ท​เน​โพล​ทาง 14:20 - Northern Pwo Karen Thai Bible

²⁰ ซไบ้ะ แซ นอ แบ ท ไย่ นี่-อ้ะ ลู่ง เว่ง โคล๊ง, ฌ้อง ท ซวีง ลู่ง ท ไย่ นี่ อ ล่าง นอ แยว้ ล้าง ไย้ โยะ เมาะ อ กีโล ซ๊า แย้, เมะ อ โยะ ล โค๊ นอ เมาะ ลี่ง แพล่

ท​เน​โพล​ทาง 14:20 ပူးပေါင်းရင်းမြစ်များ

ทอคางไท้ะ 49:11

จ้าทะ เว๊ อ แลว้ แพ๊ ลู่ง ซไบ้ะ มื่ง จ้าทะ แลว้ พู ลู่ง ซไบ้ะ มื่ง อ แซ โฌ้ อ เว๊ อางชืง อไช๊อช้าง ดี๊ ไซ้ะ ซไบ้ะ แซ ที๊ง อางชืง อ ไช๊แค่ พ้ะโท๊ ดี๊ ซไบ้ะ แซ ที๊ง โฌ้ซวีง

อีซยา 66:24

“ดี๊ อ ซื๊งเว๊ ม ไจทาง แคว่ดุ้ โพล้ง พี่ อ กไบล้ะกแบล ดี๊ เฆ้อ ลแพ นอ อ จู, อไฌ่บี่อี้ง, โลง พี่ อ อาง โพล้ง ลแพ อี้ง นอ, ม ล ซี๊งไฆวะ แบ, มี พี่ เช้า อ ซื๊งเว๊ นอ, ม ล ล้างไพะ แบ ดี๊ อ ซื๊งเว๊ ลแพ นอ, ม เก ท ล้าง ซ้ะลูซ้ะไล้ะ แบ กโพล้ง เลาพะ ล้อ”

ท​ฌางล้างย้าล้าง 1:15

ทอดูทึโท๊ทึกแช่ นี่ ซม๊า โพล้งดึ้ซึ้เท่อพู เลาพะ ลู่ง จซุ้จแกล้ กแช่แยว้ โล้ล้าง มื่งนี้ง อช๊าอโท่, พี่ ม เฌ๊ ดึ้ซึ้ แย้ บี่ซุ้ ไน้ะเน้า จ โพล้ง น่างบางซ้ะบาง, เกม๊า เว๊ อ ล้างบลิ้ไฆวะ ทอดูทึโท๊ทึกแช่ ไย่ จ โพล้ง เฌงพูฆ๊างพู ด้องซุ้ ไย่ ซไบ้ะ แซ ลู่ง ทล่าง ไย่ ซไบ้ะ แซ อ โบ้ พ้า

เอเซเคียง 32:6

ก ม ดึ้ เกม๊า ที๊งล่างค่าง พ้า ท้อง ลู่ง ทลู่ง นอ แบโจ ดี๊ น ซวีง พี่ อ แยว้ล้าง ดี๊ ที๊งกล้อง ล บ้อง แบ ล บ้อง นอ, ม แบ ท จึ้ไบ้ะ เกม๊า อ ฆวี้ ดี๊ นเค่งนฌ้าง

โยเอง 3:13

เกม๊า แม้นี่ ท้ะเฌะ เก้า แดเทา เมะเว๊ ท้อง ท เก้า อาง อว๊างอแค๊ เย้า เกม๊า ลี้ฆ้าง ไย่ เซ้อ เมะเว๊ ทล่าง ไย่ ซไบ้ะแซ นอ ฆวี้ เย้า ทล่าง อางกี ซไบ้ะแซ ที๊ง ล้างพะ เย้า อไฌ่บี่อี้ง, อ ซื๊งเว๊ อ ทอ้าทซ๊าง โอ แอฌี่งแอฌ้อง ล้อ

โล้​ล้างที๊ง​ทอางแม้เลา 32:14

เกม๊า เว๊ นี่แบ งู้ นู่งที๊ง, ดี๊ แกะ แมะ อ นู่ง ที๊ง นี่แบ แกะ พู อซูอไย้ ดี๊ แกะ แพ๊ อ ชื้อ บาชาง, ดี๊ แมะ ดี๊ บืง ซาลี ลู่ง อ ฌี้ ทึ ดี๊ นี่แบ ซไบ้ะแซ อ ซวีง, น นี่ โอ้ แบ ไซ้ะ ซไบ้ะแซที๊ง

ท​เน​โพล​ทาง 11:8

อซื๊งเว๊ อ จู นอ ม โอ ลู่ง เกล้ เว่ง พ้ะดู พ้า ล จอง นอ, เมะ เว๊ เว่ง พี่ อ กแช่ เยซู แบ ท แพล้ ทาง-อ้ะ, เว่ง ล จอง นอ อ เม้ง แบ ทอางด้องล้าง ดี๊ เฌง โซโดง ดี๊ ค่าง อีไย้ะ