาง พ้ะดู อ มื่งนี้ง พ้า แม้ซี๊ง เว๊ ล โอ ดี๊ ท ย๊างซ้ะ แบ

ท​ฌางล้างย้าล้าง 5:8

ทอฆ่อง ลแพ นอ, โพะคอง เฆ้อ ซีง ลแพ อี้ง โพล้ง ล โอ แม้ช้า เฆ้อ, เกม๊า พ้องไฆวะ ดี๊ อ ซื๊งเว๊ อ จูง ล ซีน่างแฌ้ แบ

เอเซเคียง 8:18

ทบี่นอ, เฆ้อ อี้ง ล้อ, ก ม แม้ ดี๊ ท ซ้ะทาง, ก เมะคลี๊ง ม ล เอดู เท่อ แบ, ก ล เนโพลทาง ทย๊างซ้ะ แบ, ดี๊ ทึเมะ อ ซื๊งเว๊ ม กุ้ซย้ะ ล้าง ก แน่ ดี๊ อ ลู่ง เซ๊ พ้ะดู ฌี้ นอ, ก ล คุ้ช๊องแน อ ซื๊งเว๊ แบ”

เอเซเคียง 9:10

ดี๊ ลู่ง ก ฌ่าง นอ, ก เมะคลี๊ง ม ล เอดู เท่อ แบ, ดี๊ ก ล เนโพลทาง ทย๊างซ้ะ แบ, แบเด้าะ ก ม แม้เตาแม้แต๊ เท่อ ลู่ง อ ซื๊งเว๊ อ คูด้าง, บี่ซุ้ดี๊ อ ซื๊งเว๊ อ ทไพ้ะทแม้ นอ ล้อ”

โฮเชยา 1:6

โอก้ะ ลู่ง ไค๊ น่าง โกเมอ ด้าทาง ได้ะ, ดี๊ อ พู กึทาง อ มืง ล แฌ้, ดี๊ กแช่แยว้ ไคล้ ดี๊ โฮเชยา ไจ้ะเว๊, “พูมืง นอ, เกม๊า น ยื่ง อ เม้ง บี่อี้ง, โลรุ้ฮะมา เมะเว๊ ก ล ย๊างซ้ะ แบ อีซลาเอง อชื้ออชะ ล้า แบ, ก ล แพล่ไฆวะ อ ทไพ้ะทแม ล้า แบ เฆาะ

โฮเชยา 2:10

ล พ๊า แย๊ อี้ง ก ม โล้ล้าง อ ท ฌางแช้ฌางเด ลู่ง โพล้ง พี่ อ เอ เว๊ นอ อ เมะแซ พ้า ดี๊ โพล้ง ล โอ แม้ช้า-อ้ะ พ้องไฆวะ ดี๊ ก จูง ซี น่างแฌ้ แบ

มีคา 5:8

ดี๊ ยาคุ้ อ โพล้ง พี่ โอ ล้างลื๊อ ก้ะ นอ, ม โอ ลู่ง โพล้ง กุ้ชื้อกุ้ชะ อซุ้อแกล้ พ้า ลู่ง โพล้ง กุ้ชื้อกุ้ชะ แอฌี่งแอฌ้อง อซุ้อแกล้ ด้องซุ้ คี๊ยื่ง, โอ ลู่ง ทพูแฆ่ เม้ง น๊างมู๊ง อซุ้อแกล้ ด้องซุ้ คี๊ยื่ง แพ๊, โอ ลู่ง แมะ แกะ น๊างมู๊ง อซุ้อแกล้ พี่ อ ลี้แพ๊ แบ เว๊ นอ, อ ไย่เละค๊างพะ เว๊ ดี๊ ซย๊างยะไฆวะ เว๊, โพล้ง ล โอ แม้พ้องพลิ้ -อ้ะ น่างแฌ้ แบ

มีคา 6:14

น ม อาง เท่อ, แบเด้าะ ม ล บลิ้อาง แบ ดี๊ ท ซู๊อางซ้ะ เท่อ ม โอ นซุ้นแกล้ พ้า น ม อางกี นี่ ท พี่ อ ลื่งดูฆวี้ดู, แบเด้าะ ม อางกี ค๊า-อ้ะ ล ซี แบ ทเม้งเล้ พี่ น อางกี ค๊า-อ้ะ นอ, ก ม เกล๊าง เอะ น้ะ

ฮะไก 2:22

ก ม เคลิ่งล้าง กเย่ บ้างมื่ง, ดี๊ แม้ เฌ๊ฌ้อง โพล้ง กุ้ชื้อกุ้ชะ ซีง ลแพ อมื่งอบ้าง อไฌ่อแบ้, ดี๊ ก ม เคลิ่งไฆวะ กเย่ เลาะ ดึ้ซึ้ ดี๊ โพล้ง พี่ อ เทา เว๊, กซี ซีง ลแพ ดี๊ อ โพล้ง พี่ เทา เว๊ นอ, ม แบ ล้างเทะเค้า, เมะเว๊ โพล้ง กุ้แฌ้ ม แบ ล้างเทะเค้า ดี๊ อ ซกุ้มู๊งโฌ่ อ น้ะ นอ ล้อ

เซคารียา 11:14

ฌ้อง จ บุ้แค่ไฆวะ นางทุ้บ้อง คี๊ง บ้อง ล บ้อง, พี่ อ เม้ง โอซยอง โละซ้ะ น๊างมู๊ง นอ, แม้ล้างฆ่องไฆวะ ยูดา ดี๊ อีซลาเอง อ ท เก น๊างพื่งวี่ โละซ้ะ

เซคารียา 11:5

กเย่ โพล้ง พี่ ฆวี้ นี่-อ้ะ นอ, ไท้ แม้ซี๊งไฆวะ เว๊, ดี๊ อเตาอแต๊ ล แบ โอ แบ, ดี๊ เย่ โพล้ง พี่ อางแช๊-อ้ะ นอ, ไจ้ะเว๊, ‘อางปฆ้าทาง กแช่ยาเว, จ ทโอทช๊อง เย้า’, ดี๊ โพล้ง ลื่ง-อ้ะ นอ, ล ย๊างซ้ะ-อ้ะ แบ เฆาะ”

เซคารียา 11:9

จ ไจ้ะ บี่อี้ง, “จ ล ลื่ง เอะ แน้ แกะ แบ, ทเม้งเล้ พี่ ม แบ ซี๊ง นอ, เกม๊า อ ซี๊งไฆวะ, ทเม้งเล้ พี่ ม แบ ทแม้ เฌ๊ฌ้อง นอ, เกม๊า อ แบ ทแม้ เฌ๊ฌ้องไฆวะ, ดี๊ เกม๊า โพล้ง พี่ โอ ล้างลื๊อก้ะ นอ, อาง โละซ้ะ อไพ้ะอแย”

เซคารียา 14:13

ล นี้ง แย๊ นอ, ท เติ้งทางเติ้งล้าง ลู่ง อดูอโท๊ เฌ๊นี่ ดี๊ กแช่ยาเว ม ล้างแบ อ ซื๊งเว๊, ฌ้อง โพล้ง ล แฌ้ ม พอง อ ฌุ้พาง อ จูง, ดี๊ อ เว๊ ม เยาทาง จูง ดึ้ซึ้ โละ อ ซ้ะ

เซคารียา 8:10

เมะเว๊ ลู่ง แย๊ ว๊าง อู้ง นอ, โพล้ง ฌี้, ทพูแฆ่ ฌี้ นอ, อ จูงเล้งคางเล๊ ล โอ แบ, เลา ดี๊ โพล้ง พี่ นึฆ้าง ไจทาง นอ, ทมึทพ้า พ้องไฆวะ ดี๊ ดีงแด้ ล โอ แบ, อไฌ่บี่อี้ง, ก ทูแพล่ เกม๊า โพล้ง ลแพ นอ, ดึ้ซึ้ โละซ้ะ ดี๊ อ ฌุ้พาง

มาลาคี 4:6

ดี๊ อ เว๊ ล แฌ้ นอ, ม ดึ้ เกม๊า แพ่ แกย อ ซ้ะ ลี้ฌูง พู, ดี๊ พู แกย อ ซ้ะ ลี้ฌูง แพ่, เมะ ล เมะ บี่นอ แบ, ก มดึ้มชาง ที๊งล่างค่างพ้า นอ ดี๊ ทชูอ้าชูซ๊าง ล้อ>>

ม้ะทู 10:21

โพล้ง ด๊างพื่งวี่ ม ฟ่อง ซี๊ง โละ อ ซ้ะ, ดี๊ แพ่ ม ฟ่อง ซี๊ง อ พู ปะ ล้อ, พู ม ซ้ะทาง ดี๊ อ มู่ อ แพ่, ดี๊ ม เกม๊า โพล้ง แม้ ซี๊ง เว๊

ม้ะทู 22:7

กจุ้แฆว้ อ ซ้ะทาง ดู มะ, เจ่ ทาง อ ซึ้พู ลี้ แม้ ซี๊ง โพล้ง พี่ อ แม้ ซี๊ง เท่อ ล แพ นอ, ฌ้อง เช้า ไฆวะ เว๊ อ เว่ง อ ทะ นอ ล้อ

ม้ะทู 24:10

โพล้ง แอ แฌ้ ม ไจ แด แย้, ม แช๊เมะ ไฌ๊ซ้ะ โละ อ ซ้ะ, โพล้ง ม โกง เกม๊า ท พองนี่ โพล้ง ล แพ นอ

โยฮาง 19:15

โพล้ง กุ้ ซย้ะ ทาง เท่อ ไจ้ะ เว๊, “แม้ ซี๊ง-อ้ะ, แม้ ซี๊ง-อ้ะ, แพล้ ทาง-อ้ะ ลู่ง เซง ป้างกิ้ อ ล้อง” ปีล้ะ อางจ้ะ แบ อซื๊งเว๊ ไจ้ะ เว๊, “น ซื๊ง กจุ้แฆว้ ล แฌ้ อี้ง นอ น แบ ซ้ะ จ แพล้ ทาง-อ้ะ ชี่-อ้า” โพล้งลื่งเท่ออคู อ คู อ แน่ ล มู๊ง นอ ไคล้ ช๊า เว๊, “ก กจุ้แฆว้ โอ ล แฌ้ ล้อ, เมะ ซีซา”

1​เทซาโลนีเก 2:16

พี่ ก โล้ ล้าง ท ฌี้ อ ไฌ่ เอะ โพล้ง ล เมะ เก ยู แบ นอ, อซื๊งเว๊ แม้ ไทะทะ เฆ้อ, เท่อ พี่ ก โล้ ล้าง นอ ม แม้ช้า โพล้ง ล เมะ เก ยู แบ พ้อง พลิ้ ซี, โพล้ง ยู แม้ เท่อ อี้ง นอ แม้ แอ ทาง อ ท เด้บ้ะ ครึๆ, ลู่ง อ พ้อง ไฆวะ ฌี้ แม้ เว๊ ครึๆ, แบเด้าะ ลู่ง ไค๊ ทึ อี้ง กแช่ แยว้ อ ท ซ้ะทาง เฌ๊ ท้อง อซื๊งเว๊ เย้า

ฮีบรู 2:3

เฆ้อ ก ม พ้อง ไฆวะ ซี บี่ จะ เล้, ก เมะ ล ดุ้ ก แน่ ดี๊ ท พ้อง ท พลิ้ ลู่ง อ ล้างเปิ่ง บี่ อี้ง แบ, ท พ้อง ท พลิ้ อี้ง นอ กแช่ เยซู ไจ โล้ ล้าง ละ ล้าง วี่ง เว๊, ฌ้อง โพล้ง พี่ อ แน่ฌ๊า แบ เว๊ ล แพ นอ, เนโพล ทาง เอะ เฆ้อ ล้างที๊ง เก ท อ ที๊ง อ โต้

ยาเก้า 2:13

อ ไฌ่ บี่ อี้ง, ลู่ง กแช่ แยว้ ต้ะเซ๊ง เท่อ โคะ นอ, อ เว๊ ล ย๊างซ้ะ แบ โพล้ง ลู่ง อ ท ย๊างซ้ะ ล โอ แบ นอ ล้อ, แบเด้าะ ท ย๊างซ้ะ นอ แม้ น้า แบ ท ต้ะเซ๊ง นอ ล้อ