ท​เน​โพล​ทาง 18:15 - Northern Pwo Karen Thai Bible

¹⁵ กเย่ โพล้ง แม้เละ แม้แค้ พี่ อ อางแช๊ แบ อ ฆ้า อ โฆ่ ลู่ง เว่ง พ้า, ดี๊ เก ทาง ก้ะ โพล้ง ท โอ ท ช๊อง เย้า นอ ม ชี๊เทิง ลู่ง อ ไย้, เป๊งนี่ ซ้ะเม เท่อ พี่ อ แด เว๊, เว่ง นอ แบ ท แม้ เทะทอง ปได้-อ้ะ, อซื๊งเว๊ ม ฌางล้าง ย้าล้าง

ท​เน​โพล​ทาง 18:15 ပူးပေါင်းရင်းမြစ်များ

เอเซเคียง 27:31

อ ซื๊งเว๊ โล้งไฆวะ อ คู ลู่ง น ฌ่าง ดี๊ แม้นี่ ตไก้ยะ เต่ กเซ้าะ เราทะ ย่างเด้ง อ เว๊ ฌางซย้ะ ลู่ง น กย้อง ดี๊ ซ้ะ พี่ เฌ๊ฌ้อง น้ะ ดี๊ ฌางล้างย้าล้าง ดี๊ ท ซ้ะ เฌ๊ฌ้อง น้ะ

เซคารียา 11:5

กเย่ โพล้ง พี่ ฆวี้ นี่-อ้ะ นอ, ไท้ แม้ซี๊งไฆวะ เว๊, ดี๊ อเตาอแต๊ ล แบ โอ แบ, ดี๊ เย่ โพล้ง พี่ อางแช๊-อ้ะ นอ, ไจ้ะเว๊, ‘อางปฆ้าทาง กแช่ยาเว, จ ทโอทช๊อง เย้า’, ดี๊ โพล้ง ลื่ง-อ้ะ นอ, ล ย๊างซ้ะ-อ้ะ แบ เฆาะ”

มาร้ะกู 11:17

ท่อง อ ช๊าง นอ ซอง ไท้ ซ๊าง ไท้ โพล้ง อ เท่อ ไจ้ะ เว๊ แด “ท กวิ้ ล้าง เว้ เว๊ ลู่ง ไละ ฌี้ ไละ แอว้ พ้า กแช่ แยว้ ไจ้ะ เว๊ แด บี่ อี้ง ‘จ เด้า ล โพลง โย้ นอ, โพล้ง ม เจ่ เว๊ เก ท ล่าง ชูแพ เท่อ กุ้ ชื้อ กุ้ ชะ ล้อ’, แบ เด้าะ น ซื๊ง แม้ เก ทาง ก้ะ ลู่ง โพล้ง ตมละ เท่อ อ ล่าง โอ คิ้ซูง นอ ล้อ”

ท​แม้ 16:19

ท่อง อ กแช่ ซีง ซีงแฌ๊ เว๊ เจ่ เว๊ ล ซี ล้า แบ, ล นี่ แบ จี้ ล้า แบ นอ อซื๊งเว๊ พองนี่ เปาโล ดี๊ ซีลา คระ, ทวี่ง เว๊ ลู่ง ทอดูอแซย่ อ โอ ลู่ง กะ พ้า ไวะ

ท​เน​โพล​ทาง 18:12

ท เละ ท แค้ ล แพ นอ เมะ เว๊ ท๊อง, จี้ ดี๊ โล่ง พี่ อ ฆวี้ แค้ ตบลึ้ เม้ง, ตไก้ยะ อ แอว้, อ ลึ้, อ โฌ้ จีลี แม้ ดี๊ ลูง ลู่ง อ ฌี้, เซง น๊าม๊า กุ้ อ เม้ง, เท่อ พี่ อ ไต้ เว๊ ดี๊ กช๊าง เม, ไต้ เว๊ ดี๊ เซง ลู่ง อ ฆวี้ แค้, ดี๊ ท่องบ้าง ดี๊ ท้ะ ดี๊ โล่ง พี่ อ โอ ดี๊ อ กีง

ท​เน​โพล​ทาง 18:13

ม้างฮ๊างไก้, ทน๊าม๊า, โม๊เย้าะ, กางยาง, ซไบ้ะ แซ ที๊ง, ตซู, ฌื๊งไน้ะ, บืงซาลี, งู้, แกะ, กซี, เลาะ, ท อ ฆ่อง ดี๊ โพล้ง พี่ อ แบ ท พองนี่-อ้ะ

ท​เน​โพล​ทาง 18:14

โพล้ง แม้แค้ เท่อ ซีง ล แพ นอ ม ไคล้ ดี๊ เว่ง นอ ไจ้ะ เว๊, “เท่อ พี่ น ซ้ะ ล๊องก้อง เว๊ นอ ล้างแม่ ไฆวะ แด แน้ เย้า, น ท ฆ้า ท โฆ่ พี่ อ ฌี้ๆ, กุ้ อ เม้ง ล้างแม่ ไฆวะ เลา ปะ, น ล แด แบ ไท้ ท ล แพ อี้ง น่าง ชุ้ ล้า แบ”

ท​เน​โพล​ทาง 18:19

อซื๊งเว๊ ฆวีง ทาง ฌางคู มูง ลู่ง อ คู ล้อง ดี๊ ฌางล้าง ย้าล้าง ไจ้ะ เว๊, “ท น้ะ ท โน๊ง เก ทาง เย้า, ท น้ะ ท โน๊ง เก ทาง เย้า, เว่ง พ้ะดู อี้ง เก โพล้ง กุ้ แฌ้ อ ล่าง พี่ อ กบ้าง ที๊ง โอ ลี้ ลู่ง ปางเล พ้า, ดี๊ เก ทาง ก้ะ โพล้ง ท โอ ท ช๊อง ลู่ง เว่ง นอ อ กย้อง ล้อ, เว่ง นอ แบ ท แม้ เฌ๊ฌ้อง-อ้ะ เลา ปะ ล ทีง ล้อ”

ท​เน​โพล​ทาง 18:3

อ ไฌ่ บี่ อี้ง เว่ง ล เว่ง อี้ง เกม๊า โพล้ง กุ้ ชื้อ กุ้ ชะ โอ้ อ ซไบ้ะ แซ ที๊ง ลู่ง อ ชอง, เมะ เว๊ ท ซ้ะกวี้ง ล๊องก้อง ลู่ง ท แม้ กแม มืง กแม แคว๊, กเย่ กจุ้แฆว้ ลู่ง ฌางคู โคล๊ง คู นอ แม้ กแม มืง กแม แคว๊ เท่อ ดี๊-อ้ะ, ดี๊ โพล้ง กเย่ อ แม้แค้ เท่อ นอ อ ท โอ ทาง ช๊อง ทาง ดี๊ กลู ดี๊ จี้ แอ ฌี่ง แอ ฌ้อง, เฌ๊ เว๊ ลู่ง เว่ง นอ อ ท ซ้ะกวี้ง ล๊องก้อง อ กย้อง”