ทีต๊ะ 1:7 - Northern Pwo Karen Thai Bible

⁷ โพล้ง ทื๊ง ซยอง เท่อ อ คู อ แน่ นอ, แบ เก โพล้ง ลู่ง อ เม้ง มึ แซ ย้า, อ ไฌ่ บี่ อี้ง, อ เว๊ ยู่แคว่ กแช่ แยว้ อ ท ไพ้ะ ท แม้, อ เว๊ แบ เก โพล้ง ล อางกี ดู อ ซ้ะ แบ, ล ซ้ะทาง เพล แบ, ล ม้า ไซ้ะ ม้า มี้ แบ, ล เก โพล้ง ดู้ง โพล้ง ลู่ แบ, ล แน่แฌ่ แน่ท้า เท่อ แบ

ทีต๊ะ 1:7 ပူးပေါင်းရင်းမြစ်များ

ทอคางไท้ะ 49:6

กเซิงกซ้ะ-เอ้อ, ลี้ฆ้าง ลู่ง อซื๊งเว๊ อ โอซยอง พ้า ล ฌี้ กฆี๊งกแล้-เอ้อ, ลี้ฆ้าง โอซยอง ลู่ง อ ท แพโซง พ้า ล ฌี้ เป๊งนี่ อซื๊งเว๊ แม้ซี๊ง โพล้ง ดี๊ ท ซ้ะทาง อ เว๊ กล้างเทะ งู้ แพ๊ อ ทอง, ท๊อง ท แบ อซื๊งเว๊ อ ซ้ะ นอ ล้อ

ทอางด้อง 14:17

โพล้ง ซ้ะทาง ชอง นอ, แม้ เท่อ ลกลุ้ลจ้ะ แบ ดี๊ โพล้ง แซย๊กไบล้ะ นอ, เก ท แช๊เมะไฌ๊ซ้ะ

ทอางด้อง 15:18

โพล้ง พี่ อ ซ้ะคู่ นอ, ดึ้ เกทาง ท ติ้โละไอโละ แบเด้าะ โพล้ง พี่ ซ้ะทาง โกย้ นอ, แม้ โอโท๊ไฆวะ ท คิ้คุ้ไวะวะ

ทอางด้อง 16:32

โพล้ง พี่ อ ซ้ะทาง โกย้ นอ, ฌี้เละ โพล้ง พี่ อไฌ่อแบ้ โอ แอ นอ ได้ะ ดี๊ โพล้ง พี่ โพะคอง อ ซ้ะ นอ, ฌี้เละ โพล้ง พี่ อ ดึ้ซึ้ เว่ง นี่ นอ ได้ะ

ทโกงซีมองแบ 7:9

เกม๊า น ซ้ะ ซ้ะทาง เพล ล ฌี้ เมะเว๊ ท ซ้ะทาง นอ, โอท๊าง ลู่ง โพล้ง เซ๊กูเฌ๊ฌ้อง อ ซ้ะแน๊ แซย่ พ้า

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

เอเซเคียง 44:21

โพล้งลื่งเท่ออคู กุ้แฌ้ พี่ ม ลี้ นึฆ้าง ทล่าง พ้ะเล่ พ้า แย๊โค๊ นอ, เกม๊า อ โอ้ ไซ้ะ ซไบ้ะแซที๊ง ล ฌี้

เลวี​อ​ไฌ่ 10:9

“น กแช่ ฌี้, น พู ฌี้, พี่ ม ลี้ฆ้าง ลู่ง เด้ทโอซยองอล่าง พ้า นอ, ไซ้ะ ซไบ้ะแซ ที๊ง ฌี้, ไซ้ะที๊งมี่จ้าง ฌี้ นอ, โอ้ ล ฌี้, บี่ซุ้ น ล แบ ซี๊ง แบ, อ อี้ง นอ, เกม๊า อ เก ทอเค้อะอต้าง ล้างชู้ล้างแกย, ท้อง ลู่ง น พู น ลี้ง กุ้ชู้กุ้ว๊าง ล้อ

ม้ะทู 24:45

ช๊องมอง ดุ้ แฆว่, เพล่ พี่ อ โต้ อ ล้อง อ ไพ่ อ แซย๊, พี่ อ กแช่ อางกี ล้าง เว๊ ยู่แคว่ อ เด้า, ดี๊ เจ่ เอะ อ เพล่ อ ทอาง ท โอ้ แบ อ ช๊า อ โท่

ลูกา 12:42

กแช่ เยซู ไคล้ ช๊า-อ้ะ, “ช๊องมอง ดุ้ แฆว่ เพล่ พี่ อ โต้ อ ล้อง อ ไพ่ อ แซย๊, พี่ อ กแช่ อางกี ล้าง เว๊ ยู่แคว่ อ เด้า, ดี๊ เจ่ เอะ อ เพล่ อ ทอาง ท โอ้ แบ อ ช๊า อ โท่

เอเฟโซ 5:18

ม้า ไซ้ะ ล ฌี้, อ นอ ม แม้ เฌ๊ฌ้อง น ซื๊ง ล้อ, แบเด้าะ เกม๊า วีง ฌี้ แล้ แอว้ โอ ล๊า โอ ฆวี้ ลู่ง น ซื๊ง ซ้ะ พ้า

ฟีลิ้ปี 1:1

แย้ เปาโล ดี๊ ทีโมเท เก กแช่ เยซู คริ้ อ เพล่, ก กวิ้ ยื่ง เอะ กแช่ แยว้ อ พู อ ลี้ง อ ไละ กุ้ อ แฌ้ ลู่ง เฌง ฟีลิ้ปี พี่ อ โอ ลู่ง กแช่ เยซู คริ้ อ ซุ้, ดี๊ กวิ้ เอะ คู ยู่แคว่ เท่อ ดี๊ โพล้ง แม้ช้า เท่อ ลู่ง โพล้ง ทื๊ง ซยอง เท่อ อ แกล้

ทีต๊ะ 1:5

จ เกม๊า น โอก้ะ ลู่ง เก้าะ ครีตา, บี่ ซุ้ น ม แม้ ฌี้ ทาง ไท้ เท่อ พี่ อ ล ฌี้ ได้ะ แบ นอ, ดี๊ ม อางกี ล้าง โพล้ง ทื๊ง ซยอง เท่อ อ คู อ แน่ กุ้ อ เฌง, พี่ จ อางแม้เลา เอะ แน้ นอ

ทีต๊ะ 2:3

บี่ นอ อ ซุ้ กมืง ลู่ง อ โญะ แซย่ นอ, เกม๊า อ แม้ อ ซ้ะ บี่ ซุ้ โพล้ง มืง แบ้ แยว้ เกิ้ง แม้ เว๊, อซื๊งเว๊ ล แบ ไจ้ะ อ้า ไจ้ะ ซ๊าง โพล้ง อ แฌ้แพ แบ, ล แบ จวี้ ไซ้ะ แบ, อซื๊งเว๊ แบ ซอง เท่อ ลู่ง อ ฌี้

1เปโต 4:10

พี่ กแช่ แยว้ เกล๊าง เอะ น ซื๊ง เท่อ แฌ้ เม้ง แฌ้ เม้ง เย้า นอ, เจ่ ท เกล๊าง นอ พี่ ม ล้างเปิ่ง โละ ซ้ะ ฌ่าง, ฌ้อง น ม เก โพล้ง ลู่ง อ โต้ อ ล้อง ฌี้ มะ

1เปโต 5:2

จ อวีงซ้ะชู้ เกม๊า น ซื๊ง ยู่แคว่ แฌแซ กแช่ แยว้ อ แกะ, พี่ อ อางกี ล้าง เอะ น ซื๊ง นอ ไช้ะ, ล เมะ แคว่-อ้ะ บี่ ซุ้ โพล้ง แคแน น ซื๊ง แบ, แบเด้าะ แคว่-อ้ะ ดี๊ ท มึ เซิง มึ ซ้ะ, บี่ ซุ้ กแช่ แยว้ แบ ซ้ะ เกม๊า น แคว่, ช๊องมอง ที่ ม นี่ แบ คางเล้ง ล เม้ง ล ฌี้, แบเด้าะ แคว่-อ้ะ ดี๊ ซ้ะ ลู่ง แบ ซ้ะ แม้ กแช่ แยว้ อ เท่อ

2​เปโต 2:10

พี่ อ น้ะ ทึ นอ, กแช่ แยว้ ม แม้ เตา แม้ แต๊ กเย่ โพล้ง พี่ อ ญ่อง ล้าง อ ซ้ะ แม้ โพะ อ ท ซ้ะกวี้ง ล๊องก้อง อ ไค๊, ดี๊ ดึ้เดว กแช่ แยว้ อ ดู้ง อ ยาง คู กไบล้ะ ล แพ นอ อางกี ทาง โท๊ อ ซ้ะ เบิง, ไจ้ะ อ้า ไจ้ะ ซ๊าง แบ ท อ ซยื๊ง อ ซย้อง ลู่ง มุ้คู เบิง