ซาโลโมอแท๊ 4:3 - Northern Pwo Karen Thai Bible

³ น นุ้เฌะ โฌ้ ด้องซุ้ ลูง โฌ้ ฆี่ง ดี๊ น นุ้ นอ ฌี้ มะ น แน่เก้งไท้ะ พี่ โอ ตไก้ยะ คลึไบ้ะ เมะ เช๊ละ นอ ด้องซุ้ ม้างเกาะ แซ โฌ้ ไก้พ้ะ

ซาโลโมอแท๊ 4:3 ပူးပေါင်းရင်းမြစ်များ

ทอคางไท้ะ 32:10

จ ล เกิ้ง ฮะนี่ ทเอทกวี้ง ลู่ง อเฌิ่งอค๊า, ดี๊ ทโต้ทล้อง น่าง ปี๊ แบ, พี่ น เกล๊าง เอะ นเพล่นบาง, เมะเว๊ จ ค๊างฌะ ที๊ง โจเด้ง กล้อง อี้ง, โอ ที่ นางทุ้บ้อง ล้อ, ดี๊ ค๊องเนงอี้ง จ โพล้ง โอ คี๊ง มู๊ง

เอซรา 9:6

ดี๊ จ โล้แบ-อ้ะ บี่อี้ง, “จ กแช่แยว้-เอ้อ, จ ฌางแช้ ล้างไช้ะล้างย่อง พี่ ม แกยทาง เมะ แคว่ทาง จ กแช่แยว้, เมะเว๊ เฆ้อ ซีงลแพ อี้ง, ทเด้บ้ะ ลู่ง อ อ้า อ ซ๊าง นอ แอทาง พะไฆวะ ก คู, ดี๊ ก ทไพ้ะทแม นอ โท๊ทาง ลี้ ท้อง ทมุ้คู

ทอางปฆ้า 119:13

จ ม โล้ล้าง เท่อ ดี๊ นุ้เฌะ แบฆ้ะ ดี๊ ท อางกีล้าง, พี่ เฌ๊นี่ ดี๊ กแช่แยว้ อ นุ้

ทอางปฆ้า 37:30

โพล้ง ทแบกแช่แยว้อซ้ะ อ นุ้ นอ, ไคล้ทาง ทโกงซีมองแบ ดี๊ อ พลี้, ไคล้ ทอเกิ้งอแบ

ทอางปฆ้า 45:2

กจุ้แฆว้ นอ, ฆี๊งฌี้แล้ฌี้เละ กโพล้ง กุ้แฌ้ ได้ะ กแช่แยว้ อโก้งอโบ้ง, เฌ๊ แยว้ล้างนี่ ลู่ง อ นุ้เฌะ อกย้อง บี่นอ, กแช่แยว้ ชูฌี้ชูแอว้-อ้ะ, ล้างชู้ล้างแกย ล้อ

ทอางด้อง 10:13

ลู่ง โพล้ง โอ ดี๊ ทแนซีโน้งซี อ นุ้ นอ, ม แด ทโกงซีมองแบ แบเด้าะ นางพลี นอ, เกิ้ง ดี๊ โพล้ง พี่ ล โอ ดี๊ ท ซีงแฌ๊ล้างซ้ะ แบ นอ อ โคล๊ง ล้อ

ทอางด้อง 31:26

อ เว๊ อ้างทาง นุ้ ไคล้ ดี๊ ทโกงซีมองแบ ดี๊ ทซองทซ๊าง โอ ฆึ ดี๊ ท ย๊างเซิงย๊างซ้ะ, ลู่ง อ พลี้ ล้อง

ซาโลโมอแท๊ 1:5

โอ้, พูมืง ลู่ง เยรูซเลง-เอ้อ จ ไพ้ะซ๊า แยซ๊า, แบเด้าะ ล้างเอล้างกวี้ง ด้องซุ้ โพล้ง เคดา อ เด้ ด้องซุ้ ซาโลโม อ ตไก้ยะ กางทะ เท่อ

ซาโลโมอแท๊ 4:11

โอ้, จ เม้ากแช่ มืง-เอ้อ, นี๊จ้าง ล้างช้าง นี่ ลู่ง น นุ้เฌะ นี๊จ้าง ดี๊ นู่ง ที๊ง โอ น พลี้ เช๊ละ นไช๊นช้าง อ กลื่ง น๊าม๊า, ด้องซุ้ เลบาโนง อ กลื่ง น๊าม๊า

ซาโลโมอแท๊ 5:13

อ บุ้แพ้ น๊าม๊า บี่ซุ้ดี๊ ทน๊าม๊า อ ล่าง คว้าง พ้า น๊าม๊า บี่ซุ้ดี๊ ทดุ้ทแล โป้ง น๊าม๊า อ นุ้เฌะ บี่ซุ้ดี๊ ลีงลี้ โพ๊ พี่ โอ ดี๊ โม๊เย้าะ ล้างช้าง

ซาโลโมอแท๊ 5:16

อ นุ้ ช๊า ปเยาเด้า ฌี้ ทึ อเค่งอฌ้าง น๊างแฌ้ ล้างเอล้างกวี้ง เต้ๆ อ อี้ง นอ, เมะเว๊ โพล้ง พี่ จ เอ-อ้ะ, ดี๊ จ ฌุ้พาง ล้างเท่งล้างชิ้ ล้อ โอ้, พูมืง ลู่ง เยรูซเลง ลแพ ซีง-เอ้อ

ซาโลโมอแท๊ 6:7

น แน่เก้ง ไท้ะ พี่ โอ ตไก้ยะ คลึไบ้ะ เมะ เช๊ละ นอ บี่ซุ้ดี๊ ม้างเกาะ แซ ไก้พ้ะ

ซาโลโมอแท๊ 7:9

ดี๊ เกม๊า น แคทะ บี่ซุ้ดี๊ ไซ้ะ ซไบ้ะแซ ที๊ง ลู่ง อ ฌี้ ทึ เกม๊า ไซ้ะ ซไบ้ะแซ ที๊ง แยว้ล้าง ลี้ฌูง โพล้ง พี่ จ เอ-อ้ะ แยว้ล้าง โพะ นุ้เฌะ ไท้ะ ดี๊ แซว๊ อเช้าอช้า

เอเซเคียง 16:63

บี่ซุ้ น ม นางแบ-อ้ะ, ดี๊ โอ ดี๊ ท ฌางแช้, น ม อ้างทาง นุ้ ไคล้ ล้า แบ, เป๊งนี่ ฌางแช้เมะฌางแช้แน๊, พี่ ก เท้าไฆวะ ทแบอ้า ลู่ง ท กุ้เม้ง พ้า, พี่ น นี่ แม้ แบ-อ้ะ เย้า นอ”, ทอดูทึโท๊ทึกแช่ยาเว โล้ เว๊ บี่อี้ง ล้อ

เลวี​อ​ไฌ่ 14:4

เกม๊า โพล้งลื่งเท่ออคู อางแบเลา-อ้ะ, เกม๊า อ เฌ๊โชะ ทู พี่ อ เช๊งเกล้ง, ดี๊ โอม๊า ได้ะ คี๊ง เบง, ซย๊องซีดา, ดี๊ ลูง โฌ้จีลี, ดี๊ เฌ๊โชะ โพ๊แน๊ ลู่ง โพล้ง พี่ ม แม้เช๊งแม้เกล้ง ล้าง อ ซ้ะ อ ฌ่าง

เลวี​อ​ไฌ่ 14:6

เกม๊า โพล้งลื่งเท่ออคู แม้นี่ ทู พี่ อ โอม๊า ได้ะ ล เบง นอ, ดี๊ ซย๊องซีดา, ลูง โฌ้จีลี, ดี๊ โพ๊แน๊, จูงล้าง ลู่ง ทู ล เบง แย๊ พี่ อ แบ ทแม้ซี๊ง-อ้ะ ลู่ง ที๊ง เช๊งเกล้ง คู นอ, อ ซวีง พ้า

เกล้​ท​ซ้ะวี่ง 19:6

ฌ้อง โพล้งลื่งเท่ออคู ม แม้นี่ ซย๊องซีดา, โพ๊แน๊, ดี๊ ลูง โฌ้จีลี, พลึ้ล้าง เว๊ มีอ้า พ้า, พี่ เช้า งู้ มู่ นอ

เกล้​ท​ซ้ะวี่ง 4:8

ฌ้อง แม้นี่ ตไก้ยะ โฌ้จีลี คลึไบ้ะล้าง-อ้ะ, ดี๊ แม้นี่ ทไพ้ะ ลู่ง อ ฌี้ นอ คลึไบ้ะล้าง อ คู นอ ล ท๊า เด้าะ, ฌ้อง นอ ลอง ฆ้าง อ มี่ก้าง

ม้ะทู 12:35

โพล้ง ฌี้ นอ เนโพล ทาง ท ฌี้, พี่ อ อางกี ซยอง เว๊ ลู่ง อ ซ้ะ พ้า, โพล้ง อ้า นอ เนโพล ทาง ท อ้า, พี่ อ อางกี ซยอง เว๊ ลู่ง อ ซ้ะ พ้า

ลูกา 4:22

โพล้ง กุ้ อ แฌ้ อางปฆ้า แบ-อ้ะ, ล้ะ เซิง ล้ะ ซ้ะ ดี๊ อ ท ไคล้ พี่ อ โล้ เว๊ เมะ เว๊ โอ ดี๊ อ บลึ้ อ บลาง อ มึ อ พ้า, โพล้ง ไจ้ะ เว๊, “ล แฌ้ อี้ง เก โยซิ้ อ พูแคว๊, ล เมะ แบ-อ้า”

เอเฟโซ 4:29

ไคล้ ท ล ฌี้ ล แอว้ แบ ล ฌี้, แบเด้าะ ไคล้ เท่อ ลู่ง อ ฌี้ ลู่ง ม แม้ช้า โพล้ง ท๊อง อซื๊งเว๊ แบ ซ้ะ เว๊, บี่ ซุ้ น ท ไคล้ นอ ม ล้างเปิ่ง ลู่ง โพล้ง แน่ฌ๊า แบ เว๊ อ ฌ่าง

โคโลซี 4:6

น ซื๊ง แบ ไคล้ เท่อ ลู่ง คุ้ช๊องแน-อ้ะ มึ, ดี๊ แบ ซีงแฌ๊ เว๊ แบ ไคล้ ช๊า โพล้ง กุ้ อ แฌ้ ลู่ง อ เกิ้ง อ แบ นอ ล้อ

ฮีบรู 9:19

พี่ โมเซ โล้ ล้าง ทอางแม้เลา ดี๊ ทซองทซ๊าง กุ้ อ ทีง เอะ โพล้ง เฌงพูฆ๊างพู นอ, อ เว๊ แม้ นี่ งู้ พู ดี๊ แมะ อ ซวีง แกย้ ฆึ เว๊ ดี๊ ที๊ง, แม้ นี่ เซง ได้ พี่ ก้ะ ทาง เว๊ ดี๊ แกะ ชอง โฌ้, ฌ้อง ฆวีง ดุ้ ไละ ทื๊ง ดี๊ ฆวีง แบ โพล้ง เฌงพูฆ๊างพู

โยชูวา 2:18

แม้ บี่อี้ง, พี่ ก เฌ๊ นึฆ้าง ที๊งล่างค่างพ้า อี้ง โคะ นอ, เกม๊า น แม้นี่ ลูง โฌ้ จ้า ทาง-อ้ะ ลู่ง โป้ง พ้า พี่ น เช้ล้าง เฆ้อ นอ, เกม๊า น อางกีซยอง น มู่ น แพ่ น พื่ง น วี่, ดี๊ โพล้ง กุ้ แฌ้ ลู่ง น แพ่ อ เด้าคูล่างพ้า นอ โอ ลู่ง น เด้า พ้า อี้ง