ท​เน​โพล​ทาง 19:20 - Northern Pwo Karen Thai Bible

²⁰ ท พูแฆ่ อ้า นอ แบ ท พองนี่-อ้ะ ล พ๊า ฆ่าง ดี๊ โม กไบล้ะ ล แฌ้ แย๊ พี่ อ แม้ ท ล้ะ ท เล่ ลู่ง ท พูแฆ่ อ้า นอ อ เมะแซ พ้า, (อ เว๊ เจ่ ท ล้ะ ท เล่ ล แพ นอ อางโล๊ นี่ โพล้ง กุ้ อ แฌ้, พี่ อ นี่ แบ ท พูแฆ่ อ้า อ ท แม้ไน, ดี๊ โบง ทาง แบ้ ทาง เว๊ อ เค่ง อ ฌ้าง นอ), ท พูแฆ่ อ้า ดี๊ โม กไบล้ะ นอ แบ ท ไควะ ล้าง ม๊า-อ้ะ ลู่ง มี พี่ อ เค้ ทาง ดี๊ ท ซ อวี้ง น๊า ม๊าง พ้า

ท​เน​โพล​ทาง 19:20 ပူးပေါင်းရင်းမြစ်များ

ทอคางไท้ะ 19:24

ฌ้อง นอ กแช่ยาเว ดึ้ เกม๊า มีอ้าแพลแช๊ ดี๊ มี, เฌ๊นี่ ดี๊ กแช่ยาเว, โอนี่ ลู่ง มุ้คู, ล้างเทะ แบ เว่ง โซโดง ดี๊ เว่ง โกโมรา นอ ล้อ

โยบา 18:15

น ม เปิ่งโอเปิ่งช๊อง ลู่ง อ เว๊ อ เด้ พ้า, เมะเว๊ ล เก อ เท่อ ล้าแบ มีอ้าแพแช๊ โอ ลี่งแล่ อ ซ้ะ ลู่ง อ ล่างโอ เช๊คู

ทอางปฆ้า 11:6

กแช่แยว้ ม ลู๊งล้าง ดุ้ โพล้งอ้าโพล้งซ๊าง, ดี๊ มีอีอ้า ดี๊ มีอ้าแพลแช๊ ลี้งเฌ๊ พี่ อ อาง เท่อ นอ, ม เก อเว๊ อ ทนี่แบ ล น้าง

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

อีซยา 34:9

ฌ้อง เอโดง อ ที๊งกล้อง พู ลแพ นอ, ม เกทางก้ะ มไตว เท้า ดี๊ อ ฌางคู ม เกทางก้ะ มีอ้าแพลแช๊ อี อ ที๊งล่างค่างพ้า ม เก ยาง อ เท้า พี่ มีอาง เว๊

เอเซเคียง 24:5

เกม๊า ลึนี่ แกะ ลู่ง อ ฌี้ ล ดื้ง ชวี๊งล้าง เซงมื่ง อ เช๊ละ นอ เกม๊า อางฆวี่ง ท่อง อ ละเพา อางฆวี่งโบง ทฆีง พี่ โอ พ้า พ้า นอ ปะ

เอเซเคียง 38:22

ก ม ต้ะเซ๊ง แม้เตาแม้แต๊-อ้ะ ดี๊ ทแช๊ แบฌะ, ดี๊ ท ซวีง ล้าง, ก ม เกม๊า ทเฌ๊ช้า พ้ะดู, มื่งแซ คู่ลอง, มี ดี๊ มีอ้าแพลแช๊ อี, แบ ท ลู๊งล้าง ดุ้-อ้ะ ดี๊ อ ซึ้พูมู๊ง, เลา ดี๊ โพล้ง อ ชื้อ แอฌี่งแอฌ้อง พี่ โอ ดี๊-อ้ะ นอ

ดานีเอง 11:45

ดี๊ อ เว๊ ม ย้างแย่ ทาง อ เด้ ลู่ง ปางเล ดี๊ ทลู่ง เช๊งเกล้ง อดูอโท๊ อ เบ้าช้า พ้า, ฌ้อง นอ ม ซี๊งไฆวะ เว๊ พี่ โพล้ง ล โอ แม้ช้า-อ้ะ น่างแฌ้ แบ

ดานีเอง 8:24

อ เว๊ อดู้งอยาง มดูมโท๊ ดู มะ ดี๊ อ เว๊ ม ดึ้ กึทาง ท เซงทื่งเฌ๊ฌ้อง ลู่ง อ ล้าง ซ้ะเมซ้ะไพล้ อ เว๊ เกทางเกโท๊ ลู่ง อ ทไพ้ะทแม้ พ้า อ เว๊ ม แม้เฌ๊ฌ้อง โพล้ง อไฌ่อแบ้ โอ แอ ดี๊ กเย่ โพล้ง เช๊งเกล้ง อ เฌงพูฆ๊างพู

ดานีเอง 8:26

ทแดเว้ แบฆ้ะ ดี๊ มแฌล้าง ดี๊ ลู่ง โฌ้โค๊ อ ไฌ่, พี่ อางโล๊ไท้ นอ เก ทเมะทโต้ เต้ๆ, แบเด้าะ ม อางกีซูง ทะ ทแดเว้ นอ, เมะเว๊ เก ท ตบลึ้ นี้ง ลู่ง เมะแย๊ โค๊ ได้ะ อไฌ่อกย้อง”

ม้ะทู 7:15

ปโล่ ล้าง น ซื๊ง ซ้ะ, ดี๊ โม กไบล้ะ กแบล พี่ อ เฌ๊ ฌู น ซื๊ง, น แคว่-อ้ะ ลู่ง ค๊อง นอ แม้ อ ซ้ะ ฌี้ๆ, แบ ด้อง แกะ, แบ เด้าะ ลู่ง อ ซ้ะ พ้า แย๊ โค๊ นอดู้ง แบ ด้อง ทวีง เม้ง

โล้​ล้างที๊ง​ทอางแม้เลา 29:23

เมะเว๊ ที๊งล่างค่างพ้า เลาพะ นอ, เก มีอ้าแพลแช๊, ดี๊ เก ที๊งแล, เป๊งนี่ แบ ท เช้า ดี๊ มี, โพล้ง ล โอ เซิง เท่อ วาง เท่อ น่างแฌ้ แบ, ดี๊ ท ล โอ เมทาง น่างเม้ง แบ, เก ทล่าง พี่ นาง ล เมทาง แบ, เก ท พี่ อ แบ ท เคลิ่งล้าง-อ้ะ ด้องซุ้ โซโดง ดี๊ โกโมรา อะมา ดี๊ เซโบยีง, พี่ กแช่ยาเว เคลิ่งล้าง เว๊ ดี๊ อ ท ซ้ะทาง, ดี๊ ท ซ้ะทาง พ้ะดู นอ ล้อ

โยชูวา 8:23

แบเด้าะ กจุ้แฆว้ เว่ง ไอ นอ แบ ทพองนี่ ม๊า-อ้ะ, ดี๊ โพล้ง เฌ๊ฌ้า-อ้ะ ลู่ง โยชูวา อ โอ

ท​เน​โพล​ทาง 14:10

โพล้ง ล แพ นอ แบ โอ้ กแช่ แยว้ อ ซไบ้ะ แซ ที๊ง, เมะ เว๊ กแช่ แยว้ อ ท ซ้ะทาง พี่ อ ลู๊ง ล้าง เว๊ ลู่ง โล๊ง ท ซ้ะทาง อ พ้า, ล แกย้ ฆึ เว๊ ดี๊ ท น่าง เม้ง แบ, โพล้ง กุ้ อ แฌ้ พี่ อ โอ้ เว๊ นอ ม แบ ท แม้ เทะทอง ปได้-อ้ะ ดี๊ มี ดี๊ ท ซ อวี้ง น๊า ม๊าง ลู่ง กแช่ แยว้ อ ท มุ้คู พู ดี๊ แกะ พู อ เมะแซ พ้า

ท​เน​โพล​ทาง 17:12

ท พูแฆ่ อ้า อ โน้ง ล ชี๊ง พี่ น แด แบ-อ้ะ นอ, เก กจุ้แฆว้ อ แฌ้ ล ชี๊ง พี่ ล ยู่แคว่ เท่อ ได้ะ แบ, แบเด้าะ กแช่ แยว้ ม ญ่อง เกม๊า โอ ดี๊ อ ดู้ง อ ยาง, เก กจุ้แฆว้ ฆึ ดี๊ ท พูแฆ่ อ้า นอ ล โมง

ท​เน​โพล​ทาง 19:19

ฌ้อง จ แด แบ ท พูแฆ่ อ้า ดี๊ กเย่ กจุ้แฆว้ ลู่ง ฌางคู โคล๊ง คู ดี๊ อ ซึ้พู ซีง เฌ๊ โอ ซยอง, ม ดึ้ โละ อ ซ้ะ ดี๊ โพล้ง พี่ อ เทา กซี ล แฌ้ นอ ดี๊ อ ซึ้พู ล มู๊ง นอ

ท​เน​โพล​ทาง 20:10

ฌ้อง ม้างโค้ไล่ พี่ อ อางโล๊ นี่ อซื๊งเว๊ นอ, แบ ท ไควะ ล้าง-อ้ะ ลู่ง มี พี่ อ เค้ ทาง ดี๊ ท ซ อวี้ง น๊า ม๊าง พ้า, ท พูแฆ่ อ้า ดี๊ โม กไบล้ะ นอ แบ ท ไควะ ล้าง-อ้ะ พี่ นอ เย้า, อซื๊งเว๊ แบ โท่ง ท น้ะ ท โน๊ง เลา มแน้ เลา มแช๊ ล้างชู้ ล้างแกย นอ ล้อ

ท​เน​โพล​ทาง 21:8

แบเด้าะ เมะ โพล้ง อ ซ้ะ ซยืง, โพล้ง ล ชู่ง ล นะ กแช่ เยซู แบ, โพล้ง ล้างลุ้ ล้างเช้, โพล้ง แม้ ซี๊ง โพล้ง, โพล้ง แม้ กแม มืง กแม แคว๊, โพล้ง เจ่ ท อูง ท โป้, โพล้ง แบ้ ทาง ท เค่ง ท ฌ้าง, ดี๊ โพล้ง กุ้ อ แฌ้ พี่ อ ไคล้ คีงอูง เท่อ, ท ล่าง ลู่ง อ ซื๊ง เว๊ อ ฌ่าง นอ, เมะ เว๊ มี พี่ อ เค้ ทาง ดี๊ ท ซ อวี้ง น๊า ม๊าง พ้า, อ นอ เมะ เว๊ ท ซี๊ง คี๊ง พ๊า ล พ๊า นอ ล้อ”

ท​เน​โพล​ทาง 22:15

แบเด้าะ โพล้ง พี่ อ แบ โอ ลู่ง เว่ง โคล๊ง นอ, เมะ เว๊ โพล้ง ล้างลุ้ ล้างเช้ โพล้ง เจ่ ท อูง ท โป้, โพล้ง แม้ กแม มืง กแม แคว๊, โพล้ง แม้ ซี๊ง โพล้ง, โพล้ง แบ้ ทาง ท เค่ง ท ฌ้าง, ดี๊ โพล้ง กุ้ อ แฌ้ พี่ เอ ท คีงอูง คีงตู๊ง ดี๊ ไคล้ เว๊ ครึๆ

ท​เน​โพล​ทาง 9:17

ลู่ง ท แด เว้ นอ จ แด กซี, โพล้ง พี่ อ เทา กซี คู ล แพ นอ โอ ดี๊ อ ท ด้างทะ ซ้ะแน๊, อ โฌ้, อ ฮี๊, อ บ้าง, กเย่ กซี ล แพ อ คู นอ แบ ด้อง คี๊ยื่ง อ คู, มี ดี๊ ท คูง ดี๊ ท ซ อวี้ง น๊า ม๊าง โอ ลู่ง กซี ล แพ นอ อ นุ้ พ้า ซยุ้ ทาง