ท​เน​โพล​ทาง 17:11 - Northern Pwo Karen Thai Bible

¹¹ ท พูแฆ่ อ้า พี่ อ ม๊า ลู่ง อ ไยะ แค๊, แบเด้าะ ค๊องเนง อี้ง ล ม๊า ล้า แบ ล ดื้ง นอ, อ นอ เก กจุ้แฆว้ โฆะ แฌ้ ล แฌ้, อ เว๊ นอ เก ล แฌ้ ลู่ง ท เนว๊ แฌ้ นอ อ แกล้, อ เว๊ ม แบ ท แม้ เซงทื่งเฌ๊ฌ้อง-อ้ะ

ท​เน​โพล​ทาง 17:11 ပူးပေါင်းရင်းမြစ်များ

ท​เน​โพล​ทาง 13:10

โพล้ง พี่ อ แบ ทอางกี ล้าง-อ้ะ ลู่ง ท ม พองนี่-อ้ะ นอ โพล้ง ล แฌ้ นอ ม แบ ท พองนี่-อ้ะ เต้ๆ, ล้อ, โพล้ง พี่ อ แบ ทอางกี ล้าง-อ้ะ ลู่ง ม แบ ท แม้ ซี๊ง-อ้ะ ดี๊ น้ะ นอ ม แบ ท แม้ ซี๊ง-อ้ะ ดี๊ น้ะ เต้ๆ, อ กย้อง บี่ นอ กแช่ แยว้ อ พู อ ลี้ง นอ แบ โอ โก้ง เท่อ เก ดี๊ แบ โอ ดี๊ ท ชู่ง ท นะ ล้อ

ท​เน​โพล​ทาง 13:12

ท พูแฆ่ อ้า ล ดื้ง อี้ง นอ เจ่ ท พูแฆ่ อ้า อ วี่งคู ล ดื้ง นอ อ ดู้ง อ ยาง ลู่ง อ เมะแซ พ้า กุ้ อ เม้ง, ดี๊ ดึ้ เกม๊า ฌางคู โคล๊ง คู ดี๊ โพล้ง พี่ อ โอ ฌางคู โคล๊ง คู ล แพ นอ, โบง ทาง แบ้ ทาง ท พูแฆ่ อ้า อ วี่งคู พี่ อ พ้าล่าง โอ เบ้า ม ซี๊ง เย้า, แบเด้าะ แบล เย้า ล ดื้ง นอ

ท​เน​โพล​ทาง 13:3

อ คู โอ ล โพลง, แคว่-อ้ะ แบ ด้อง ท กล้าง-อ้ะ เบ้า ม ซี๊ง เย้า, แบเด้าะ อ พ้าล่าง นอ แบล เย้า, โพล้ง ฌางคู โคล๊ง คู ด๊าง เบง แย๊ นอ ล้ะ เซิง ล้ะ ซ้ะ, ฌ้อง โพะ ท พูแฆ่ อ้า ล ดื้ง นอ อ ไค๊ นอ ล้อ

ท​เน​โพล​ทาง 17:8

พี่ น แด แบ-อ้ะ นอ, ลู่ง อ ไยะ แค๊ อู้งนอ โอ ม๊า เว๊, แบเด้าะ ค๊องเนง อี้ง ล ม๊า ล้า แบ, เบ้า ม ไจ ทาง ท โยะคิ้ พ้า บี่ ซุ้ ม แบ ก้ะ ท แม้ เซงทื่งเฌ๊ฌ้อง-อ้ะ เย้า, โพล้ง กุ้ อ แฌ้ ลู่ง ฌางคู โคล๊ง คู พี่ อ เม้ง ล แบ ท กวิ้ไน-อ้ะ ไละ ท ม๊า พ้า, ลู่ง กแช่ แยว้ ล ไต้ ล้าง ฌางคู โคล๊ง คู ได้ะ แบ เย้า, โพล้ง ล แพ นอ ม ล้ะ เซิง ล้ะ ซ้ะ, ท่อง อ แด แบ ท พูแฆ่ อ้า นอ พี่ อ โอ ม๊า ลู่ง อ ไยะ แค๊, เมะ ค๊องเนง อี้ง ล โอ ม๊า ล้า แบ, แบเด้าะ ม โอ ทาง ได้ะ