โรมา 2:8 - Northern Pwo Karen Thai Bible

⁸ แบเด้าะ กแช่ แยว้ ม ซ้ะทาง, ดี๊ ม แม้ เตา แม้ แต๊ โพล้ง พี่ อ แด ล้าง ที่ อ กแช่ อ ฌ่าง พ้า, ดี๊ ล แม้ โพะ ท อ ที๊ง อ โต้ อ ไค๊ แบ, แบเด้าะ แม้ โพะ ท อ้า ท ซ๊าง อ ไค๊

โรมา 2:8 ပူးပေါင်းရင်းမြစ်များ

2ทกวิ้ไน 6:23

เกม๊า น ช๊องแนนี่-อ้ะ ลู่ง ทมุ้คู, ดี๊ ม๊า น แม้-อ้ะ, ดี๊ เกม๊า น ไคล้ล้าง น เพล่ กุ้ อ แฌ้ อ ทแม, เมะเว๊ แม้ แบไท้ โพล้ง พี่ อ แม้อ้า เท่อ, ดี๊ เกม๊า อ ทแม้ นอ ล้างเทะแบ ไท้ อ กแช่ อ คู ล้อง, ดี๊ ต้ะเซ๊ง-อ้ะ โพล้ง ลู่ง ทแบแยว้อซ้ะ นอ เก โพล้งฌี้โพล้งแอว้, เมะเว๊ เกม๊า เอะ-อ้ะ ต๊าง อ ทแบแยว้อซ้ะ นอ ไช้ะ

โยบา 24:13

“โพล้ง พี่ กไบล้ะ ดี๊ ทโฌ่งทพ้าง นอ โอ โพล้ง พี่ ล ซีงแฌ๊ ลี้ง ทพ้าง อ เกล้ นอ แบ ดี๊ ล นี่ โอ ลู่ง ทพ้าง นอ อ เกล้ พ้า แบ

ทอางปฆ้า 90:11

โพล้งเล้, ม ซีงแฌ๊ แบฆ้ะ ดี๊ กแช่แยว้ อ ทซ้ะทาง อไฌ่อแบ้? ดี๊ ซีงแฌ๊ แบฆ้ะ ดี๊ กแช่แยว้ อ ทซ้ะทาง พ้ะดู, บี่ซุ้ดี๊ ทยางแบ ซ้ะเม กแช่แยว้ นอ

ทอางด้อง 11:23

โพล้งแบกแช่แยว้อซ้ะ อ ท แบซ้ะ นอ, โอ ที่ อ ฌี้ เลาพะ โพล้งอ้าโพล้งซ๊าง อ ทมื้งแล่ นอ, เมะเว๊ ท ซ้ะทาง พ้ะดู ล้อ

ทอางด้อง 13:10

ท ทื่งดูล้างซ้ะ นอ, โอ เว๊ ที่ ดึ้ เกทาง ท ติ้โละไอโละ แบเด้าะ ทโกงซีมองแบ โอ ดี๊ โพล้ง, พี่ ฮะนี่ ท โล้ฌ้าละฌ้า

อีซยา 50:10

โพล้ง พี่ แฌ้ เล้ ลู่ง น ซื๊ง แกล้, พี่ อ ยางแบซ้ะเม กแช่ยาเว ดี๊ คุ้ช๊องแน กแช่แยว้ อ เพล่ อ ลู่ง? โพล้ง พี่ อ โอม๊า ลู่ง ทไค้ะ แกล้ ดี๊ ทโฌ่งทพ้าง ล โอ แบ แบเด้าะ อางกีล้าง อ ซ้ะ ดี๊ กแช่ยาเว อเม้งอแซ ดี๊ เปิ่ง อ กแช่แยว้

เยเรมี 34:18

ดี๊ โพล้ง พี่ แม้ไพ้ะ แบ ก ท เอิ้งล้าง, ดี๊ ล นี่ แม้โพะ ท อืงล้าง ลู่ง ทเอิ้งล้าง พ้า แบ, พี่ อ นี่ แม้ เว๊ ลู่ง ก เมะแซ พ้า นอ, ก ม ดึ้ เกม๊า อ ซื๊งเว๊ ลแพ นอ, เก ด้องซุ้ งู้ พู พี่ อ แบ ท กล้างเทะ คี๊ง กึ้, ดี๊ โพล้ง ไจ แพ๊ ฆ้าง ลู่ง ท อ กึ้ ลแพ นอ อ แกล้

เอเซเคียง 22:31

ทบี่นอ ก ม ลู๊งล้าง ก ท ซ้ะทาง ล้างแบ อ ซื๊งเว๊, ก ดึ้ เกม๊า อ ซื๊ง เลาไฆวะ ดี๊ ก ท ซ้ะทาง อ มี, ก ม แม้เตาแม้แต๊ อ ซื๊งเว๊ ท๊อง อ ทไพ้ะทแม้ ลู่ง อ คูด้าง”, ทอดูทึโท๊ทึกแช่ยาเว โล้ เว๊ บี่อี้ง ล้อ

นาฮูง 1:6

โพล้งเล้ ม ด้างทะ กแช่แยว้ อ ท ซ้ะทาง พ้ะดู ซี? โพล้งเล้ ม โท่ง ทคู่เท่งคู่แพล้ ลู่ง กแช่แยว้ อ ท ซ้ะทาง ซี? กแช่แยว้ อ ท ซ้ะทาง พ้ะดู ซยุ้ทาง ด้องซุ้ ดี๊ มี ลู่ง กแช่แยว้ อกย้อง นอ, โล่ง เท้พ้ะ เว๊ ล้อ

โรมา 1:18

กแช่ แยว้ เนโพล ทาง เว๊ ม ต้ะเซ๊ง โพล้ง อ ท เด้บ้ะ, ดี๊ โพล้ง อ ท อ้า ท ซ๊าง กุ้ อ เม้ง, ลู่ง อ แม้ ไทะทะ ท อ ที๊ง อ โต้, ล เกม๊า โพล้ง ซีงแฌ๊-อ้ะ แบ

โรมา 10:16

แบเด้าะ ล เมะ กุ้ อ แฌ้ ญ่อง คุ้ช๊องแน ท ฌี้ อ ไฌ่ แบ, อีซายา โล้ เว้ เว๊ บี่ อี้ง “กแช่ แยว้-เอ้อ, โพล้ง เล้ ชู่ง นะ ก ท โล้ ล้าง”

โรมา 15:18

จ ม ไคล้ เบิง ที่ เท่อ พี่ แบฆ้ะ ดี๊ กแช่ เยซู คริ้ เกม๊า จ แม้-อ้ะ เย้า, เมะ เว๊ เกม๊า จ แม้ช้า โพล้ง ล ชื้อ แด ชู่ง กแช่ แยว้, จ แม้ บี่ อี้ง นอ จ เจ่ ท ไคล้ ดี๊ ท ไพ้ะ ท แม้

โรมา 6:17

แบเด้าะ ไจ้ะ บลึ้ กแช่ แยว้ ไช้ะ, อ ไฌ่ บี่ อี้ง ลู่ง เอะ อู้ง นอ น ซื๊ง เก ท เด้บ้ะ อ ฆ่อง, แบเด้าะ ค๊องเนง อี้ง ท ซอง ท ซ๊าง อ เค้อะ พี่ น นี่ แบ-อ้ะ นอ น ซื๊ง ชู่ง-อ้ะ เลา เซิง เลา ซ้ะ

โรมา 9:22

กแช่ แยว้ แม้ บี่ ซุ้ ดี๊ นอ ปะ, อ เว๊ แบ ซ้ะ ปล้ะ ล้าง อ ท แม้ เตา แม้ แต๊ ดี๊ แบ ซ้ะ เกม๊า โพล้ง ซีงแฌ๊ อ ดู้ง อ ยาง, ท บี่ นอ อ เว๊ โอ โก้ง เท่อ เก เต้ๆ, พี่ อ เว๊ เอ้า อ ซ้ะ ดี๊ โพล้ง ลู่ง อ ซ้ะทาง เว๊ ดี๊-อ้ะ ฌ้อง ม แม้ เซงทื่งเฌ๊ฌ้อง เว๊ โคะ

1​โคเรง 11:16

โพล้ง เมะ เฌ๊ ติ้ แย้ แบฆ้ะ ดี๊ ท ไฌ่ อี้ง, จ ม โล้ เอะ-อ้ะ บี่ อี้ง, เฆ้อ ดี๊ โพล้ง ทื๊ง ซยอง เท่อ จอง ฌี้ จอง ฌี้, ก ไฌะ ก ไฌ่ พี่ ม โบง ทาง แบ้ ทาง กแช่ แยว้ นอ, ล้างช๊าง เด้าะ ล โอ แบ

2​โคเรง 12:20

จ ไค๊ไก้ะ พี่ จ เฌ๊ ท้อง โคะ นอ, จ ล แด น ซื๊ง บี่ ซุ้ จ แบ ซ้ะ เกม๊า น เก นอ แบ, ดี๊ น ซื๊ง ล แด แย้ บี่ ซุ้ น แบ ซ้ะ เกม๊า จ เก นอ แบ, จ ไค๊ไก้ะ พี่ จ ม แด ท ติ้ โละ ไอ โละ, ท ไคว๊ ท โญ้ง, ท เซิงทาง ซ้ะทาง, ท แด ล้าง ที่ กแช่ อ ซ้ะ, ท ไจ้ะ อ้า ไจ้ะ ซ๊าง, ท เซ๊ วีง ซ๊อง แล้, ท ชีอูงพู๊ ทาง ซ้ะ, ท เซ๊ ทาง เซ๊ ล้าง

กาลาเต 5:20

โบง ทาง แบ้ ทาง ท เค่ง ท ฌ้าง, แม้ ทอูงทโป้, แช๊เมะ ไฌ๊ซ้ะ โละ อ ซ้ะ, ติ้ โละ ไอ โละ ซ้ะ, ไคว๊ โละ โญ้ง โละ ซ้ะ, ซ้ะทาง โละ อ ซ้ะ, ช๊องมอง ล้าง ที่ อ กแช่ อ ฌ่าง, ล้างมื่ง ล้างพ้ะ โละ ซ้ะ, อางน้าง พ้ะ อ มู๊ง อ ซกุ้

ฟีลิ้ปี 1:17

โพล้ง อ แฌ้แพ นอ ล โล้ ล้าง เท่อ ดี๊ อ เซิง โต้ ซ้ะ ล้อง แบ, แบเด้าะ แบ ซ้ะ ท อ ฌี้ ลู่ง อ ฌ่าง แด เว๊ ล้อ, อซื๊งเว๊ แบ ซ้ะ เกม๊า จ แบ น้ะ แบ โน๊ง แอ ทาง น้ะ นี่ อ ล่าง ลู่ง จ โอ พ้อง พ้า อี้ง

ฟีลิ้ปี 2:3

แม้ เท่อ พี่ ม แคว่ ล้าง ที่ น กแช่ อ ฌ่าง พ้า ล แฌ้ ล ฌี้, ดี๊ ไจ้ะ ล้าง น ซ้ะ เก ทอดู อ โท๊ ล ฌี้, แบเด้าะ น ซื๊ง แบ ชาง ล้าง ซ้ะ, น ล แบ ช๊องมอง น ฌี้ นี่ โพล้ง อ แฌ้แพ แบ

2​เทซาโลนีเก 1:8

กแช่ เยซู คริ้ ม แม้ เตา แม้ แต๊ โพล้ง ลู่ง อ ล ฮะ นี่ กแช่ แยว้ แบ, ดี๊ ล คุ้ช๊องแน ท ฌี้ อ ไฌ่ แบฆ้ะ ดี๊ ก กแช่ เยซู คริ้ นอ แบ

ทีต๊ะ 3:9

ท ไคล้ ล กลุ้ ล จ้ะ แบ พี่ เก ทาง ท ติ้ โละ ไอ โละ นอ ฌี้, ทอางโล๊ไท้ แบฆ้ะ ดี๊ พี๊งพู๊ง ลู่ง เอะ อู้ง อ ไท้ะ อ บ้อง นอ ฌี้, ท ติ้ โละ ไอ โละ ซ้ะ แบฆ้ะ ดี๊ ทอางแม้เลา นอ ฌี้, อ นอ แม้ แบฆ้ะ ล้าง น ซ้ะ น่าง เม้ง ล ฌี้, อ ไฌ่ บี่ อี้ง, ท ไคล้ ล แพ อี้ง ล ล้างเปิ่ง แบ ดี๊ เก ท โปล้ๆ, ล้อ

ฮีบรู 10:27

โอก้ะ ที่ ท คุ้แท๊ ดี๊ ท ซ้ะเม ซ้ะไพล้ กแช่ แยว้ อ ท ต้ะเซ๊ง โคะ, ดี๊ มี คู่เล้า คู่ล๊าง พี่ ม แม้ เตา แม้ แต๊ โพล้ง พี่ อ แม้ ไทะทะ กแช่ แยว้

ฮีบรู 11:8

ลู่ง ท ชู่ง ท นะ อ กย้อง นอ, อาบราฮาง ดุ้ อ แน่ ดี๊ กแช่ แยว้, พี่ อ เท่อ กุ้ นี่-อ้ะ เกม๊า อ ลี้ ลู่ง ท ล่าง ล จอง, พี่ ม นี่ แบ เว๊ เก อ จูงล่าง คางคู, อ เว๊ ลี้ เว๊ ทึ เมะ ล ซีงแฌ๊ เว๊ แบ ม ลี้ ท้อง พี่ จอง เล้

ฮีบรู 5:9

อ นอ เนโพล ทาง เว๊ อ เว๊ เก พูแคว๊ กู้งๆ, ล๊าๆ, กุ้ อ เม้ง เย้า, ฌ้อง อ เว๊ เก ทาง ก้ะ โพล้ง พี่ อ แม้ พ้อง พลิ้ โพล้ง ลู่ง อ ชู่ง นะ-อ้ะ ล แพ นอ ล้างชู้ ล้างแกย

ยาเก้า 3:14

แบเด้าะ ลู่ง น ซ้ะ พ้า เมะ โอ ดี๊ ท ไคว๊ ท โญ้ง น้ะๆ, ดี๊ แม้ ที่ กแช่ อ ซ้ะ อ นอ, อางปฆ้า ล้าง น ซ้ะ ลู่ง น ท โกง ท มอง โอ ล ฌี้, น เมะ ไคล้ บี่ นอ น คีงอูง แบ ท อ เมะ อ โต้ นอ ล้อ

ยาเก้า 3:16

อ ไฌ่ บี่ อี้ง, พี่ จอง เล้ ลู่ง อ โอ ดี๊ ท ไคว๊ โละ โญ้ง โละ ดี๊ ท แม้ ที่ กแช่ อ ซ้ะ นอ, อ นอ, เก ทาง ท โอ ฆู๊ง โอ พุ้ ล ซี แบ, ม โอ ดี๊ ท อ้า ท ซ๊าง กุ้ อ เม้ง นอ ล้อ

1เปโต 3:1

บี่ ซุ้ ดี๊ นอ, น ซื๊ง พี่ เก แม๊ นอ, น แบ ชู่ง ลู่ง เน้ แท๊ น แว้, ทึ เมะ แว้ แบ ล แฌ้ๆ, ล ชู่ง ล นะ กแช่ แยว้ อ ลู่ง อ แท๊ แบ ฌี้ๆ, แบเด้าะ ลู่ง แม๊ อ ท ไพ้ะ ท แม้ ลู่ง อ ฌี้ อ กย้อง นอ, ม ทึ้ นี่ แว้ อ ซ้ะ เกม๊า อ ทื๊ง ไท้ นะ ไท้ กแช่ เยซู ซี ปะ ล้อ, ล แบ ไคล้ เท่อ น่าง ทีง แบ

1เปโต 4:17

ท้อง อ มื่ง อ แค๊ เย้า, พี่ กแช่ แยว้ ม ต้ะเซ๊ง เท่อ, กแช่ แยว้ อ พู อ ลี้ง นอ, เก อ วี่งคู ล มู๊ง, พี่ ม แบ ท ต้ะเซ๊ง-อ้ะ, กแช่ แยว้ เมะ ต้ะเซ๊ง วี่ง เฆ้อ นอ, ท ม แม้ อ ซ้ะ บี่ จะ เล้, ดี๊ โพล้ง พี่ อ ล ชู่ง ล นะ กแช่ แยว้ อ ท ฌี้ อ ไฌ่ นอ แบ

ท​เน​โพล​ทาง 14:10

โพล้ง ล แพ นอ แบ โอ้ กแช่ แยว้ อ ซไบ้ะ แซ ที๊ง, เมะ เว๊ กแช่ แยว้ อ ท ซ้ะทาง พี่ อ ลู๊ง ล้าง เว๊ ลู่ง โล๊ง ท ซ้ะทาง อ พ้า, ล แกย้ ฆึ เว๊ ดี๊ ท น่าง เม้ง แบ, โพล้ง กุ้ อ แฌ้ พี่ อ โอ้ เว๊ นอ ม แบ ท แม้ เทะทอง ปได้-อ้ะ ดี๊ มี ดี๊ ท ซ อวี้ง น๊า ม๊าง ลู่ง กแช่ แยว้ อ ท มุ้คู พู ดี๊ แกะ พู อ เมะแซ พ้า

ท​เน​โพล​ทาง 16:19

เว่ง พ้ะดู อางน้าง พ้ะ อ ซ้ะ ซ๊า โป้ง, เว่ง กุ้ อ ที๊ง อ ค่าง แบ ท แม้ เฌ๊ฌ้อง ไฆวะ-อ้ะ, กแช่ แยว้ นาง แบ ไท้ เว่ง บาบีโลง ดี๊ เกม๊า โอ้ เว๊ ซไบ้ะ แซ ที๊ง ลู่ง อ โล๊ง พ้า, ซไบ้ะ แซ ที๊ง นอ เมะ เว๊ กแช่ แยว้ อ ท ซ้ะทาง พ้ะดู