ทอางปฆ้า 53:3 - Northern Pwo Karen Thai Bible

³ อซื๊งเว๊ ซีงลแพ แกยไท้ อ ซ้ะ เลาพะ อ้าทางซ๊างทาง บี่ซุ้ โละซ้ะ เลาพะ โพล้ง แม้ ทอฌี้ ล โอ น่างแฌ้ แบ ล โอ น่างแฌ้ แบ เฆาะ

ทอางปฆ้า 53:3 ပူးပေါင်းရင်းမြစ်များ

2​ซามูเอง 20:2

ทบี่นอ, โพล้ง อีซลาเอง เลาพะ ซีง นอ, ล โพะ ดาเว อ ไค๊ ล้าแบ, ดี๊ ลี้ โพะก้ะ บีครี อ พู เมะเว๊ เชบา นอ อ ไค๊, แบเด้าะ โพล้ง ยูดา นอ, โพะ อ กจุ้แฆว้ อ ไค๊ เฌิ่งๆ, ค๊าๆ, โอนี่ ลู่ง ที๊ง โจเด้ง กล้อง, ลี้ ท้อง ลู่ง เยรูซเลง

โยบา 15:16

ฌ้อง โพล้ง พี่ อ ล้าง แช๊เมะไฌ๊ซ้ะ, ดี๊ อ อ้าทางซ๊างทาง โพล้ง พี่ โอ้ ทอ้าทซ๊าง บี่ซุ้ดี๊ อ โอ้ ที๊ง นอ มเช๊งมเกล้ง แซย้เละ อ นอ ชี่-แอ เล้?

ทอางปฆ้า 14:3

อซื๊งเว๊ ลแพ นอ เฌ๊พลุ้ไฆวะ เลา, อ้าทางซ๊างทาง บี่ซุ้ โละซ้ะ เลาพะ แม้ ทอฌี้ ล โอ น่างแฌ้ แบ ล โอ น่างแฌ้ แบเฆาะ

อีซยา 53:6

เฆ้อ กุ้แฌ้ เฌ๊พลุ้ไฆวะ เกล้ บี่ซุ้ดี๊ แกะ ล แฌ้ๆ, แกยไฆวะ อ ซ้ะ ลู่ง อ กแช่ อเกล้อพ้า แด เว๊ ดี๊ กแช่ยาเว อางกีล้าง ก ท เด้เทาเด้บ้ะ ลู่ง อ เว๊ อล้องอย่าง คู ล้อ

อีซยา 64:6

เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง

เอเซเคียง 36:25

ก ม แม้นี่ ที๊ง เช๊งฆีง ฆวีง ดุ้ น ซื๊ง ซีง ลแพ, ฌ้อง น ม เช๊งฆีง พ้องไฆวะ ดี๊ น ทแบอ้า ลแพ นอ, ดี๊ ก ม แม้เช๊งแม้เกล้งไฆวะ น ซื๊ง ดี๊ น ทเค่งทฌ้าง ลแพ นอ ล้อ

เซฟางยา 1:6

เลา ฆึ ดี๊ โพล้ง ลแพ นอ, พี่ แกยไฆวะไท้ อ ซ้ะ ดี๊ ท โพะ กแช่ยาเว อ ไค๊ เมะเว๊ โพล้ง ลแพ นอ, พี่ ล นี่ อางฆื๊ง กแช่ยาเว-อ้า, ล นี่ อางโกอางจ้ะ เว๊-อ้า แบ”

โรมา 3:12

โพล้ง กุ้ อ แฌ้ วีงโด้งโคล๊ง อ ซ้ะ ดี๊ กแช่ แยว้ อซื๊งเว๊ กุ้ อ แฌ้ ล กลุ้ ล จ้ะ แบ โพล้ง แม้ ท อ ฌี้ ล โอ น่าง แฌ้ แบ ล โอ แบ เฆาะ

2​โคเรง 7:1

ด๊างพื่งวี่ พี่ จ เอ-อ้ะ ซีง-เอ้อ, พี่ กแช่ แยว้ อ ท เอิ้งล้าง โอ ดี๊ เฆ้อ บี่ อี้ง นอ, เกม๊า ก แม้ เช๊ง แม้ เกล้ง ก ซ้ะ พ้อง ไฆวะ ดี๊ ท อ้า ท ซ๊าง กุ้ อ เม้ง, ลู่ง อ แม้ แบ อ้า ก ล้อง ก ย่าง ก เซิง ก ซ้ะ, ดี๊ เกม๊า ก ฌี้ ทาง แอว้ ทาง เมาน่าง ลู่ง ก ดู้ง แบ ยาง แบ กแช่ แยว้

1​โยฮาง 2:29

น ซื๊ง ซีงแฌ๊-อ้ะ กแช่ เยซู คริ้ นอ,แม้ เท่อ ลู่ง อ แบ กแช่ แยว้ อ ซ้ะ, ท บี่ นอ เกิ้ง น ซีงแฌ๊-อ้ะ, โพล้ง กุ้ อ แฌ้ พี่ แม้ เท่อ ลู่ง อ แบ กแช่ แยว้ อ ซ้ะ นอ,เก กแช่ แยว้ อ พู อ ลี้ง นอ ล้อ

3​โยฮาง 1:11

ฌุ้พาง พี่ จ เอ-อ้ะ-เอ้อ, แคว่ ลู โพล้ง แม้ ท อ้า ท ซ๊าง ล ฌี้, แบเด้าะ แคว่ ลู โพล้ง ลู่ง อ แม้ ท ฌี้ นอ, โพล้ง พี่ อ แม้ ท ฌี้ นอ เก กแช่ แยว้ อ พู อ ลี้ง, เมะ โพล้ง พี่ อ แม้ ท อ้า ท ซ๊าง นอ ล ซีงแฌ๊ กแช่ แยว้ แบ

ท​เน​โพล​ทาง 22:11

โพล้ง พี่ อ แม้ ท อ้า ท ซ๊าง นอ เกม๊า แม้ เว๊ เด้าะ, โพล้ง พี่ อ ล้างลุ้ ล้างเช้ นอ เกม๊า อ แม้ อ ซ้ะ ล้างลุ้ ล้างเช้ เด้าะ, โพล้ง พี่ อ แบ กแช่ แยว้ อ ซ้ะ นอ เกม๊า แม้ เท่อ พี่ อ แบ กแช่ แยว้ อ ซ้ะ เด้าะ, ดี๊ โพล้ง พี่ อ ฌี้ อ แอว้ นอ เกม๊า อ เก โพล้ง ฌี้ โพล้ง แอว้ เด้าะ”