โรมา 5:16 - Northern Pwo Karen Thai Bible

¹⁶ ท เกล๊าง อี้ง อางเพ๊ง ล้าง-อ้ะ ดี๊ กแคว๊ ล แฌ้ ล้อ อ ท เด้บ้ะ ล ซี แบ, อาดาง แม้ ท เด้บ้ะ ล พ๊า ล้อ ฌ้อง กแช่ แยว้ ต้ะเซ๊ง-อ้ะ ไจ้ะ เว๊, “ไพ้ะ”, ลู่ง อาดาง อ ล่างไค๊ นอโพล้ง แม้ ท เด้บ้ะ แอ ฌี่ง แอ ฌ้อง, แบเด้าะ กแช่ แยว้ เนโพล ทาง อ โก้ง อ โบ้ง อ บลึ้ อ บลาง เอะ-อ้ะ, ไจ้ะ เว๊, “ล ไพ้ะ แบ”

โรมา 5:16 ပူးပေါင်းရင်းမြစ်များ

อีซยา 1:18

กแช่ยาเว ไจ้ะเว๊ บี่อี้ง “เฌ๊เซ้อ, เกม๊า ก ไคล้คว่าง โละซ้ะ ทึเมะ น ทเด้บ้ะ เก บี่ซุ้ดี๊ ซี่ง โฌ้จีลี ฌี้ นอ ม แอว้ ด้องซุ้ แน๊วะ ทึเมะ ม โฌ้ บี่ซุ้ดี๊ ตไกยะ โฌ้ ฌี้ นอ ม เกก้ะ ด้องซุ้ แกะ อ ชอง

อีซยา 43:25

“เฆ้อ, เฆ้อ ล้อ เมะเว๊ โพล้ง ล แฌ้ นอ พี่ เท้าไฆวะ น ท กไบล้ะกแบล ลู่ง ก กแช่ อ ฌ่าง แด เว๊ ดี๊ ก ล นางแบท๊าง น ทเด้บ้ะ แบ

อีซยา 44:22

ก นี่ แม้ไฆวะ น ท กไบล้ะกแบล บี่ซุ้ดี๊ ทเอิง ดี๊ แม้ไฆวะ น ทเด้บ้ะ บี่ซุ้ดี๊ ทไค้ะซวี๊ง เกม๊า เฌ๊ไท้ฌูไท้ เฆ้อ, เมะเว๊ ก เทะนี่ไท้ แน้ เย้า

เกล้​ท​ซ้ะวี่ง 7:15

งู้ แพ๊ พู ล ดื้ง, แกะ แพ๊ ล ดื้ง, ดี๊ แกะ แพ๊ พู อ โญะ โอ ล เนง ล ดื้ง, เก ทลื่งทาง เช้า ทพูแฆ่ น๊างดื้ง

ม้ะทู 6:14

โพล้ง เมะ แม้ ไพ้ะ แม้ แม แบ น ซื๊ง นอ, น ซื๊ง เมะ ล ทื๊ง นี่ นะ นี่ อ ท ไพ้ะ ท แม แบ นอ, น แพ่ แยว้ พี่ อ โอ ลู่ง มุ้คู, ล ทื๊ง นี่ นะ นี่ น ท ไพ้ะ ท แม แบ ปะ ล้อ

โรมา 8:1

ท บี่ นอ โพล้ง พี่ อ โอ ลู่ง กแช่ เยซู คริ้ อ ซุ้ นอ, โพล้ง ไคล้ ล้าง อ เตา อ แต๊ ล ซี น่าง แฌ้ แบ

1​โคเรง 11:32

แบเด้าะ พี่ กแช่ แยว้ แม้ เตา แม้ แต๊ เฆ้อ นอ, อ เว๊ แด ซอง เฆ้อ ล้อ, บี่ ซุ้ ก ล ล้าง แบ เตา แบ แต๊ ฆึ ดี๊ โพล้ง ลู่ง อ ล แบ้ แยว้ แบ

กาลาเต 3:10

โพล้ง ลู่ง อ เปิ่ง ล้าง อ ซ้ะ ม แม้ โพะ ทอางแม้เลา อ ไค๊ นอ, อ ซื๊ง เว๊ ม ซีงแฌ๊ ครึๆ, กแช่ แยว้ ม แม้ เตา แม้ แต๊-อ้ะ, อ ไฌ่ บี่ อี้ง, ไละ ฌี้ ไละ แอว้ โล้ เว๊ บี่ อี้ง “โพล้ง พี่ ล แฌ้ เล้ ล แม้ โพะ ลู่ง ท กวิ้ ล้าง ทอางแม้เลา อ ไค๊ กู้ง กุ้ อ เม้ง ครึๆ, แบ นอ, กแช่ แยว้ ม แม้ เตา แม้ แต๊-อ้ะ ล้อ”

ยาเก้า 2:10

อ ไฌ่ บี่ อี้ง, โพล้ง พี่ แม้ โพะ ทอางแม้เลา อ ไค๊ นอ แบ เลา เย้า, แบเด้าะ, ลือ ค๊างพะ เว๊ ล ทีง ล้อ, อ นอ ไพ้ะ ที๊ ซุ้ๆ, ดี๊ ล แม้ โพะ ทอางแม้เลา อ ไค๊ น่าง เม้ง แบ นอ ล้อ