โรมา 15:7 - Northern Pwo Karen Thai Bible

⁷ ท บี่ นอ, เกม๊า น ซื๊ง ตองช้า ฮะช้า โละ ซ้ะ ดี๊ ท มึ ท พ้า, บี่ ซุ้ กแช่ เยซู คริ้ ตองช้า ฮะช้า น ซื๊ง, แม้ บี่ อี้ง เมะ เว๊ น แม้ ฆี๊ง แม้ แล้ กแช่ แยว้

โรมา 15:7 ပူးပေါင်းရင်းမြစ်များ

ม้ะทู 10:40

โพล้ง พี่ อ ฮะ นี่ น ซื๊ง นอ, อ เว๊ ฮะ นี่ แย้ ปะ ล้อ, โพล้ง พี่ อ ฮะ นี่ แย้ นอ, ฮะ นี่ โพล้ง พี่ อ เกม๊า จ เฌ๊ ล้าง ล แฌ้ นอ ปะ ล้อ

มาร้ะกู 9:37

“โพล้ง แฌ้ ฌี้ แฌ้ ฌี้ พี่ อ ฮะ นี่ พืงแซ บี่ โย้ ล แฌ้, ลู่ง จ เม้ง จ แซ นอ, บี่ ซุ้ อ ฮะ นี่ แย้ ปะ, โพล้ง แฌ้ ฌี้ แฌ้ ฌี้ ลู่ง อ ฮะ นี่ แย้ นอ, ล ฮะ นี่ ที่ แย้ ล แฌ้ แบ, แบ เด้าะ ฮะ นี่ โพล้ง ลู่ง อ เกม๊า จ เฌ๊ ล้าง ล แฌ้ นอ ปะ ล้อ”

ลูกา 15:2

โพล้ง ฟารีซี ดี๊ คู ซอง เท่อ เซ๊งพ้า ท้างพ้า ล แพ นอ, เอ้งไฌ้ เท่อ บี่ อี้ง, “อ เว๊ ล แฌ้ อี้ง ฮะ นี่ โพล้ง ท เด้บ้ะ, ดี๊ อาง ซกุ้ โอ้ ซกุ้ เท่อ ดี๊-อ้ะ”

ลูกา 9:48

ฌ้อง ไจ้ะ เอะ อซื๊งเว๊ บี่ อี้ง, “โพล้ง แฌ้ ฌี้ แฌ้ ฌี้ พี่ อ ฮะ นี่ พืงแซ ล แฌ้ อี้ง ลู่ง จ เม้ง จ แซ นอ, บี่ ซุ้ อ ฮะ นี่ แย้ ปะ, ดี๊ โพล้ง แฌ้ ฌี้ แฌ้ ฌี้ พี่ อ ฮะ นี่ แย้ นอ, บี่ ซุ้ อ ฮะ นี่ กแช่ แยว้ พี่ อ เกม๊า จ เฌ๊ ล้าง ล แฌ้ นอ ปะ, อ ไฌ่ บี่ อี้ง โพล้ง พี่ อ ปี๊ ทึ ลู่ง น ซื๊ง แกล้ นอ, เก โพล้ง ดู ทึ ล แฌ้ ล้อ”

โยฮาง 13:34

ค๊องเนง โย้ จ เกล๊าง น ซื๊ง ทอางแม้เลา อ ซ๊าง ล ทีง, เมะ เว๊ เอ โละ กวี้ง โละ ซ้ะ ไช้ะ, จ เอ น ซื๊ง บี่ เล้ นอ น ซื๊ง แบ เอ โละ ซ้ะ บี่ นอ ล้อ

โยฮาง 6:37

กเย่ โพล้ง พี่ จ แพ่ เกล๊าง แย้ นอ ม เฌ๊ ฌู แย้ กุ้ อ แฌ้ ล้อ, โพล้ง ลู่ง อ เฌ๊ ฌู แย้ ล แฌ้ๆ, นอ, จ ล โฌ๊ ไจ ไฆวะ-อ้ะ แบ ล้อ

โรมา 15:9

ดี๊ ม เกม๊า โพล้ง ล เมะ เก ยู แบ อางปฆ้า กแช่ แยว้ ลู่ง อ ย๊างเซิง ย๊างซ้ะ แบ เว๊ อ กย้อง, บี่ ซุ้ ไละ ฌี้ ไละ แอว้ โล้ เว้ เว๊ “ท บี่ นอ, จ ม ไจ้ะ บลึ้ แน้ พี่ จ โอ ลู่ง โพล้ง ล ชื้อ แด อ แกล้ จ ม แม้ แท๊ อางปฆ้า ทาง น เม้ง น แซ”

โรมา 5:2

ลู่ง ก ท ชู่ง ท นะ อ กย้อง นอ, กแช่ เยซู คริ้ เกม๊า ก ซีงแฌ๊ กแช่ แยว้ อ โก้ง อ โบ้ง อ บลึ้ อ บลาง, ฌ้อง ก โอ เฌิ่ง โอ ค๊า, ท บี่ นอ ก ซ้ะอวีง ซ้ะโทะ ลู่ง ก มื้งแล่ เท่อ, พี่ กแช่ แยว้ ม เกม๊า ก นี่ แบ ฆึ อ ฆี๊ง อ แล้ อ โฌ่ง อ พ้าง

เอเฟโซ 1:12

ท บี่ นอ, เฆ้อ พี่ ก เก อ ต้องคู ล มู๊ง ลู่ง ก อางกี ล้าง ซ้ะ ดี๊ กแช่ เยซู คริ้ นอ, เกม๊า ก อางปฆ้า ทาง กแช่ แยว้, พี่ อ โอ ดี๊ อ ฆี๊ง อ แล้ อ โฌ่ง อ พ้าง

เอเฟโซ 1:18

จ อางท่าง กแช่ แยว้ เกม๊า น ซื๊ง เซิง ซื๊ง ซ้ะ พ้าง ทาง, บี่ ซุ้ น ม ซีงแฌ๊ น ท มื้งแล่ โอ บี่ จะ เล้, ลู่ง กแช่ แยว้ อางลึ นี่ น ซื๊ง, ดี๊ ซีงแฌ๊ ท ฌี้ พี่ กแช่ แยว้ เอิ้งล้าง เว๊ ม เกล๊าง เอะ อ พู อ ลี้ง นอ, ฆี๊ง แล้ บี่ จะ เล้

โคโลซี 3:13

ฌ้อง น ซื๊ง แบ เอ้า ซ้ะ โละ ซ้ะ, โพล้ง เมะ แม้ ไพ้ะ แม้ แม แบ น ซื๊ง นอ ทื๊ง นี่ นะ นี่-อ้ะ ล ฌี้, บี่ ซุ้ ดี๊ กแช่ เยซู คริ้ ล ทื๊ง นี่ นะ นี่ น ท ไพ้ะ ท แม แบ ปะ ล้อ