ท​เน​โพล​ทาง 14:10 - Northern Pwo Karen Thai Bible

¹⁰ โพล้ง ล แพ นอ แบ โอ้ กแช่ แยว้ อ ซไบ้ะ แซ ที๊ง, เมะ เว๊ กแช่ แยว้ อ ท ซ้ะทาง พี่ อ ลู๊ง ล้าง เว๊ ลู่ง โล๊ง ท ซ้ะทาง อ พ้า, ล แกย้ ฆึ เว๊ ดี๊ ท น่าง เม้ง แบ, โพล้ง กุ้ อ แฌ้ พี่ อ โอ้ เว๊ นอ ม แบ ท แม้ เทะทอง ปได้-อ้ะ ดี๊ มี ดี๊ ท ซ อวี้ง น๊า ม๊าง ลู่ง กแช่ แยว้ อ ท มุ้คู พู ดี๊ แกะ พู อ เมะแซ พ้า

ท​เน​โพล​ทาง 14:10 ပူးပေါင်းရင်းမြစ်များ

ทอคางไท้ะ 19:24

ฌ้อง นอ กแช่ยาเว ดึ้ เกม๊า มีอ้าแพลแช๊ ดี๊ มี, เฌ๊นี่ ดี๊ กแช่ยาเว, โอนี่ ลู่ง มุ้คู, ล้างเทะ แบ เว่ง โซโดง ดี๊ เว่ง โกโมรา นอ ล้อ

โยบา 18:15

น ม เปิ่งโอเปิ่งช๊อง ลู่ง อ เว๊ อ เด้ พ้า, เมะเว๊ ล เก อ เท่อ ล้าแบ มีอ้าแพแช๊ โอ ลี่งแล่ อ ซ้ะ ลู่ง อ ล่างโอ เช๊คู

โยบา 21:20

เกม๊า อ ซื๊ง เมะ อ คลี๊ง แด ล้างไท้ อ ทเซงทื่งเฌ๊ฌ้อง ดี๊ เกม๊า อ โอ้ กแช่แยว้ พี่ โอ ดี๊ อดู้งยางซยื๊งซย้องแอทึ นอ อ ทซ้ะทาง

ทอางปฆ้า 11:6

กแช่แยว้ ม ลู๊งล้าง ดุ้ โพล้งอ้าโพล้งซ๊าง, ดี๊ มีอีอ้า ดี๊ มีอ้าแพลแช๊ ลี้งเฌ๊ พี่ อ อาง เท่อ นอ, ม เก อเว๊ อ ทนี่แบ ล น้าง

ทอางปฆ้า 37:34

ม๊า โอคุ้แท๊ กแช่ยาเว, ดี๊ แฌแซกต้าง อเกล้อพ้า ฌ้อง กแช่แยว้ ม โชะทาง แน้, เกม๊า นี่แบ ที๊งล่างค่างพ้า เกคองเกแซย้ น ม แด โพล้งอ้าโพล้งซ๊าง, แบ ทแม้เฌ๊ฌ้อง

ทอางปฆ้า 52:6

โพล้ง ทแบกแช่แยว้อซ้ะ ม แด เว๊, ดี๊ ยางแบซ้ะเม เท่อ ดี๊ ม นี่งแบพะแล้ โพล้งอ้าโพล้งซ๊าง ไจ้ะเว๊ บี่อี้ง

ทอางปฆ้า 60:3

กแช่แยว้ เกม๊า อพูอลี้ง ต้องนอง ทน้ะทโน๊ง กแช่แยว้ ดึ้เกม๊า เฆ้อ ซีงลแพ, โอ้ ไซ้ะ ซไบ้ะแซ ที๊ง ลู่ง ว้างไร้ะว้างพาง

ทอางปฆ้า 73:10

อกย้อง บี่นอ, กแช่แยว้ อ โพล้งเฌงพูฆ๊างพู, เฌ๊ไท้ไท้ พี่อี้ง ดี๊ อ ซื๊งเว๊ โอ้ที๊ง ลู่ง ทกู้งทล๊า

ทอางปฆ้า 75:8

เมะเว๊ ลู่ง กแช่ยาเว อ จูง พ้า นอ, โอ ดี๊ โล๊งเจาะ ล เบง โอ ดี๊ ไซ้ะซไบ้ะแซ ที๊ง เก อ ซเบว้, แกย้ฆึ อ ซ้ะ ฌี้มะ กแช่แยว้ ลู๊งล้างนี่ เท่อ ลู่ง โล๊งเจาะ พ้า นอ ดี๊ ฌางคูโคล๊งคู อ โพล้งอ้าโพล้งซ๊าง เลาพะ นอ ม โอ้ เว๊ เลา ฆึ ดี๊ อ ไค๊ดืงไค๊ด้ะ เต้ๆ, ล้อ

ทอางปฆ้า 91:8

น ม แด-อ้ะ, ดี๊ น กแช่ อ เมะ เฆาะ ล้อ ดี๊ แด ทแม้ช๊าไท้, โพล้งอ้าโพล้งซ๊าง

อีซยา 29:9

เกม๊า โอ ท ล้างตุ้ท๊า พ้า ดี๊ เซิงไพ่ซ้ะว้ะ เกม๊า แม้ไค้ะแม้โบล ล้าง น กแช่, ดี๊ เก โพล้ง เมะโบล อ ซื๊งเว๊ ซีง ลแพ ม้า เท่อ, แบเด้าะ ล เมะ ดี๊ ไซ้ะ ซไบ้ะแซ ที๊ง แบ อ เว๊ ไร้ะมื่งไร้ะไฆวะ, แบเด้าะ ล เมะ ดี๊ ไซ้ะที๊งมี่จ้าง แบ

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

อีซยา 34:9

ฌ้อง เอโดง อ ที๊งกล้อง พู ลแพ นอ, ม เกทางก้ะ มไตว เท้า ดี๊ อ ฌางคู ม เกทางก้ะ มีอ้าแพลแช๊ อี อ ที๊งล่างค่างพ้า ม เก ยาง อ เท้า พี่ มีอาง เว๊

อีซยา 51:17

เกม๊า แม้ชองทาง น กแช่ อ ซ้ะ, เกม๊า แม้ชองทาง น กแช่ อ ซ้ะ เกม๊า ชี๊เทิงทาง แดเทา, เยรูซเลง-เอ้อ แน้ โพล้ง พี่ นี่ โอ้ แบ เท่อ ดี๊ กแช่ยาเว อ จูง เมะเว๊ โล๊ง ลู่ง กแช่แยว้ อ ท ซ้ะทาง พ้ะดู น นี่ โอ้ แบ เท่อ ลู่ง โล๊ง ท เด้งเค๊งแดฆ้าง ท้องล้าง ลู่ง ท อ ไค๊ ล้างด้ะ

เยเรมี 25:27

“ฌ้อง นอ, เกม๊า น ไคล้ ดี๊ อ ซื๊งเว๊ ลแพ นอ บี่อี้ง, ‘กแช่ยาเว ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, เกม๊า โอ้ ท่อง อ ม้า, ฌ้อง นอ ปยุ้ทาง, เกม๊า ล้างเทะเค้า, ดี๊ เฌ้เทิงทาง ล้า ล ฌี้ เฆาะ, เป๊งนี่ ลู่ง น้ะ พี่ ก ม โซ๊งทาง-อ้ะ เฌ๊ ลู่ง น ซื๊ง แกล้ นอ อกย้อง’

เยเรมี 49:12

เมะเว๊ กแช่ยาเว ไจ้ะเว๊ บี่อี้ง, “โพล้ง พี่ ล เกิ้ง โอ้ นี่ เท่อ ลู่ง โท๊กีง พ้า ได้ะ แบ, เมะ แบ โอ้ เว๊ ได้ะ นอ, น ม พ้องไฆวะ ดี๊ ทเตาทแต๊ ซี ชี่-อ้า?, น ม พ้องไฆวะ ดี๊ ทเตาทแต๊ ล ซี แบ, น ม แบ โอ้ ปะ ล้อ

เยเรมี 51:57

ก ม ดึ้ เกม๊า อคูอแน่, ดี๊ อ โพล้ง ซีงแฌ๊แน่ฌ๊าเท่อ ม้า เท่อ อ โพล้งโพะคองเว่ง, อ โพล้งแคว่ทะเท่อ, ดี๊ อ โพล้งดึ้ซึ้เท่อพู นอ อ ซื๊งเว๊ ม มี๊ง ล้างชู้ล้างแกย, ล นางทาง อ ซ้ะ ล้า แบ เฆาะ กจุ้แฆว้ ดูทึโท๊ทึ, พี่ อ เม้ง กแช่ยาเว ซึ้คู ดูทึชองทึ โล้ เว๊ บี่อี้ง

ท​ฌางล้างย้าล้าง 4:21

โอ้, พูมืง ลู่ง เอโดง-เอ้อ, เกม๊า เซิงฆวี๊งซ้ะโย้, ดี๊ ซ้ะอวีงซ้ะโทะ เท่อ แดเทา เมะเว๊ แน้ พี่ เปิ่งโอเปิ่งช๊อง ค่าง อุ้ พ้า โท๊กีง นอ, ม เฌ๊ แพ๊ ท้อง แน้ ปะ น ม ม้า เท่อ, ม โบลงโกงไล้ไท้ ล้อ

เอเซเคียง 20:48

ฌ้อง กโพล้ง กุ้ แฌ้ ม แด เว๊, เฆ้อ ยาเว เก โพล้ง เช้าทาง มี นอ, ดี๊ มี นอ ม แม้ ล้างไพะ ล ซี แบ

เอเซเคียง 38:22

ก ม ต้ะเซ๊ง แม้เตาแม้แต๊-อ้ะ ดี๊ ทแช๊ แบฌะ, ดี๊ ท ซวีง ล้าง, ก ม เกม๊า ทเฌ๊ช้า พ้ะดู, มื่งแซ คู่ลอง, มี ดี๊ มีอ้าแพลแช๊ อี, แบ ท ลู๊งล้าง ดุ้-อ้ะ ดี๊ อ ซึ้พูมู๊ง, เลา ดี๊ โพล้ง อ ชื้อ แอฌี่งแอฌ้อง พี่ โอ ดี๊-อ้ะ นอ

ฮาบากุ้ 2:16

น ม โอ ฆวี้ ดี๊ ท ฌางแช้ฌางเด, ล เมะ ดี๊ ทฆี๊งทแล้ แบ เกม๊า น โอ้ แด กแช่ เว๊ เซ้อ, ฌ้อง นอ โอ โบลงโกง โท๊กีง พี่ โอ กแช่ยาเว อ จูง ฆุ้ พ้า นอ ม เฌ๊ ว้าง ท้อง แน้ ฌ้อง ท ฌางแช้ฌางเด ม คลึไบ้ะ นฆี๊งนแล้

ม้ะทู 20:22

กแช่ เยซู ไคล้ ดี๊ โพล้ง ด๊างพื่งวี่ คี๊ง แฌ้ นอ ไจ้ะ เว๊, “พี่ น ซื๊ง อางท่าง เท่อ บี่ อี้ง นอ, น ล ซีงแฌ๊-อ้ะ แบ, ที๊ง พี่ อ โอ โล๊ง พ้า ลู่ง จ ม โอ้-อ้ะ ล เบง นอ, เมะ น ซื๊ง ม โอ้ เก ชี่-อ้า” อซื๊งเว๊ซีง คี๊ง แฌ้ นอ ไจ้ะ เว๊ แด, “เก เว๊ เซ้อ”

ม้ะทู 25:41

ฌ้อง อ เว๊ ม ไจ้ะ เอะ โพล้ง ลู่ง อ โอ อ จูง จี ล โค๊ นอ ไจ้ะ เว๊, ‘ไจ ทาง ไฆวะ, กแช่ แยว้ ชู อ้า น ซื๊ง เย้า, ลี้ ลู่ง มี อ้า พ้า พี่ อ ล้างไพะ ล ซี แบ, พี่ แด้ เว้ เอะ ม้างโค้ไล่ ดี๊ อ เพล่ อ บาง ซีง อ ล่าง

ม้ะทู 26:39

กแช่ เยซู ลี้ ลู่ง แย๊ ล ปี๊ เด้าะ, คะด้ะ ล้าง อ ซ้ะ ท้อง ล้าง ลู่ง ฌางคู คู, ชูแพ เท่อ ไจ้ะ เว๊, “จ แพ่-เอ้อ, เมะ ลู่ง อ ซี นอ เกม๊า จ พ้อง ไฆวะ ดี๊ โล๊งล เบง อี้ง พี่ อ โอ ดี๊ ท น้ะ ท โน๊ง, แบ เด้าะ แคว่ จ ซ้ะ ล ฌี้, แคว่ ท๊อง น กแช่ อ ซ้ะ นอ ล้อ”

มาร้ะกู 8:38

โพล้ง เล้ เมะ ฌางแช้ ลู่ง จ ท ซอง ท ซ๊าง, ดี๊ จ ฌ่าง จ กย้อง ล ชู้ แย๊ อี้ง, พี่ อ โอ ฆวี้ ทะ ดี๊ ท อ้า ท ซ๊าง ท ล โต้ ล ล้อง แบ นอ, โพล้ง ฌางคู พู เมะ เฌ๊ ไท้ ดี๊ อ แพ่ อ ฆี๊ง อ แล้ อ โฌ่ง อ พ้าง, ดี๊ ท มุ้คู พู ลู่ง อ ฌี้ อ แอว้ ล มู๊ง โคะ นอ, อ เว๊ ม ฌางแช้ ลู่ง โพล้ง ล แฌ้ นอ อ กย้อง บี่ นอ ปะ ล้อ”

มาร้ะกู 9:44

(ท อ ล่าง พี่ นอ โลง ล ซี๊ง แบ, มี ล ล้างไพะ แบ ล้อ)

ท​แม้ 10:22

อ เท่อ โล้ เอะ-อ้ะ ไจ้ะ เว๊, “ซึ้คู โคเนลีโย ล แฌ้ เกม๊า ก เฌ๊, อ เว๊ เก โพล้ง ดู้ง แบ ยาง แบ กแช่ แยว้, ดี๊ โพล้ง ยู ล มู๊ง นอ ทื๊ง แบ นะ แบ-อ้ะ ฌี้ มะ, ท มุ้คู พู ล แฌ้ โล้ แบ-อ้ะ เกม๊า ก เฌ๊ กุ้ นี่ แน้ ลี้ ลู่ง อ เด้า, บี่ ซุ้ ม คุ้ช๊องแน น ลู่ง น แท๊ นอ ล้อ”

โล้​ล้างที๊ง​ทอางแม้เลา 29:23

เมะเว๊ ที๊งล่างค่างพ้า เลาพะ นอ, เก มีอ้าแพลแช๊, ดี๊ เก ที๊งแล, เป๊งนี่ แบ ท เช้า ดี๊ มี, โพล้ง ล โอ เซิง เท่อ วาง เท่อ น่างแฌ้ แบ, ดี๊ ท ล โอ เมทาง น่างเม้ง แบ, เก ทล่าง พี่ นาง ล เมทาง แบ, เก ท พี่ อ แบ ท เคลิ่งล้าง-อ้ะ ด้องซุ้ โซโดง ดี๊ โกโมรา อะมา ดี๊ เซโบยีง, พี่ กแช่ยาเว เคลิ่งล้าง เว๊ ดี๊ อ ท ซ้ะทาง, ดี๊ ท ซ้ะทาง พ้ะดู นอ ล้อ

2​เทซาโลนีเก 1:7

ฌ้อง อ เว๊ ม เกม๊า น ซื๊ง ดี๊ เฆ้อ ก ท น้ะ ท โน๊ง ล้างแม่ ไฆวะ, ลู่ง ล นี้ง แย๊ พี่ กแช่ เยซู คริ้ โอ ลู่ง มุ้คู เฌ๊ ไท้ ลู่ง มี โพ๊ แกล้, ล พ๊า ฆ่าง ดี๊ ท มุ้คู พู พี่ อ โอ ดี๊ อ ดู้ง อ ยาง

ยูด้ะ 1:7

นาง แบ-อ้ะ เฌง โซโดง ดี๊ โกโมรา ดี๊ เฌง อ เบ้า อ เท่ง, กเย่ โพล้ง ลู่ง เฌง พ้า ล แพ นอ, แม้ ท อ้า บี่ ซุ้ ท มุ้คู พู ล เอ้า นอ แม้ เว๊ ปะ, เมะ เว๊ แม้ กแม มืง กแม แคว๊, ดี๊ แม้ กแม เท่อ พะ ไฆวะ น้ะ กชุ้, ท บี่ นอ อซื๊งเว๊ แบ น้ะ แบ โน๊ง ลู่ง มี อ้า พ้า ล้างชู้ ล้างแกย, อ นอ เก ท อ ด้อง ลู่ง โพล้ง กุ้ อ แฌ้ อ ฌ่าง

ท​เน​โพล​ทาง 15:7

ฌ้อง เครุ้ ลี่ง ดื้ง นอ โอ ล ดื้ง แม้ นี่ โล๊ง ท๊อง เนว๊ เบง, เกล๊าง เอะ ท มุ้คู พู เนว๊ แฌ้ นอ, ลู่ง โล๊ง พ้า นอ โอ ฆวี้ ทะ ดี๊ กแช่ แยว้ พี่ อ โอ ม๊า ครึๆ, ล แฌ้ นอ อ ท ซ้ะทาง

ท​เน​โพล​ทาง 16:19

เว่ง พ้ะดู อางน้าง พ้ะ อ ซ้ะ ซ๊า โป้ง, เว่ง กุ้ อ ที๊ง อ ค่าง แบ ท แม้ เฌ๊ฌ้อง ไฆวะ-อ้ะ, กแช่ แยว้ นาง แบ ไท้ เว่ง บาบีโลง ดี๊ เกม๊า โอ้ เว๊ ซไบ้ะ แซ ที๊ง ลู่ง อ โล๊ง พ้า, ซไบ้ะ แซ ที๊ง นอ เมะ เว๊ กแช่ แยว้ อ ท ซ้ะทาง พ้ะดู

ท​เน​โพล​ทาง 18:3

อ ไฌ่ บี่ อี้ง เว่ง ล เว่ง อี้ง เกม๊า โพล้ง กุ้ ชื้อ กุ้ ชะ โอ้ อ ซไบ้ะ แซ ที๊ง ลู่ง อ ชอง, เมะ เว๊ ท ซ้ะกวี้ง ล๊องก้อง ลู่ง ท แม้ กแม มืง กแม แคว๊, กเย่ กจุ้แฆว้ ลู่ง ฌางคู โคล๊ง คู นอ แม้ กแม มืง กแม แคว๊ เท่อ ดี๊-อ้ะ, ดี๊ โพล้ง กเย่ อ แม้แค้ เท่อ นอ อ ท โอ ทาง ช๊อง ทาง ดี๊ กลู ดี๊ จี้ แอ ฌี่ง แอ ฌ้อง, เฌ๊ เว๊ ลู่ง เว่ง นอ อ ท ซ้ะกวี้ง ล๊องก้อง อ กย้อง”

ท​เน​โพล​ทาง 18:6

เว่ง นอ แม้ เท่อ บี่ จะ เล้ นอ แม้ ไท้-อ้ะ บี่ นอ ปะ ล้อ เท่อ พี่ เว่ง แม้ เว๊ เย้า นอ แม้ แก ไท้-อ้ะ คี๊ง โทะ ซไบ้ะ แซ ที๊ง พี่ อ เว๊ ควี้ง ล้าง-อ้ะ ลู่ง โล๊ง พ้า เย้า นอ ควี้ง ล้าง ไท้ เอะ-อ้ะ เฆ๊ นี่ อ ล่าง คี๊ง โทะ

ท​เน​โพล​ทาง 19:15

น้ะ อ แน่ ไอ บึ้ชึ ล เบง โอ ลู่ง อ เว๊ อ นุ้ พ้า ไจ ทาง, บี่ ซุ้ ม แม้ น้า โพล้ง ล ชื้อๆ, อ เว๊ ม ยู่แคว่ เว๊ ดี๊ อ ดู้ง ดู ยาง ดู, ม ไย่ เท่อ ลู่ง ท ล่าง ไย่ นี่ ซไบ้ะ แซ นอ อ พ้า, อ นอ เมะ เว๊ ท ล่าง พี่ กแช่ แยว้ ลู่ง อ โอ ดี๊ อ ซยื๊ง อ ซย้อง ดู ทึ ล แฌ้ นอ ปล้ะ ล้าง อ ท ซ้ะทาง พ้ะดู

ท​เน​โพล​ทาง 19:20

ท พูแฆ่ อ้า นอ แบ ท พองนี่-อ้ะ ล พ๊า ฆ่าง ดี๊ โม กไบล้ะ ล แฌ้ แย๊ พี่ อ แม้ ท ล้ะ ท เล่ ลู่ง ท พูแฆ่ อ้า นอ อ เมะแซ พ้า, (อ เว๊ เจ่ ท ล้ะ ท เล่ ล แพ นอ อางโล๊ นี่ โพล้ง กุ้ อ แฌ้, พี่ อ นี่ แบ ท พูแฆ่ อ้า อ ท แม้ไน, ดี๊ โบง ทาง แบ้ ทาง เว๊ อ เค่ง อ ฌ้าง นอ), ท พูแฆ่ อ้า ดี๊ โม กไบล้ะ นอ แบ ท ไควะ ล้าง ม๊า-อ้ะ ลู่ง มี พี่ อ เค้ ทาง ดี๊ ท ซ อวี้ง น๊า ม๊าง พ้า

ท​เน​โพล​ทาง 20:10

ฌ้อง ม้างโค้ไล่ พี่ อ อางโล๊ นี่ อซื๊งเว๊ นอ, แบ ท ไควะ ล้าง-อ้ะ ลู่ง มี พี่ อ เค้ ทาง ดี๊ ท ซ อวี้ง น๊า ม๊าง พ้า, ท พูแฆ่ อ้า ดี๊ โม กไบล้ะ นอ แบ ท ไควะ ล้าง-อ้ะ พี่ นอ เย้า, อซื๊งเว๊ แบ โท่ง ท น้ะ ท โน๊ง เลา มแน้ เลา มแช๊ ล้างชู้ ล้างแกย นอ ล้อ

ท​เน​โพล​ทาง 20:14

ฌ้อง ท ซี๊ง ดี๊ พลื่ง ค่าง นอ แบ ท ไควะ ล้าง ไฆวะ-อ้ะ ลู่ง มี อ้า พ้า, (มี อ้า อ อี้ง เซ้อ เก ท ซี๊ง คี๊ง พ๊า ล พ๊า)

ท​เน​โพล​ทาง 21:8

แบเด้าะ เมะ โพล้ง อ ซ้ะ ซยืง, โพล้ง ล ชู่ง ล นะ กแช่ เยซู แบ, โพล้ง ล้างลุ้ ล้างเช้, โพล้ง แม้ ซี๊ง โพล้ง, โพล้ง แม้ กแม มืง กแม แคว๊, โพล้ง เจ่ ท อูง ท โป้, โพล้ง แบ้ ทาง ท เค่ง ท ฌ้าง, ดี๊ โพล้ง กุ้ อ แฌ้ พี่ อ ไคล้ คีงอูง เท่อ, ท ล่าง ลู่ง อ ซื๊ง เว๊ อ ฌ่าง นอ, เมะ เว๊ มี พี่ อ เค้ ทาง ดี๊ ท ซ อวี้ง น๊า ม๊าง พ้า, อ นอ เมะ เว๊ ท ซี๊ง คี๊ง พ๊า ล พ๊า นอ ล้อ”