โรมา 7:13 - Northern Pwo Karen Thai Bible

¹³ เมะ บี่ นอ ท อ ฌี้ แม้ ซี๊ง แย้ โบ่, ล เมะ แบ เฆาะ, ท เด้บ้ะ ล้อ แม้ ซี๊ง แย้, ท เด้บ้ะ เจ่ ท อ ฌี้ แม้ ซี๊ง แย้ บี่ ซุ้ ม โพล ทาง อ ซ้ะ ล้างที๊ง, ท บี่ นอ ท อางแม้เลา ปล้ะ ล้าง ท เด้บ้ะ อ มยู๊ อ จะ เต้ๆ

โรมา 7:13 ပူးပေါင်းရင်းမြစ်များ

ม้ะทู 28:8

โพล้ง มืง ล แพ นอ ปชื่ง ไจ แด ไฆวะ ท แซวคู พ้า, ซ้ะเม เว๊ ดี๊ ซ้ะอวีง ซ้ะโทะ เว๊ พ้ะดู, อซื๊งเว๊ ไท้ ซยู๊ โล้ เอะ กแช่ เยซู อ พู อ ลี้ง

ลูกา 20:16

อ เว๊ ม เฌ๊ แม้ ซี๊ง อซื๊งเว๊ เลา ปะ, ฌ้อง ม เกม๊า โพล้ง อ แฌ้แพ แม้แพ ก้ะ โซ๊ง นอ” พี่ โพล้ง ล มู๊ง แน่ฌ๊า เว๊ บี่ นอ ไจ้ะ เว๊, “เกม๊า อ เก ทาง บี่ นอ ล ฌี้”

โรมา 5:20

กแช่ แยว้ อางกี ล้าง ทอางแม้เลา ลู่ง ฌางคู โคล๊ง คู อี้ง, บี่ ซุ้ โพล้ง อ ท ไพ้ะ ท แม ม แอ ทาง, แบเด้าะ พี่ จอง เล้ ท เด้บ้ะ แอ ทาง นอ, กแช่ แยว้ อ โก้ง อ โบ้ง อ บลึ้ อ บลาง ม แอ นี่ อ นอ พี่ นอ ล้อ

โรมา 8:3

เท่อ ลู่ง ทอางแม้เลา แม้ เว๊ ล ซี แบ, เป๊งนี่ กโพล้ง อ ซ้ะ ล เฌิ่ง ล ค๊า แบ นอ, กแช่ แยว้ แม้ เว๊ เย้า, อ เว๊ โซ๊ง ล้าง อ พูแคว๊ แด เว๊ เกม๊า อ ล้างโฌ่ โพล้ง ท เด้บ้ะ, บี่ ซุ้ ม เกม๊า เว๊ อ แม้ ไฆวะ ท เด้บ้ะ, อ นอ อ เว๊ ต้ะเซ๊ง ท เด้บ้ะ พี่ อ โอ ลู่ง กโพล้ง อ ซ้ะ พ้า

กาลาเต 3:21

เมะๆ, บี่ นอ ทอางแม้เลา ล แบ โละ ซ้ะ ดี๊ กแช่ แยว้ อ ท เอิ้งล้าง แบ โบ่, ล เมะ แบ เฆาะ ล้อ, อ ไฌ่ บี่ อี้ง, กแช่ แยว้ เมะ เกล๊าง ทอางแม้เลา ล้างช๊าง, พี่ ม เกม๊า โพล้ง โอ ดี๊ ท ม๊า ล้างชู้ ล้างแกย นอ, โพล้ง กุ้ อ แฌ้ แบ กแช่ แยว้ อ ซ้ะ ซี, ลู่ง อ แม้ โพะ ทอางแม้เลา อ ไค๊