เซคารียา 11:16 - Northern Pwo Karen Thai Bible

¹⁶ เมะเว๊ อี้งเซ้อ, ก ต๊างทาง โพล้ง ลื่ง เท่อ ล แฌ้ ลู่ง ที๊งล่างค่างพ้า อี้ง, โพล้ง พี่ ล ควี๊งคูแกยแน่ ดี๊ แกะ พี่ อ เซงทื่งเฌ๊ฌ้อง-อ้า, ล อางฆื๊ง แกะ ล ดื้ง แย๊ พี่ อ เฌ๊พลุ้ ล้างแม่ นอ-อ้า, ล แม้ก้องแย่ไท้ แกะ ล ดื้ง แย๊ พี่ อ ฆีง แค่ นอ-อ้า, ล ลื่งแคว่ แกะ ล ดื้ง แย๊ พี่ อ โอ แด เท่อ นอ-อ้า แบ, แบเด้าะ อาง แกะ บองอืง กุ้ ดื้ง อ แย, ซย๊าง อาง เว๊ ท้องล้าง ลู่ง อ คางมีง แท่ ล้อ

เซคารียา 11:16 ပူးပေါင်းရင်းမြစ်များ

ทอคางไท้ะ 31:38

จ โอ ดี๊ แน้ อ เนง คี๊ง ชี๊ง เย้า, แกะ ดี๊ แมะ ล ล้างเล้า แบ, ดี๊ น แกะ แพ๊ ลู่ง อ ฌุ้พาง น๊างมู๊ง พ้า นอ, จ ล อาง-อ้ะ แบ

ทอคางไท้ะ 33:13

แบเด้าะ ยาคุ้ ไคล้ช๊า-อ้ะ ไจ้ะเว๊, “จ เซงคู ซีงแฌ๊ เย้า, พู ลแพ นอ, ล้างป้ะล้างเป้, ดี๊ แมะ, แกะ น๊างมู๊ง, ดี๊ งู้ พี่ โอ ดี๊ อ พูปี๊ อางนู่ง ได้ะ, เมะ โฌ๊ เกม๊า อ ไจ พะไฆวะ ล นี้ง นอ, ทพูแฆ่ น๊างมู๊ง ม ซี๊ง เลาพะ ล้อ

อีซยา 40:11

กแช่แยว้ ม ลื่ง อ แกะ น๊างมู๊ง, บี่ซุ้ดี๊ โพล้ง ลื่ง แกะ กแช่แยว้ ม อางกีซยอง แกะพู ดี๊ อ จูง แด เว๊ ล้อ กแช่แยว้ ม โชะทะ เว๊ ลู่ง ซ้ะแน๊ล้อง ดี๊ แกะ มื้งแซย่ พี่ อ พูไช้ะ โอ นอ, ม ลี้ฌ้า เว๊ โกย้ๆ, ล้อ

เยเรมี 23:2

อกย้องบี่นอ, กแช่ยาเว กแช่แยว้ ลู่ง อีซลาเอง ไคล้ ดี๊ โพล้ง ลื่ง แกะ, โพล้ง ยู่แคว่ ก โพล้ง เฌงพูฆ๊างพู ไจ้ะเว๊, “น ซื๊งเว๊ ซีง ลแพ, นี่ แม้ ที่พ้ะที่ล้าง ก แกะ น๊างมู๊ง, ดี๊ นี่ โฌ๊ไจไฆวะ เว๊, ดี๊ น ล นี่ ควี๊งคูแกยแน่-อ้ะ แบ, อี้งเซ้อ, ก ม แม้เตาแม้แต๊ แน้, ลู่ง น ท แม้อ้าแม้ซ๊าง อกย้อง”, กแช่ยาเว โล้ เว๊ บี่อี้ง ล้อ

เยเรมี 23:22

แบเด้าะ อ ซื๊งเว๊ ซีง ลแพ, เมะ นี่ ชี๊เทิง โอ ลู่ง ก ทล่าง โอซยอง พ้า นอ แบซีงลู่ง อ เว๊ ม นี่ กุ้ซย้ะ โล้ล้าง ก ทไคล้ เอะ กพูกลี้ง ดี๊ แบซีงลู่ง ม นี่ เกม๊า อ ซื๊งเว๊ แกยไฆวะ อ ซ้ะ ดี๊ อ เกล้อ้าเกล้ซ๊าง ดี๊ แกยไฆวะ อ ซ้ะ ดี๊ อ ท แม้อ้าแม้ซ๊าง เย้า”

เอเซเคียง 34:10

ทอดูทึโท๊ทึกแช่ยาเว ไจ้ะเว๊ บี่อี้ง, อี้งเซ้อ, ก เกดีงเกแด้ ดี๊ โพล้ง ลื่ง แกะ ลแพ นอ, ดี๊ ก ม กุ้นี่ไท้ ก แกะ ดี๊ อ ซื๊งเว๊ อ จูง, ดี๊ เกม๊า อ ลื่ง แกะ ล้า แบ, โพล้ง ลื่ง แกะ ลแพ นอ, ม ล นี่ ลื่งล้างไท้ อ ซ้ะ ล้า แบ, ก ม แม้ช้า ก แกะ เกม๊า พ้องไฆวะ ดี๊ อ ซื๊งเว๊ อ นุ้, บี่ซุ้ ล เกม๊า แกะ เก อ ทอาง แบ

เอเซเคียง 34:16

ก ม อางฆื๊งแคว่ แกะ พี่ อ ล้างแม่, ก ม เฌ๊ไท้ฌ้าไท้ ล ดื้ง แย๊ พี่ อ เฌ๊พลุ้, ก ม ไบ้ เอะ แกะ อ ฆีง พี่ อ แค่ ดี๊ ตไก้ยะ, ดี๊ ก ม แม้ชองทาง แกะ อไฌ่อแบ้ พี่ อ ล้างเพาล้างแช่, แบเด้าะ ก ม แม้เฌ๊ฌ้อง แกะ พี่ อ บองอืง, ดี๊ อชองอไคล๊, ก ม ลื่ง แคว่-อ้ะ ดี๊ ท อเกิ้งอแบ

เอเซเคียง 34:21

เป๊งนี่ น เฌาแพ้ ดี๊ น จื๊งแป ไนะ เท่อ, ดี๊ ชางไฆวะ แกะ กุ้ ดื้ง พี่ อเพาอแช่ ดี๊ น โน้ง, ท้อง ลู่ง ดึ้ เกม๊า อ ซื๊งเว๊ ที่มื่งที่พ้ะ ลี้ ลู่ง ค่างไย้

ดานีเอง 11:36

“ดี๊ กจุ้แฆว้ ม แม้ เท่อ ท๊อง แบ อ ซ้ะ, อ เว๊ ม โชะทาง อ ซ้ะ, ดี๊ ชีดูชีพู๊ อ ซ้ะ โท๊เละ ท กโช้งกแช่ กุ้เม้ง ดี๊ ม ไคล้ ท พี่ อ ล้าง แช๊เมะไฌ๊ซ้ะ ดึ้ซึ้ กแช่แยว้ ลู่ง ท กโช้งกแช่ ลแพ นอ อ เว๊ ม เกทางเกโท๊ ท้อง ลู่ง กแช่แยว้ อ ท ซ้ะทาง ม กู้งทางชิ้ทาง, อไฌ่บี่อี้ง, ท เม้งฌี้ๆ, พี่ อางกีล้าง เว้ นอ แบ ฌ้องทางเกทาง เว๊ ล้อ

โยฮาง 10:1

กแช่ เยซู ไจ้ะ เว๊ แด, “จ โล้ เอะ น ซื๊ง โต้ๆ, ล้อ, โพล้ง ลู่ง อ เฌ๊ นึ แกะ พ้อง พ้า, แบเด้าะ ล นึ อ เกล้ ป้ะตู๊ง แบ, ทาง พื๊ง ล้าง ร้อง พ้า นอ, อ เว๊ เก โพล้ง อางฌูง เท่อ ตมละ เท่อ ล้อ