ทอางด้อง 17:3 - Northern Pwo Karen Thai Bible

³ ทฆู่งพลี่งอล่าง นอ โอ เว๊ ลู่ง จี้ อ ฌ่าง, ดี๊ มีอ้า ล่าง ฆู่ง เช๊ง เท่อ นอ, โอ เว๊ ลู่ง ท๊อง อ ฌ่าง ล้อ แบเด้าะ กแช่ยาเว ลองแม้แคว่ดุ้ ซ้ะ

ทอางด้อง 17:3 ပူးပေါင်းရင်းမြစ်များ

1​ทกวิ้ไน 29:17

จ กแช่แยว้-เอ้อ, แย้ จ ซีงแฌ๊-อ้ะ, แน้ น กว้ะแคว่ดุ้ เซิงซ้ะ, ดี๊ แบ น ซ้ะ ดี๊ ทอโต้อล้อง, เมะ แย้ นอ จ เทว๊ ทลแพ อี้ง เลาพะ ดี๊ จ ทซ้ะ โอ, ทเซิงเท่งซ้ะโต้, ดี๊ ค๊องเนงอี้ง นอ, จ เซิงมึซ้ะมึ พี่ จ แด แบ น พู น ลี้ง พี่ อ โอ พี่ อี้ง, อ ซื๊งเว๊ อ ซ้ะ โอ, พี่ ม เทว๊ เท่อ ดี๊ ทเซิงฆวี๊งซ้ะโย้ เอะ แน้

โยบา 23:10

แบเด้าะ กแช่แยว้ ซีงแฌ๊ เกล้, พี่ จ ลี้ โพะ-อ้ะ นอ ท่อง กแช่แยว้ แม้แคว่ดุ้ แย้ ฌ้อง นอ, แย้ จ ม เก แบด้องซุ้ ท๊อง

โยบา 28:1

“เมะ เต้ๆ, ล้อ, มื๊ง โอ ลู่ง เฮ๊จี้ อ ฌ่าง ดี๊ โอ ดี๊ ทล่าง ลู่ง ท๊อง พี่ โพล้ง ฌื่ง นี่ เว๊ นอ อ ฌ่าง

ทอางปฆ้า 139:23

จ กแช่ยาเว-เอ้อ, เกม๊าเต้ คู๊ แคว่ที๊งแคว่โต้ แย้, ดี๊ ซีงแฌ๊ จเซิงจซ้ะ เกม๊าเต้ ลองแม้แคว่ดุ้ แย้, ดี๊ ซีงแฌ๊ จ ท ช๊องมองช๊องม้ะ

ทอางปฆ้า 26:2

จ กแช่ยาเว-เอ้อ, เกม๊าเต้ แคว่ที๊ง แย้, เกม๊าเต้ ลองดุ้ แย้ แม้แคว่ดุ้ จวีงจแล้, ดี๊ จ ซ้ะ แดเทา

ทอางปฆ้า 66:10

จ กแช่แยว้-เอ้อ, เมะเว๊ น แม้แคว่ดุ้ เฆ้อ ซีงลแพ ก ซ้ะ กแช่แยว้ ฆู่ง เฆ้อ ซีงลแพ, ด้องซุ้ ฆู่ง จี้

ทอางด้อง 15:11

พลื่งค่าง ดี๊ ทเซงทื่งเฌ๊ฌ้อง อ ล่าง นอ, โพลทางเติ้งต้าง ลู่ง กแช่ยาเว อ เมะแซ พ้า กโพล้ง อ ซ้ะ ม โพลทาง แอเละ อ นอ ชี่แอเล้

ทอางด้อง 16:2

กโพล้ง อ เกล้ กุ้บ้อง นอ, อฌี้อแอว้ ลู่ง อ กแช่ อ เมะแคว่ พ้า แบเด้าะ กแช่ยาเว แคว่ที๊งแคว่โต้ เซิงซ้ะ

ทอางด้อง 17:2

ฆ่อง พี่ อไพ่อแซย๊ นอ, ม โพะคอง พูแคว๊, พี่ อ แม้ เท่อ ล้างฌางแช้ฌางเด ดี๊ ม นี่แบ คองแซย้ ล น้าง, บี่ซุ้ดี๊ อ เก โพล้ง ล แฌ้ ลู่ง เด้าคูล่างพ้า นอ ล้อ

ทอางด้อง 21:2

กโพล้ง อ เกล้ กุ้บ้อง นอ, แบเมาะ ลู่ง อ กแช่ อ เมะแคว่ พ้า แบเด้าะ กแช่ยาเว แคว่ที๊งแคว่โต้ เซิงซ้ะ

ทอางด้อง 27:21

ทล่าง ฆู่ง พลี่ง เท่อ โอ เว๊ ลู่ง จี้ อ ฌ่าง, ดี๊ มีอ้า ล่าง ฆู่ง เช๊ง เท่อ, โอ เว๊ ลู่ง ท๊อง อ ฌ่าง แบเด้าะ กโพล้ง อี้ง นอ, ม แม้แคว่ดุ้-อ้ะ ซี ลู่ง ทอางปฆ้า, พี่ อ นี่แบ เว๊ นอ ล้อ

อีซยา 48:10

แคว่เซ้อ, ก นี่ ฌื่ง ซยี้งโซยะ แน้ เย้า, แบเด้าะ ล บี่ซุ้ดี๊ จี้ แบ ก นี่ ลอง แม้แคว่ดุ้ แน้ ลู่ง ทน้ะทโน๊ง อ มีอ้า ล่าง พ้า

เยเรมี 17:10

“เฆ้อ, เมะเว๊ กแช่ยาเว แคว่ที๊งแคว่โต้ ซ้ะ ดี๊ ลอง แม้แคว่ดุ้ ซ้ะ ล้อ บี่ซุ้ เกล๊าง เอะ โพล้ง กุ้แฌ้ บี่ ซุ้ ดี๊ อ กแช่ ท แม้ ทอาง บี่ซุ้ดี๊ อ ทไพ้ะทแม้ พี่ แม้ เว๊ ล เม้งๆ, นอ”

เอเซเคียง 22:18

“กโพล้ง อ พู-เอ้อ, ลู่ง ก ฌ่าง นอ, อีซลาเอง อชื้ออชะ เกทางก้ะ ท้ะอี, อ ซื๊งเว๊ เลาพะ นอ, เก ท่องบ้าง, เจาะ, ท้ะ ดี๊ ซยะ ลู่ง มีอ้าอล่าง ฆู่ง พลี่ง เท่อ, อ ซื๊งเว๊ เก จี้ อี

ดานีเอง 11:35

โพล้งไพ่โพล้งแซย๊ แบ ล แฌ้ๆ, นอ, ม ล้างเทะเค้า, บี่ซุ้ อ ซื๊งเว๊ ม แบ ท ฌื่งเช๊ง, ดี๊ แบ ท แม้เช๊งแม้เกล้ง ท่อง อ เช๊งเกล้ง ท่อง อ ท้อง ท อ ว๊าง ลู่ง ไค๊ ทึ, เมะเว๊ ท อ ว๊าง นอ ม เฌ๊ บี่ซุ้ดี๊ ท อางกีล้าง อช๊าอโท่ นอ ล้อ

เซคารียา 13:9

ซ๊าโทะ อี้ง ก ม แม้นี่ ล โทะ พลึ้ล้าง มีอ้า พ้า ดี๊ ฆู่งพลี่ง-อ้ะ, บี่ซุ้ดี๊ ฆู่งพลี่ง จี้ ดี๊ ลองแม้แคว่ดุ้-อ้ะ, บี่ซุ้ดี๊ ลองแม้แคว่ดุ้ ท๊องบ้าง อ เว๊ ม กุ้ทาง กเม้งกแซ ดี๊ ก ม ไคล้ช๊า-อ้ะ ก ม ไจ้ะ บี่อี้ง, ‘อ ซื๊งเว๊ ซีง ลแพ, เก กพูกลี้ง’ ดี๊ อ เว๊ ม ไจ้ะ บี่อี้ง, ‘กแช่ยาเว เมะเว๊ จ กแช่แยว้ ล้อ’,”

โล้​ล้างที๊ง​ทอางแม้เลา 8:16

อ เว๊ ลื่งอาง แน้ ดี๊ มานา ลู่ง แพะคูทเคแกล้, พี่ น พี๊ง น พู๊ง ลู่ง แย๊ อู้ง, ล ซีงแฌ๊ เว๊ แบ, บี่ซุ้ อ เว๊ ม ดึ้ เกม๊า น ชางล้าง ซ้ะ, ดี๊ แม้แคว่ดุ้ แน้, บี่ซุ้ ม ดึ้ เกม๊า เว๊ เกทาง ท ล้างเปิ่ง ลู่ง น ฌ่าง, ลู่ง อ ไค๊ ทึ โฆะ

โล้​ล้างที๊ง​ทอางแม้เลา 8:2

เกม๊า น ซื๊งเว๊ ซีง ลแพ, นางแบทางไท้ เกล้, พี่ กแช่ยาเว น กแช่แยว้, ลี้ฌ้า แน้ ลู่ง แพะคูทเคแกล้, ท้อง อ เนง ลี่ง ชี๊ง, บี่ซุ้ ม ดึ้ เกม๊า น ชางล้าง ซ้ะ, ดี๊ แม้แคว่ดุ้ แน้, บี่ซุ้ ม ซีงแฌ๊ เว๊, นเซิงนซ้ะ แม้ อ ซ้ะ บี่จะเล้, แคว่ดุ้ เว๊ น ม แฌแซกต้าง อ ทซองทซ๊าง ชี่-อ้า

1เปโต 1:7

ท น้ะ ท โน๊ง ล แพ อี้ง นอ, เก ทาง บี่ ซุ้ ม ลองดุ้ น ท ชู่ง ท นะ, ฌ้อง ม แม้ โพล ทาง เว๊ ลู่ง อ ล้างเท่ง ล้างชิ้ เต้ๆ, ทึ เมะ ท๊อง พี่ อ แบ ท แม้ เฌ๊ฌ้อง-อ้ะ ซี นอ ฌี้ๆ, ม แบ ท ลองดุ้-อ้ะ ดี๊ มี อ้า, บี่ ซุ้ ดี๊ นอ, น ซื๊ง ท ชู่ง ท นะ พี่ อ ฌี้ นี่ ท๊อง ได้ะ นอ, แบ ท ลองดุ้-อ้ะ ปะ, บี่ ซุ้ ม โอ เฌิ่ง โอ ค๊า, ฌ้อง กแช่ แยว้ ม อางปฆ้า ดี๊ ม แม้ ฆี๊ง เมะ ฆี๊ง แน๊ น ซื๊ง, เกม๊า น โอ ดี๊ ท อ ฆี๊ง อ แล้ อ โฌ่ง อ พ้าง ลู่ง ล นี้ง แย๊, พี่ กแช่ เยซู คริ้ ม เฌ๊ เนโพล ทาง อ ซ้ะ โคะ

ท​เน​โพล​ทาง 2:23

กมืง ล แฌ้ อี้ง อ พู อ ลี้ง นอ จ ม แม้ ซี๊ง ไฆวะ-อ้ะ กุ้ อ แฌ้, ฌ้อง โพล้ง ทื๊ง ซยอง เท่อ กุ้ อ จอง นอ, ม ซีงแฌ๊ แบ เว๊ แย้ จ เก โพล้ง พี่ อ ซีงแฌ๊ ท ช๊องมอง, ดี๊ ท ซ้ะกวี้ง ล๊องก้อง ลู่ง กโพล้ง อ ซ้ะ พ้า, จ ม เกล๊าง เอะ น คางเล้ง ท๊อง ล แฌ้ๆ, เกิ้ง ดี๊ น ท ไพ้ะ ท แม้ นอ ล้อ