ท​เน​โพล​ทาง 20:3 - Northern Pwo Karen Thai Bible

³ ท มุ้คู พู ล แฌ้ นอ ไควะ ล้าง เว๊ ท โยะคิ้ พ้า, ฌ้อง ควิ้ทะ เว๊ อ เกล้ ดี๊ กเจ่, ล เกม๊า อ ไจ อางโล๊ นี่ โพล้ง ล ชื้อๆ, ล้า แบ, ท่อง อ ชิ้ทาง อ เนง ล ม๊า, ฌ้อง นอ ม แบ ท กูแพล่ ทาง-อ้ะ ล ว๊าง

ท​เน​โพล​ทาง 20:3 ပူးပေါင်းရင်းမြစ်များ

ทอางปฆ้า 90:4

เมะเว๊ อ เนง ล ม๊า, ลู่ง กแช่แยว้ อ เมะแซ พ้า นอ เก บี่ซุ้ดี๊ มแฌ อู้ง, พี่ อ พ้องไฆวะ เย้า บี่ซุ้ดี๊ ล โมง ลู่ง มแน้แค๊ นอ ล้อ

ดานีเอง 6:17

ฌ้อง นอ โพล้ง แม้นี่ โล่ง ล โพลง, เฌ๊ กาไบ้ะ ทะ ไล๊ อ พ้า คูทุ้, กจุ้แฆว้ นอ แม้ไนล้าง อ เท่อ, ดี๊ อ กดูกแซย่ อเม้งอแซ อ ท แม้ไน, บี่ซุ้ โพล้ง ม ล โอ เฌ๊ เปลงไฆวะ ดานีเอง อ ท กึทาง ดี๊-อ้ะ นอ ล ซี น่างแฌ้ แบ

ม้ะทู 24:24

อ ไฌ่ บี่ อี้ง คริ้ กไบล้ะ กแบล ดี๊ โม กไบล้ะ กแบล ม โอ ทาง เว๊ แอ แฌ้, ม ปล้ะ ล้าง อ ซยื๊ง อ ซย้อง บี่ ซุ้ เก ท แม้ไน พ้ะดู, ดี๊ ม แม้ ท ล้ะ ท เล่ บี่ ซุ้, เมะ ซี นอ แบ อ ซ้ะ อางโล๊ นี่ โพล้ง พี่ กแช่ แยว้ อางลึ นี่ เว๊ เย้า ล แพ นอ ล้อ

ม้ะทู 27:66

อซื๊งเว๊ซีง ไท้ เกม๊า โพล้ง คุ้แคว่ ท แซวคู พ้า เมะ ฌี้, ดี๊ แม้ไน เท่อ ลู่ง โล่ง ล้อง นอ ล้อ

มาร้ะกู 4:15

โพล้ง แบ ล แฌ้ๆ, แม้ อ ซ้ะ แบ ด้อง ท คลี๊ง พี่ อ ล้าง แบ ลู่ง เกล้ นอ, ท่อง อ แน่ฌ๊า ท อ ลู่ง อ แท๊ ฌ้อง, ม้างโค้ไล่ เฌ๊ แม้ ไฆวะ อ เท่อ ล ทีง ฆ่าง

ลูกา 8:31

ท มื้งแฆ่ ล มู๊ง นอ อวีงซ้ะชู้ กแช่ เยซู ไจ้ะ เว๊, “โซ๊ง ล้าง เฆ้อ ลู่ง มแนโฮะ พ้า ล ฌี้”

2​โคเรง 11:3

จ ไค๊ไก้ะ เท่อ พี่ อ เก ทาง ดี๊ น่าง ฮาวา นอ ม เก ทาง ดี๊ น ซื๊ง ปะ, ฌู่ง นอ แซย๊, อางโล๊ นี่ น่าง ฮาวา เกม๊า อ แม้ ท เด้บ้ะ, บี่ นอ อ ซุ้ น ท ช๊องมอง ช๊องม้ะ ม แบ ทอางโล๊ นี่ ซี, ฌ้อง น ซื๊ง ล เก โพล้ง โต้ โพล้ง ล้อง เมาน่าง ดี๊ กแช่ เยซู คริ้ ล้า แบ

2​เปโต 3:8

ฌุ้พาง ลู่ง จ เอ-อ้ะ ซีง-เอ้อ, ซ้ะนาง ท ไคล้ อี้ง ล ฌี้, เมะ เว๊ กแช่ แยว้ แคว่ เว๊ ล นี้ง นอ บี่ ซุ้ ดี๊ อ เนง ล ม๊า, อ เนง ล ม๊า นอ บี่ ซุ้ ดี๊ ล นี้ง ล้อ

ท​เน​โพล​ทาง 12:9

ฌู่ง พ้ะดู พี่ อ เก ฌู่ง ลู่ง อ ไยะ อ เช้, พี่ อ เม้ง ม้างโค้ไล่ ลู่ง อ อางโล๊ นี่ โพล้ง ฌางคู โคล๊ง คู ด๊าง เบง แย๊, อ นอ แบ ท ไควะ ล้าง ไฆวะ-อ้ะ ดี๊ อ เพล่ อ บาง ลู่ง ฌางคู โคล๊ง คู

ท​เน​โพล​ทาง 13:14

ท พูแฆ่ อ้า ล ดื้ง อี้ง อางโล๊ นี่ โพล้ง กุ้ อ แฌ้ ลู่ง ฌางคู โคล๊ง คู, ดี๊ อ ท ล้ะ ท เล่ พี่ กแช่ แยว้ ญ่อง เกม๊า อ แม้ ลู่ง ท พูแฆ่ อ้า อ วี่งคู ล ดื้ง นอ อ เมะแซ พ้า, ท พูแฆ่ อ้า คี๊ง ดื้ง ล ดื้ง นอ อางแม้เลา โพล้ง ฌางคู โคล๊ง คู เกม๊า อ ไต้ทาง นี่ ท เค่ง ท ฌ้าง, บี่ ซุ้ ม เก ท แม้ ฆี๊ง แม้ แล้ ท พูแฆ่ อ้า อ วี่งคู, พี่ อ แบ ท กล้าง-อ้ะ ดี๊ น้ะ เบ้า ม ซี๊ง เย้า, แบเด้าะ ม๊า ได้ะ ล ดื้ง นอ

ท​เน​โพล​ทาง 17:2

กจุ้แฆว้ กุ้ อ แฌ้ ลู่ง ฌางคู โคล๊ง คู อี้ง, แม้ กแม มืง กแม แคว๊ ดี๊ เค๊เซ๊มืง อ้า ทึ ล แฌ้ นอ, โพล้ง ฌางคู โคล๊ง คู ม้า เว๊ อ ซไบ้ะ แซ ที๊ง, เมะ เว๊ ท แม้ กแม มืง กแม แคว๊ ดี๊ กมืง ล แฌ้ นอ”

ท​เน​โพล​ทาง 17:8

พี่ น แด แบ-อ้ะ นอ, ลู่ง อ ไยะ แค๊ อู้งนอ โอ ม๊า เว๊, แบเด้าะ ค๊องเนง อี้ง ล ม๊า ล้า แบ, เบ้า ม ไจ ทาง ท โยะคิ้ พ้า บี่ ซุ้ ม แบ ก้ะ ท แม้ เซงทื่งเฌ๊ฌ้อง-อ้ะ เย้า, โพล้ง กุ้ อ แฌ้ ลู่ง ฌางคู โคล๊ง คู พี่ อ เม้ง ล แบ ท กวิ้ไน-อ้ะ ไละ ท ม๊า พ้า, ลู่ง กแช่ แยว้ ล ไต้ ล้าง ฌางคู โคล๊ง คู ได้ะ แบ เย้า, โพล้ง ล แพ นอ ม ล้ะ เซิง ล้ะ ซ้ะ, ท่อง อ แด แบ ท พูแฆ่ อ้า นอ พี่ อ โอ ม๊า ลู่ง อ ไยะ แค๊, เมะ ค๊องเนง อี้ง ล โอ ม๊า ล้า แบ, แบเด้าะ ม โอ ทาง ได้ะ

ท​เน​โพล​ทาง 20:1

ท่อง อ ช๊าง จ แด แบ ท มุ้คู พู ล แฌ้ โอ ลู่ง มุ้คู เฌ๊ ล้าง, โชะ ดี๊ กเจ่ ควิ้ ท โยะคิ้ พ้า ดี๊ โชะ พลี้งท้ะ พ้ะดู ลู่ง อ จูง ล้อง