ท​เน​โพล​ทาง 17:12 - Northern Pwo Karen Thai Bible

¹² ท พูแฆ่ อ้า อ โน้ง ล ชี๊ง พี่ น แด แบ-อ้ะ นอ, เก กจุ้แฆว้ อ แฌ้ ล ชี๊ง พี่ ล ยู่แคว่ เท่อ ได้ะ แบ, แบเด้าะ กแช่ แยว้ ม ญ่อง เกม๊า โอ ดี๊ อ ดู้ง อ ยาง, เก กจุ้แฆว้ ฆึ ดี๊ ท พูแฆ่ อ้า นอ ล โมง

ท​เน​โพล​ทาง 17:12 ပူးပေါင်းရင်းမြစ်များ

ดานีเอง 7:20

ดี๊ แบซ้ะ ซีงแฌ๊ แบฆ้ะ ดี๊ ทโน้ง อ บ้อง ล ชี๊ง, พี่ โอ อ คู ล้อง, ดี๊ ทโน้ง ล บ้อง เด้าะ, พี่ ซยุ้ทาง ลู่ง ทโน้ง ซ๊า บ้อง อ ต้องคู ล ว๊าง อ เมะแซ พ้า, พี่ อ ล้างพลืงไฆวะ นอ, ทโน้ง พี่ โอ ดี๊ เมะคลี๊ง, ดี๊ โอ ดี๊ นุ้ พี่ ไคล้ คีงอูงคีงตู๊ง เท่อ, ดี๊ พี่ แคว่-อ้ะ บี่ซุ้ดี๊ ม ดูเละโท๊เละ อ ฌุ้พาง นอ

ดานีเอง 7:24

เมะ ทโน้ง อ บ้อง ล ชี๊ง อ ไฌ่ นอ ลู่ง บ้างมื่ง อี้ง นอ, ม โอ ดี๊ กจุ้แฆว้ กึทาง อ แฌ้ ล ชี๊ง ดี๊ กจุ้แฆว้ โอ ล แฌ้ ได้ะ กึทาง ลู่ง ไค๊ ล้างช๊าง ดี๊ กจุ้แฆว้ พี่ อ เฌ๊ โอ วี่ง, ดี๊ ม แม้น้า กจุ้แฆว้ ซ๊า แฌ้

ท​เน​โพล​ทาง 10:11

ท่อง อ ช๊าง ท โล้ เอะ แย้ บี่ อี้ง ไจ้ะ เว๊, “น แบ โล้ เว้ เท่อ แบฆ้ะ ดี๊ โพล้ง ล ชื้อๆ, ล ค่างๆ, ดี๊ กจุ้แฆว้ ซีง ล พ๊า เด้าะ”

ท​เน​โพล​ทาง 12:3

ท แม้ไน โอ ล เม้ง เด้าะ โพล ทาง ลู่ง มุ้คู, เมะ เว๊ ฌู่ง พ้ะดู โฌ้ จีลี ล บ้อง, อ คู โอ เนว๊ โพลง, อ โน้ง โอ ล ชี๊ง, อ คู เนว๊ โพลง นอ คลึ ดี๊ คลื้งโมะ เนว๊ เบง แบ ด้อง กจุ้แฆว้ เว๊

ท​เน​โพล​ทาง 13:1

จ แด แบ ท พูแฆ่ อ้า ล ดื้ง โอ ลู่ง ปางเล พ้า เฌ๊ ทาง, อ คู โอ เนว๊ โพลง, อ โน้ง โอ ล ชี๊ง, ลู่ง อ โน้ง ล ชี๊ง อ ล้อง นอ โอ ดี๊ คลื้งโมะ อ เบง ล ชี๊ง แบ ด้อง กจุ้แฆว้เว๊, ลู่ง อ คู เนว๊ โพลง อ ล้อง นอ, โอ ดี๊ ท อ เม้ง พี่ อ เก ท ไคล้ ดึ้เดว ทื่งแช้ กแช่ แยว้

ท​เน​โพล​ทาง 17:16

ท พูแฆ่ อ้า อ โน้ง อ บ้อง ล ชี๊ง พี่ น แด-อ้ะ นอ, ม แช๊เมะ ไฌ๊ซ้ะ ดี๊ กมืง เอโบ้งเอพะเท่อ ล แฌ้ นอ, ม แม้ ไฆวะ กมืง ล แฌ้ นอ อ ท กุ้ อ เม้ง เกม๊า อ โอ โบลง โอ โช้ง, ฌ้อง อซื๊งเว๊ ม อาง เว๊ อ แย ดี๊ ม เช้า ไฆวะ-อ้ะ ดี๊ มี

ท​เน​โพล​ทาง 18:10

อซื๊งเว๊ ชี๊เทิง ลู่ง อ ไย้ แคว่ เว๊, เป๊งนี่ ซ้ะเม เท่อ พี่ อ แด เว๊ เว่ง นอ แบ ท แม้ เทะทอง ปได้-อ้ะ, อซื๊งเว๊ ไจ้ะ เว๊, “ท น้ะ ท โน๊ง เก ทาง เย้า, ท น้ะ ท โน๊ง เก ทาง เย้า, เว่ง พ้ะดู บาบีโลง พี่ อ โอ ดี๊ อ ดู้ง อ ยาง-เอ้อ, น แบ ท แม้ เตา แม้ แต๊ เฌ๊ฌี่ง เฌ๊ฌ้อง ไฆวะ ล ทีง เฆาะ ล้อ”

ท​เน​โพล​ทาง 18:17

ล ทีง ล้อ อ ท ฆ้า ท โฆ่ ล แพ นอ เฌ๊ฌ้อง ไฆวะ เลา ปะ” โพล้ง คะ กบ้าง ที๊ง กุ้ อ แฌ้, ดี๊ โพล้ง โอ กบ้าง ที๊ง คู กุ้ อ แฌ้, ดี๊ กบ้าง ที๊ง อ เพล่ กุ้ อ แฌ้, ดี๊ กเย่ โพล้ง พี่ อ โกง อาง ไต้ อาง เท่อ ลู่ง ปางเล พ้า นอ อซื๊งเว๊ซีง ชี๊เทิง ลู่ง อ ไย้

ท​เน​โพล​ทาง 18:19

อซื๊งเว๊ ฆวีง ทาง ฌางคู มูง ลู่ง อ คู ล้อง ดี๊ ฌางล้าง ย้าล้าง ไจ้ะ เว๊, “ท น้ะ ท โน๊ง เก ทาง เย้า, ท น้ะ ท โน๊ง เก ทาง เย้า, เว่ง พ้ะดู อี้ง เก โพล้ง กุ้ แฌ้ อ ล่าง พี่ อ กบ้าง ที๊ง โอ ลี้ ลู่ง ปางเล พ้า, ดี๊ เก ทาง ก้ะ โพล้ง ท โอ ท ช๊อง ลู่ง เว่ง นอ อ กย้อง ล้อ, เว่ง นอ แบ ท แม้ เฌ๊ฌ้อง-อ้ะ เลา ปะ ล ทีง ล้อ”