2 โพล้ง พี่ ช๊องมองเว้ทแม้ ออ้าอซ๊าง ลู่ง ซ้ะพ้า ดี๊ เฌาโละ กุ้นี้ง, ดึ้เกม๊า ทดึ้ทชาง โอทาง
แย้ จ เอ ทฆู๊งทพุ้, แบเด้าะ พี่ จ ไคล้ นอ อซื๊งเว๊ แบซ้ะ ดึ้ซึ้ เท่อ
ทึเมะ อซื๊งเว๊ ซีงลแพ นี่ ช๊องมอง เท่อ ดี๊ แน้ ฌี้ ทึเมะ อซื๊ง แม้ทางนี่ ทอ้าทซ๊าง อไฌ่อกย้อง ฌี้ นอ, อ ม แม้ เว๊ ล ชิ้เทา แบ
อเว๊ ช๊องมอง เว้ ทแม้ ออ้าอซ๊าง, พี่ อ โอ ลู่ง ล่างมี๊ง คู อเว๊ ลี้ฌ้าล้าง อ ซ้ะ ลู่ง เกล้, พี่ ลฌี้ลแอว้ แบ อเว๊ ล ซม๊า ทอ้าทซ๊าง แบ
กเย่ โพล้ง พี่ อ เฌา แม้ซี๊ง แย้ นอ, นี่ อางกีล้าง พลี้ง บล้ะ เท่อ โพล้ง พี่ ช๊องมอง ทแม้อ้าแม้ซ๊าง แย้ นอ, ไคล้ แบฆ้ะ ดี๊ ทเซงทื่งเฌ๊ฌ้อง ดี๊ ช๊องมอง ที่ ทอางโล๊ไละ เซ๊งนี้งคล้อง ทไค้ะ
อซื๊งเว๊ ฆู๊ง โละ อ ซ้ะ, อซื๊ง โอคุ้ซูง อซื๊ง โอคุ้แคว่ จ ทลี้ทไท้ ด้องซุ้ ดี๊ โพล้ง พี่ โอคุ้ล้างคุ้ซูง เท่อ ม แม้ซี๊ง แย้
เมะเว๊ อี้ง-เซ้อ, อซื๊งเว๊ โอคุ้ล้างคุ้ซูง จ เกล้ ม แม้ซี๊ง แย้ โพล้งดู้งโพล้งลู่ ฆู๊ง โละอซ้ะ ดึ้ซึ้ แย้ จ กแช่ยาเว-เอ้อ, ล เมะ ลู่ง จ ทลือค๊างพะ-อ้า, ลู่ง จ กแช่ อ ท เด้บ้ะ-อ้า นอ แบ
โพล้ง ล แฌ้ เฆาะ นอ, น ซื๊ง ซีงลแพ ม ดึ้-อ้ะ ไยะ ชี่ไยะเล้? น ซื๊ง กุ้แฌ้ ม แบ ทแม้ซี๊ง น ม บี่ซุ้ดี๊ กางแป พี่ อ ฌู้, ดี๊ ทร้อง พี่ อ เละโละ
ท อางโล๊ไละ, โอ ลู่ง โพล้ง พี่ ช๊องมอง ทอ้าทซ๊าง นอ อ ซ้ะ พ้า แบเด้าะ โพล้ง พี่ โล้ฌ้า เกม๊า โอ ดี๊ ทฆู๊งทพุ้ นอ, โอ ดี๊ ทเซิงมึซ้ะมึ
อ เว๊ เฌ๊ฆ้าง เบ้า ดี๊ ทโกงทแกย, อเซิงอซ้ะ คู่ ด้องซุ้ มีอ้า อ ล่าง ฆู่งเม๊ง เท่อ ซ๊างแน้คล้อง นอ, ท ซ้ะทาง เฌ๊ทาง รื้งๆ ท่อง ทพ้างทาง โฌ้โค๊ นอ, ซยุ้ทาง ด้องซุ้ ดี๊ มีแล เค้
โพล้ง โอ ล แฌ้, เฌ๊นี่ ดี๊ แน้ พี่ ช๊องมองทาง ทโกงทแกย ลู่ง ออ้าอซ๊าง ดี๊ กแช่ยาเว ดี๊ โล้ฌ้า ทอ้าทซ๊าง