ซาโลโมอแท๊ 2:4 - Northern Pwo Karen Thai Bible

⁴ อ เว๊ เกม๊า จ โอ้ ไซ้ะ ซไบ้ะแซ ที๊ง ดี๊ คลึไบ้ะ แย้ ดี๊ ทเอทกวี้ง

ซาโลโมอแท๊ 2:4 ပူးပေါင်းရင်းမြစ်များ

เอซเทอ 7:7

กจุ้แฆว้ เฌ้เทิงทาง แดไฆวะ ทลื่งอาง พ้า ดี๊ อ ทซ้ะทาง, ดี๊ ลี้ฆ้าง ลู่ง โซ๊ง เซง พ้า, แบเด้าะ ฮามาง โอ พี่ นอ ได้ะ, บี่ซุ้ อางท่าง นี่ อ ทโอม๊า ดี๊ น่าง เอซเทอ, เป๊งนี่ อ แด เว๊ กจุ้แฆว้ ช๊องมอง อ้า เท่อ ดี๊-อ้ะ เย้า

โยบา 1:10

กแช่แยว้ ล นี่ กาง ทร้อง พ้องวะ ทะ อ กแช่, อ เด้าคูล่างพ้า, ดี๊ ทกุ้เม้ง พี่ อ เท่อ โอ นอ กุ้ อ แพ้ แบ-อ้า?, กแช่แยว้ นี่ ชูฌี้ชูแอว้ แบ ทแม้ พี่ อ จูง แม้ เว๊, ดี๊ อ ทพูแฆ่ ลื่งโด้ง น๊างมู๊ง แอทางโฌ่ทาง ลู่ง ที๊งล่างค่างพ้า

ทอางปฆ้า 20:5

บี่ซุ้ เฆ้อ ซีงลแพ, ม นี่ ซองลี้ เท่อ, ดี๊ ทมึเซิงมึซ้ะ, ลู่ง น ทน้าทฆ่าง นอ อกย้อง ดี๊ เยาทาง ตไก้ยะ แม้ไน เท่อ, ลู่ง เฆ้อ ซีงลแพ ก กแช่แยว้ อเม้งอแซ พ้า เกม๊าเต้ กแช่ยาเว ดึ้เกม๊า น ทชูแพ อางท่าง เท่อ เลาพะ นอ, ฌ้องทางเกทาง เว๊ ไช้ะ

ทอางปฆ้า 60:4

กแช่แยว้ ช๊างล้าง ตไก้ยะ แม้ไน เท่อ, เอะ โพล้ง ลแพ นอ, พี่ อ ดู้งแบยางแบ-อ้ะ บี่ซุ้ อเว๊ ม ไจคุ้ซูง พ้องไฆวะ ดี๊ คลีง อเบ้าอไย้เซ่-ลา

ทอางปฆ้า 84:10

เมะเว๊ ล นี้ง, ลู่ง กแช่แยว้อล่างโอ คว้าง พ้า นอ ฌี้เละ อ นี้ง ลม๊า, ลู่ง ทล่าง อ แฌ้แพ พ้า ได้ะ จ ม อางท่าง เก โพล้ง โอคุ้แคว่ทะ จ กแช่แยว้อล่างโอ อ เกล้ ป้ะตู๊ง ฌี้เละ โอ ลู่ง ทอ้าทซ๊าง อ เด้ พ้า ได้ะ

ซาโลโมอแท๊ 1:1

แท๊ซ้ะอวีง ฌี้ ทึ อี้ง นอ, เก ซาโลโม อ เท่อ

ซาโลโมอแท๊ 1:4

อวีงซ้ะชู้ ลี้ฌ้า แย้, เกม๊า ก ปชื่ง ลี้-อ้ะ กจุ้แฆว้ นี่ ลี้ฌ้า แย้ ลู่ง อ ทล่าง พ้ะเล่ พ้า ก ม เฌ้เทิงลี่ง ดี๊ ซ้ะอวีงซ้ะโทะ ลู่ง น อกย้อง ก ม ช๊องมอง นางแบ น ทเอทกวี้ง, ท่อง อ แอเละ ไซ้ะ ซไบ้ะแซ ที๊ง ได้ะ พี่ อ ซื๊งเว๊ ซีง ลแพ เอ แน้ นอ เกิ้ง เย้า

ซาโลโมอแท๊ 5:1

จ พื่ง-เอ้อ, จ เม้ากแช่ มืง-เอ้อ จ เฌ๊ฆ้าง ลู่ง จ โซ๊ง พ้า เย้า ฮ้อ จ เฌ๊ แม้ นี่ จ โม๊เย้าะ ล พ๊า ฆ่าง ดี๊ จ ทน๊าม๊า เย้า จ อาง จ นี๊โด้ง ดี๊ จ นี๊จ้าง เย้า จ โอ้ จ ไซ้ะ ซไบ้ะ แซ ที๊ง ดี๊ นู่ง ที๊ง เย้า โอ้, ฌุ้เม้งฌุ้พาง-เอ้อ, เกม๊า อาง เท่อ ดี๊ โอ้ เท่อ แดเทา เกม๊า โอ้ ท่อง เฆว๊เฌ้าเฆว๊ซ้ะ ไช้ะ, กู่ง เอ โละ ซ้ะ-เอ้อ

ซาโลโมอแท๊ 6:4

โพล้ง พี่ จ เอ-อ้ะ-เอ้อ, นฌี้นแอว้ ด้องซุ้ เว่ง ทีราซา ดี๊ ฌี้ ด้องซุ้ เว่ง เยรูซเลง น ล้าง ดู้งแบยางแบ, ด้องซุ้ ซึ้พู มู๊ง โอ ดี๊ ตไก้ยะ แม้ไน คระ

อีซยา 11:10

ล นี้ง แย๊ นอ, เจซี อฌี่งอเฌ้ พี่ ต๊างทาง เก ทแม้ไน เอะ โพล้ง กุ้ชื้อกุ้ชะ, ดี๊ อ เว๊ ม เก โพล้ง กุ้ชื้อกุ้ชะ อ ท อางฆื๊ง นี่, ดี๊ อ เว๊ อ ล่าง โอไปว้ะ ม ดูทางโท๊ทาง

ท​เน​โพล​ทาง 3:20

จ ชี๊เทิง ดู เซ๊ เกล้ ลู่ง พ้าแย๊ ไท้ะ เย้า, โพล้ง พี่ อ แน่ฌ๊า จ ลู่ง ฌ้อง อุ้พ้ะ ทาง เกล้ นอ แย้ จ ม นึ ฆ้าง อ เด้า พ้า, ฌ้อง จ ม อาง ซกุ้ มี้ ดี๊-อ้ะ, อ เว๊ ม อาง แบ ซกุ้ มี้ ดี๊ แย้ ปะ