ท​เน​โพล​ทาง 8:8 - Northern Pwo Karen Thai Bible

⁸ ท่อง ท มุ้คู พู คี๊ง แฌ้ ล แฌ้ อูง ทาง ควี้ นอ, ท โอ ล เม้ง แบ ด้อง ท ลู่ง พ้ะดู พี่ อ เค้ ทาง แบ ท ไควะ ล้าง ไฆวะ-อ้ะ ปางเล พ้า, ฌ้อง ปางเล เก ทาง ก้ะ ท ซวีง, ซ๊า โป้ง นอ เก ทาง ล โป้ง

ท​เน​โพล​ทาง 8:8 ပူးပေါင်းရင်းမြစ်များ

เยเรมี 51:25

กแช่ยาเว ไจ้ะเว๊, “ทลู่ง พี่ แม้เฌ๊ฌ้อง เท่อ-เอ้อ อี้งเซ้อ, ก ดึ้ซึ้ แน้ แน้ พี่ แม้เฌ๊ฌ้อง ฌางคูโคล๊งคู เลาพะ ก ม เยาฆ้าง ก จูง ดึ้ซึ้ แน้ ดี๊ ไร้ะ แน้ เฌ๊ล้าง นี่ ลู่ง ไล๊ พละชวะ คู ดี๊ ดึ้ เกม๊า น เก ทลู่ง พี่ อ เค้ทาง

เอเซเคียง 14:9

ดี๊ โมไคล้คิ้ เท่อ เมะ แบ ท โก้ไละ เกม๊า ไคล้ ทไคล้ ล ทีง แบ ล ทีง, เฆ้อ เมะเว๊ ยาเว, นี่ โก้ไละ โมไคล้คิ้ เท่อ ล แฌ้ นอ, ดี๊ ก ม เยาฆ้าง ก จูง ดึ้ซึ้-อ้ะ, ดี๊ ม แม้เฌ๊ฌ้องไฆวะ-อ้ะ ลู่ง กพูกลี้ง อีซลาเอง อซุ้อแกล้ พ้า

อาโม 7:4

ทอดูทึโท๊ทึกแช่ยาเว, เนโพลทาง เอะ แย้, อี้งเซ้อ, ทอดูทึโท๊ทึกแช่ยาเว, กุ้นี่ เกม๊า โอ ดี๊ ท แม้เตาแม้แต๊ ดี๊ มี, ดี๊ มี อาง เฌ๊ฌ้องไฆวะ ทโยะคิ้ ลู่ง ฌางคู เช๊ละ ดี๊ อางไฆวะ ฌางคูโคล๊งคู

เซคารียา 13:8

กแช่ยาเว ไจ้ะเว๊, “เฆ้ง ฌางคูโคล๊งคู อี้ง ซ๊าโทะ นอ, ก ม แม้ไฆวะ-อ้ะ คี๊งโทะ, เกม๊า อ เซงทื่งเฌ๊ฌ้องไฆวะ ดี๊ ซ๊าโทะ นอ, อางกี ล้างลื๊อก้ะ ล โทะ

เซคารียา 13:9

ซ๊าโทะ อี้ง ก ม แม้นี่ ล โทะ พลึ้ล้าง มีอ้า พ้า ดี๊ ฆู่งพลี่ง-อ้ะ, บี่ซุ้ดี๊ ฆู่งพลี่ง จี้ ดี๊ ลองแม้แคว่ดุ้-อ้ะ, บี่ซุ้ดี๊ ลองแม้แคว่ดุ้ ท๊องบ้าง อ เว๊ ม กุ้ทาง กเม้งกแซ ดี๊ ก ม ไคล้ช๊า-อ้ะ ก ม ไจ้ะ บี่อี้ง, ‘อ ซื๊งเว๊ ซีง ลแพ, เก กพูกลี้ง’ ดี๊ อ เว๊ ม ไจ้ะ บี่อี้ง, ‘กแช่ยาเว เมะเว๊ จ กแช่แยว้ ล้อ’,”

มาร้ะกู 11:23

จ โล้ เอะ น ซื๊ง โต้ๆ, ล้อ, โพล้ง แฌ้ ฌี้ แฌ้ ฌี้ เมะ ไจ้ะ เอะ ท ลู่ง ล โพลง อี้ง นอ, ‘ซึ้ ล้าง น ซ้ะ ลู่ง ปางเล พ้า นอ ไช้ะ’, อ ซ้ะ เมะ ล คูๆ, ไค๊ๆ, แบ นอ, เมะ นะ เว๊ ม แม้ อ ซ้ะ บี่ ซุ้ อ ไจ้ะ เว๊ นอ ม เก ทาง อ ซ้ะ บี่ นอ เต้ๆ, ล้อ

ท​เน​โพล​ทาง 11:6

พีงญาง คี๊ง แฌ้ นอ โอ ดี๊ อ ดู้ง อ ยาง กาไบ้ะ ทะ ท มุ้คู ซี, บี่ ซุ้ ล เกม๊า ท เฌ๊ช้า ล้าง ลู่ง มื่ง นี้ง พี่ อซื๊งเว๊ โล้ ล้าง กแช่ แยว้ อ ลู่ง อ แท๊ อ แค๊ นอ แบ, อ ซื๊ง เว๊ โอ ดี๊ อ ดู้ง อ ยาง เกม๊า ที๊ง เก ทาง ท ซวีง ซี, ดี๊ เกม๊า ท แม้ อ้า แม้ ซ๊าง กุ้ อ เม้ง ล้าง แบ ฌางคู โคล๊ง คู ฆวี่ พ๊า เล้ ซี ท๊อง แบ อ ซ้ะ นอ ล้อ

ท​เน​โพล​ทาง 12:4

ฌู่ง พ้ะดู อ มี่ นอ เป้ แซย ลู่ง มุ้คู เกม๊า อ ล้างเทะ ฌางคู คู, ซ๊า โป้ง นอ ล้างเทะ ไฆวะ ล โป้ง, ฌู่ง พ้ะดู นอ ชี๊เทิง ลู่ง กมืง พี่ อ พู เบ้า ม โอ เย้า ล แฌ้ นอ อ เมะแซ พ้า, บี่ ซุ้ อ พู เมะ โอ นอ ม อาง เว๊ อ เท่อ

ท​เน​โพล​ทาง 8:7

ท่อง ท มุ้คู พู อ ต้องคู ล แฌ้ อูง ทาง ควี้ ฌ้อง, มื่ง แซ ดี๊ มี นอ แกย้ ฆึ อ ซ้ะ ดี๊ ท ซวีง แบ ท ไควะ ล้าง-อ้ะ ลู่ง ฌางคู คู, ฌางคู โคล๊ง คู เค้ ทาง, ซ๊า โป้ง นอ มี อาง ไฆวะ-อ้ะ ล โป้ง ดี๊ เซง ซ๊า โป้ง มี อาง ไฆวะ-อ้ะ ล โป้ง, นาง พี่ อ แล๊แค๊ นอ มี อาง ไฆวะ-อ้ะ เลา ปะ

ท​เน​โพล​ทาง 9:15

กแช่ แยว้ แด้ เว้ ท มุ้คู พู ลี่ง แฌ้ นอ ลู่ง ล โมง อี้ง ล นี้ง อี้ง ล แล้ อี้ง ดี๊ ล เนง อี้ง อ ฌ่าง, บี่ ซุ้ ม เกม๊า เว๊ อ แม้ ซี๊ง กโพล้ง, ซ๊า โป้ง นอ แม้ ซี๊ง เว๊ ล โป้ง

ท​เน​โพล​ทาง 9:18

กโพล้ง แบ ท แม้ ซี๊ง-อ้ะ, ซ๊า โป้ง ซี๊ง ไฆวะ ล โป้ง, ลู่ง ท แม้ อ้า แม้ ซ๊าง ซ๊า เม้ง อี้ง อ กย้อง, เมะ เว๊ มี ดี๊ ท คูง ดี๊ ท ซ อวี้ง น๊า ม๊าง พี่ อ โอ กซี อ นุ้ พ้า ซยุ้ ทาง นอ