5 แม้ ชองทาง จไฌ่จแบ้ ดี๊ กู ซไบ้ะแซ ไฆ๊ อวีงซ้ะชู้ แม้ มึทาง จ ซ้ะ ดี๊ ท๊อง แซ เมะเว๊ จ ช๊องไก้ ดี๊ ทเอทกวี้ง
ดี๊ เจ่ เอะ โพล้ง ลแพ นอ อ กู แฌ้ เบงๆ, ทแย แฌ้ ลองๆ, ดี๊ เกล๊าง กู ซไบ้ะ แซ ไฆ๊ เอะ โพล้งเฌงพูฆ๊างพู แฌ้ เบงๆ, เมะเว๊ โพล้งอีซลาเอง เลาพะ ดี๊ อ มืง อ แคว๊, ฌ้อง โพล้งเฌงพูฆ๊างพู กุ้ แฌ้ นอ ไท้ ลู่ง อ กแช่ อ เด้า
ดี๊ เจ่ กู เอะ โพล้ง อีซลาเอง กุ้ แฌ้, เลา ดี๊ อ มืง อ แคว๊ แฌ้ ลองๆ, กู เองทาพลาง ดี๊ กู ซไบ้ะ แซ ไฆ๊ แฌ้ ลองๆ
จเซิงจซ้ะ บึ้เบงเท่ง ดี๊ กแช่แยว้ กแช่แยว้ อ จูงฆุ้ แม้เฌิ่งแม้ค๊าทะ แย้
โอ้, พูมืง ลู่ง เยรูซเลง-เอ้อ, จ อางท่าง เกม๊า น ซื๊ง ชูล้างซ้ะ บี่อี้ง น ซื๊ง แฌ้ฌี้ๆ, เมะ แด โพล้ง พี่ จ เอ-อ้ะ นอ น ม เอิ้งล้าง โล้ เอะ-อ้ะ บี่อี้ง แย้ จ ช๊องไก้ ดี๊ ทเอทกวี้ง
จ ช๊องมอง เท่อ บี่อี้ง, จ ม ทางปเลา เองทาพลาง อ มื่งเทิง นอ จ ม พองทะ อได้อพ๊าง อวีงซ้ะชู้ เกม๊า น นู่ง คี๊ง แพ้ นอ, ฌี้ ด้องซุ้ ซไบ้ะแซ น๊างเชา ไช้ะ ดี๊ เกม๊า น ลี้ง แซทางแซล้าง, น๊าม๊า ด้องซุ้ ท๊อ แซ ไช้ะ
ดี๊ กแช่ยาเว ไคล้ ดี๊ แย้ ไจ้ะเว๊, “เกม๊า น ลี้ ล พ๊า เด้าะ, ลี้ เอ โละซ้ะ ดี๊ กมืง ล แฌ้, พี่ อ ด้าง กแม เอ เว๊, ดี๊ เก กมืง เอโบ้งเอพะ เท่อ, บี่ซุ้ดี๊ พี่ กแช่ยาเว เอ อีซลาเอง อชื้ออชะ บี่ นอ ล้อ, ทึเมะ อ ซื๊งเว๊ ม แกยไฆวะ อ ซ้ะ ลี้ฌูง ท กโช้งกแช่ อ แฌ้แพ, ดี๊ ท แบ อ ซ้ะ ดี๊ กู ซไบ้ะแซ ไฆ๊>>
อซื๊งเว๊ โล้ โละ อ ซ้ะ บี่ อี้ง, “พี่ อ เว๊ ก้างแก้ เท่อ ดี๊ เฆ้อ ลู่ง เกล้, อางโล๊ไท้ ฌ้า เอะ เฆ้อ ไละ ฌี้ ไละ แอว้ นอ, ก เซิง มึ ซ้ะ มึ ซ้ะอวีง ซ้ะโทะ ดู มะ, ล เมะ แบ-อ้า”
จ ซ้ะ โอ คี๊ง โค๊ คี๊ง แพ้, ล แพ้ จ ล แบ ซ้ะ โอ ลู่ง ฌางคู โคล๊ง คู อี้ง ล้า แบ, จ แบ ซ้ะ ไท้ โอ ดี๊ กแช่ เยซู คริ้ บะจือ