ท​เน​โพล​ทาง 18:19 - Northern Pwo Karen Thai Bible

¹⁹ อซื๊งเว๊ ฆวีง ทาง ฌางคู มูง ลู่ง อ คู ล้อง ดี๊ ฌางล้าง ย้าล้าง ไจ้ะ เว๊, “ท น้ะ ท โน๊ง เก ทาง เย้า, ท น้ะ ท โน๊ง เก ทาง เย้า, เว่ง พ้ะดู อี้ง เก โพล้ง กุ้ แฌ้ อ ล่าง พี่ อ กบ้าง ที๊ง โอ ลี้ ลู่ง ปางเล พ้า, ดี๊ เก ทาง ก้ะ โพล้ง ท โอ ท ช๊อง ลู่ง เว่ง นอ อ กย้อง ล้อ, เว่ง นอ แบ ท แม้ เฌ๊ฌ้อง-อ้ะ เลา ปะ ล ทีง ล้อ”

ท​เน​โพล​ทาง 18:19 ပူးပေါင်းရင်းမြစ်များ

2​ซามูเอง 13:19

น่าง ทามา แม้นี่ พี๊แคล ฆวีงล้าง เว๊ อ คู ล้อง, ดี๊ ซย๊างยะ อ ไช๊แค่ พ้ะโท๊ โอ ดี๊ อ จูง พี่ อ ซุ้ เว๊ นอ, พองล้าง อ คู ฌาง พ้ะดู ไจ โย๊ ไคว่ๆ

เนฮะมี 9:1

ลู่ง มื่ง คี๊งชี๊ง ลี่ง นี้ง ล นี้ง พ้า แล้ ล เบง แย๊ อี้ง นอ, โพล้งเฌงพูฆ๊างพู อีซลาเอง โอซยอง โละซ้ะ ดืงอาง เท่อ, ดี๊ ซุ้ ตไก้ยะกเซ้าะ, ดี๊ แม้นี่ ฌางคู พ๊าทาง เว๊ อ คู ล้อง

โยบา 2:12

พี่ อ ซื๊งเว๊ซีงลแพ แด โยบา ไย้โยะ นอ ล นาง แบ เว๊ ล้าแบ, ดี๊ ฌางซย้ะทาง เท่อ, ล แฌ้ๆ, ซย๊างยะ ล้าง อ ไช๊แค่ พ้ะโท๊, ดี๊ พ๊าทาง ฌางคู มูง ลู่ง อ คูด้าง

อีซยา 13:19

ดี๊ บาบีโลง พี่ เก กเย่ บ้างมื่ง อ ทฌี้ทแอว้ เว่ง พี่ อฆี๊งอแล้ ดี๊ เก โพล้ง เคลเดีย อ ท ซ้ะมึ นอ ม เก ด้องซุ้ พี่ กแช่แยว้ แม้เฌ๊ฌ้อง เว่งโซโดง ดี๊ เว่งโกโมรา นอ ล้อ

ท​ฌางล้างย้าล้าง 2:10

พูมืง ลู่ง ซีโยง อ โพล้งเม้งโพล้งแซย่ ซีง ลแพ ชี๊น้าง โอ ลู่ง ฌางคู คู อ เว๊ แม้นี่ ฌางคู มูง พ๊า ทาง อ คู ล้อง ดี๊ ซุ้ ไช๊ช้าง ตไก้ยะ กเซ้าะ กเย่ มืงน้างเช๊งเกล้ง ลู่ง เยรูซเลง ลแพ นอ ซย๊องล้าง อ คู ท้อง ฌางคู

เอเซเคียง 27:30

ดี๊ กุ้ซย้ะ เท่อ ลู่ง น กย้อง ดี๊ ฌางซย้ะ ดี๊ ท ซ้ะ เฌ๊ฌ้อง น้ะ อ ซื๊งเว๊ ฆวีงทาง ฌางคูมูง ลู่ง อ คู ล้อง ดี๊ เลว๊ เคลิ่งเคล๊ อ ซ้ะ โอ พี๊แคล อ โป้ง คู

โยชูวา 7:6

โยชูวา ซย๊างยะ ล้าง อ ไช๊ อ ช้าง ซย๊องล้าง อ ซ้ะ, อ เมะ ท้องล้าง ฌางคู คู, ลู่ง กแช่ยาเว อ ไฮะ อ เมะแซ พ้า ท้อง มื่งแฌล้างโค๊, เลา ดี๊ อ เว๊ ดี๊ โพล้ง อีซลาเอง อเม้งอแซย่, พ๊า ทาง ฌางคู มูง ลู่ง อ คู ล้อง

ท​เน​โพล​ทาง 17:16

ท พูแฆ่ อ้า อ โน้ง อ บ้อง ล ชี๊ง พี่ น แด-อ้ะ นอ, ม แช๊เมะ ไฌ๊ซ้ะ ดี๊ กมืง เอโบ้งเอพะเท่อ ล แฌ้ นอ, ม แม้ ไฆวะ กมืง ล แฌ้ นอ อ ท กุ้ อ เม้ง เกม๊า อ โอ โบลง โอ โช้ง, ฌ้อง อซื๊งเว๊ ม อาง เว๊ อ แย ดี๊ ม เช้า ไฆวะ-อ้ะ ดี๊ มี

ท​เน​โพล​ทาง 18:10

อซื๊งเว๊ ชี๊เทิง ลู่ง อ ไย้ แคว่ เว๊, เป๊งนี่ ซ้ะเม เท่อ พี่ อ แด เว๊ เว่ง นอ แบ ท แม้ เทะทอง ปได้-อ้ะ, อซื๊งเว๊ ไจ้ะ เว๊, “ท น้ะ ท โน๊ง เก ทาง เย้า, ท น้ะ ท โน๊ง เก ทาง เย้า, เว่ง พ้ะดู บาบีโลง พี่ อ โอ ดี๊ อ ดู้ง อ ยาง-เอ้อ, น แบ ท แม้ เตา แม้ แต๊ เฌ๊ฌี่ง เฌ๊ฌ้อง ไฆวะ ล ทีง เฆาะ ล้อ”

ท​เน​โพล​ทาง 18:3

อ ไฌ่ บี่ อี้ง เว่ง ล เว่ง อี้ง เกม๊า โพล้ง กุ้ ชื้อ กุ้ ชะ โอ้ อ ซไบ้ะ แซ ที๊ง ลู่ง อ ชอง, เมะ เว๊ ท ซ้ะกวี้ง ล๊องก้อง ลู่ง ท แม้ กแม มืง กแม แคว๊, กเย่ กจุ้แฆว้ ลู่ง ฌางคู โคล๊ง คู นอ แม้ กแม มืง กแม แคว๊ เท่อ ดี๊-อ้ะ, ดี๊ โพล้ง กเย่ อ แม้แค้ เท่อ นอ อ ท โอ ทาง ช๊อง ทาง ดี๊ กลู ดี๊ จี้ แอ ฌี่ง แอ ฌ้อง, เฌ๊ เว๊ ลู่ง เว่ง นอ อ ท ซ้ะกวี้ง ล๊องก้อง อ กย้อง”

ท​เน​โพล​ทาง 18:8

ท บี่ นอ ท แม้ อ้า แม้ ซ๊าง ล เม้ง แบ ล เม้ง, ม เก ทาง อ ซ้ะ ดี๊ เว่ง นอ ล นี้ง ล้อ เมะ เว๊ ท เจ้า ท แช๊, ท แบ มอง แบ ม้ะ ดี๊ ท ซ้ะวี่ง ล้างดุ้ ฌ้อง มี ม อาง ไฆวะ เว่ง ล เว่ง นอ เลา ปะ อ ไฌ่ บี่ อี้ง กแช่ แยว้ พี่ อ เก โพล้ง แม้ เตา แม้ แต๊-อ้ะ ล แฌ้ นอ อ ดู้ง ดู ยาง ดู”

1ซามูเอง 4:12

โพล้ง แคว๊ เบงยามีง โอ ล แฌ้, โอนี่ ลู่ง ทดึ้ซึ้ ล่าง อ ช๊า ลี้ ซยู๊ ท้อง ลู่ง ชิ้โล ล นี้ง ฆ่าง นอ, อ ไช๊ยะช้างเทะ ดี๊ ฌางคู โอ อ คู ล้อง