เซคารียา 1:2 - Northern Pwo Karen Thai Bible

² “กแช่ยาเว เซิงทางซ้ะไฌ๊ ดี๊ น ซื๊ง พี๊งชู้พู๊งชู้ ลู่ง แย๊ อู้ง น้ะ มะ

เซคารียา 1:2 ပူးပေါင်းရင်းမြစ်များ

2​กจุ้แฆว้ 22:19

เมะเว๊ น เซิงเพาซ้ะเบ้, ดี๊ น ชางล้าง ซ้ะ ลู่ง กแช่ยาเว อ เมะแซ พ้า, พี่ น แน่ฌ๊า ทไคล้ พี่ จ ไจ้ะ แบ ทล่าง พ้า อี้ง, ดี๊ โพล้ง เว่ง พ้า อี้ง, พี่ ม เกทางก้ะ ทล่าง โอ โปล้, ดี๊ ทชูอ้า อ ล่าง, ฌ้อง น ซย๊างยะ ล้าง น ไช๊ น ช้าง, ดี๊ น ฌาง ลู่ง จ เมะแซ พ้า, แย้ นอ จ แน่ฌ๊า แน้ ปะ, กแช่ยาเว โล้ เว๊ บี่อี้ง ล้อ

2​กจุ้แฆว้ 23:26

ทึเมะ บี่นอ ฌี้ นอ, กแช่ยาเว ล แกยไฆวะ อ ทซ้ะทาง ชอง โฆะ ดี๊ พ้ะดู พ้ะโท๊ นอ น่าง เม้ง แบ, กแช่ยาเว อ ทซ้ะทาง ซยุ้ทาง แบ โพล้ง ยูดา, เป๊งนี่ ลู่ง มานาเซ อ ทไพ้ะทแม้ พี่ ดึ้ เกม๊า กแช่แยว้ อ ซ้ะทาง

เอซรา 9:13

ดี๊ ทกุ้เม้ง พี่ กึทาง ดี๊ เฆ้อ ซีงลแพ, เป๊งนี่ ลู่ง ก ทอ้าทซ๊าง, ดี๊ เป๊งนี่ ลู่ง ก ทไพ้ะทแม พ้ะดู อกย้อง นอ, กแช่แยว้ เมะเว๊ เฆ้อ ซีงลแพ อ กแช่แยว้ นอ, นี่ แม้เตาแม้แต๊ เฆ้อ, เป๊งนี่ ลู่ง ก ทเด้บ้ะ อ้า อกย้อง นอ แซย้เละ พี่ เกิ้ง นี่ แบ-อ้ะ นอ ได้ะ, ดี๊ เกล๊าง เอะ เฆ้อโพล้ง พี่ โอ ล้างลื๊อ ก้ะ บี่อี้ง

ทอางปฆ้า 60:1

จ กแช่แยว้-เอ้อ, น ญ๊องไฆวะ เฆ้อ ซีงลแพ อี้ง, กแช่แยว้ แม้พล๊อง เฆ้อ ก ทล่างทุ้กดื้งซ้ะ ล เทวๆ กแช่แยว้ อ ซ้ะ เฌ๊ทาง, แบเด้าะ ค๊องเนงอี้ง, เกม๊าเต้, เฆ้อ ซีงลแพ โอฌี้โอแอว้ไท้ บี่ อ ล่างๆ, ไช้ะ

เยเรมี 32:23

ดี๊ อ ซื๊งเว๊ นอ, นี่ นึฆ้าง ดี๊ แม้ก้ะ ค่าง นอ ล้อ, แบเด้าะ อ ซื๊งเว๊ ล ชู่ง กแช่แยว้ อ ลู่ง-อ้า, แม้โพะ กแช่แยว้ อ ทอางแม้เลา, พี่ กแช่แยว้ อางแบเลา เกม๊า อ แม้ นอ อ ไค๊-อ้า แบ, อ ซื๊งเว๊ ล นี่ แม้ เว๊ แบ เฆาะ, อกย้องบี่นอ, กแช่แยว้ ดึ้ เกม๊า ท กึทาง อ ซ้ะ ลู่ง อ อ้าอซ๊าง กุ้เม้ง อี้ง เฌ๊ท้อง อ ซื๊งเว๊ ล้อ

เยเรมี 44:6

อกย้องบี่นอ ก นี่ ลู๊งล้าง ก ท ซ้ะทาง ดี๊ ท เอ้งไน๊, เกม๊า อ ซยุ้ทาง ลู่ง ยูดา อ เว่ง พ้า กุ้ เว่ง, ดี๊ ลู่ง เว่ง เยรูซเลง อเกล้อพ้า, ดี๊ เว่ง ลแพ นอ, เกทางก้ะ ทล่าง ญ๊องไฆวะ ทางกย้ะ, ดี๊ โอโปล้ก้ะ ด้องซุ้ กุ้ มื่งนี้ง อี้ง ล้อ

ท​ฌางล้างย้าล้าง 5:7

เฆ้อ ก พี๊งชู้พู๊งชู้ ลู่ง แย๊ อู้ง นอ, นี่ แม้ ทเด้บ้ะ ดี๊ อ ซี๊ง เย้า เฆ้อ ก แบ ฮะนี่ ทเตาทแต๊, ลู่ง อ ซื๊งเว๊ อ ทเด้บ้ะ อกย้อง

เอเซเคียง 22:31

ทบี่นอ ก ม ลู๊งล้าง ก ท ซ้ะทาง ล้างแบ อ ซื๊งเว๊, ก ดึ้ เกม๊า อ ซื๊ง เลาไฆวะ ดี๊ ก ท ซ้ะทาง อ มี, ก ม แม้เตาแม้แต๊ อ ซื๊งเว๊ ท๊อง อ ทไพ้ะทแม้ ลู่ง อ คูด้าง”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 8:18

ทบี่นอ, เฆ้อ อี้ง ล้อ, ก ม แม้ ดี๊ ท ซ้ะทาง, ก เมะคลี๊ง ม ล เอดู เท่อ แบ, ก ล เนโพลทาง ทย๊างซ้ะ แบ, ดี๊ ทึเมะ อ ซื๊งเว๊ ม กุ้ซย้ะ ล้าง ก แน่ ดี๊ อ ลู่ง เซ๊ พ้ะดู ฌี้ นอ, ก ล คุ้ช๊องแน อ ซื๊งเว๊ แบ”

เซคารียา 1:15

ก ซ้ะทาง ดี๊ โพล้ง กุ้ชื้อกุ้ชะ น้ะ มะ พี่ อ โอโบโอโย๊, เมะเว๊ พี่ ก ซ้ะทาง ปี๊โฆะ นอ, อ เว๊ ดึ้ เกม๊า ท กึทาง อ ซ้ะ ลู่ง อ น้ะทางโน๊งทาง

เซคารียา 7:12

เอ้อ อ ซื๊งเว๊ ซีง ลแพ แม้ อ ซ้ะ ชองโฆะ, บี่ซุ้ดี๊ เพ้ะ ไค๊ไก้ะ เว๊ ม แน่ฌ๊า ทอางแม้เลา, ดี๊ ท อลู่งอแท๊, พี่ กแช่ยาเว ซึ้คู ดูทึชองทึ ไคล้ เว๊ ดี๊ โมไคล้คิ้กแช่แยว้ ลู่ง แย๊ ล ว๊าง อู้ง, เฌ๊ เว๊ ดี๊ กแช่แยว้ อ วีงฌี้แล้แอว้, อกย้องบี่นอ, ท ซ้ะทาง พ้ะดู, เฌ๊นี่ ดี๊ กแช่ยาเว ซึ้คู ดูทึชองทึ ล้อ

เซคารียา 8:14

“เมะเว๊ กแช่ยาเว ซึ้คู ดูทึชองทึ ไจ้ะเว๊ บี่อี้ง, พี่ น พี๊งชู้พู๊งชู้ ลู่ง แย๊ อู้ง, ไล๊ดุ้ เกม๊า ก ซ้ะทาง นอ, ก โอทางซ้ะ ม แม้เตาแม้แต๊ แน้, อช๊าอโท่ แค๊ นอ, ก ล ญ่อง แม้ล้างท่อง ท โอทางซ้ะ แบ, กแช่ยาเว ซึ้คู ดูทึชองทึ โล้ เว๊ บี่อี้ง ล้อ

ท​แม้ 7:52

โม ไคล้ คิ้ กแช่ แยว้ พี่ ล แฌ้ เล้, พี่ น ซื๊ง พี๊ง พู๊ง ลู่ง แย๊ อู้ง ล แม้ น้ะ แม้ โน๊ง-อ้ะ แบ, อซื๊งเว๊ แม้ ซี๊ง โม กุ้ อ แฌ้, พี่ อ โล้ เว้ เท่อ ไยะ เย้า แบฆ้ะ ดี๊ กแช่ แยว้ อ เพล่ ฌี้ เพล่ แอว้ ล แฌ้ ม เฌ๊ นอ, ค๊องเนง อี้ง น ซื๊ง เด้าะ อางแช๊ กแช่ แยว้ อ เพล่ ฌี้ ล แฌ้ นอ ดี๊ แม้ ซี๊ง ไฆวะ-อ้ะ