เกล้​ท​ซ้ะวี่ง 8:8 - Northern Pwo Karen Thai Bible

⁸ ดี๊ เกม๊า อ ซื๊งเว๊ แม้นี่ งู้ แพ๊ พู, ดี๊ ทลื่งทาง เทว๊ ทซูงทแซ พี่ เก กู่ง โละ ซ้ะ นอ, เมะเว๊ แด ฌื๊งไน้ะ ลู่ง อ ฌี้ แกย้ ดี๊ ทซู, ฌ้อง ม๊า น แม้นี่ งู้ แพ๊ พู ล ดื้ง เด้าะ, เก ทลื่งทาง แพล่ไฆวะ ทเด้บ้ะ

เกล้​ท​ซ้ะวี่ง 8:8 ပူးပေါင်းရင်းမြစ်များ

ทไจทางไฆวะ 29:1

“อ อี้ง นอ เก เท่อ ลู่ง น แบ แม้-อ้ะ, เมะเว๊ เกม๊า น อางกี ฌี้ อ ซื๊งเว๊ เกม๊า อฌี้อแอว้, บี่ซุ้ อ ซื๊งเว๊ ม เก โพล้งลื่งเท่ออคู แม้ เท่อ ลู่ง จ ฌ่าง, เกม๊า น แม้นี่ งู้ แพ๊ ล ดื้ง, ดี๊ แกะ แพ๊ คี๊ง ดื้ง ลู่ง อ ฌี้ ทึ

ทไจทางไฆวะ 29:3

ฌ้อง ชวี๊งล้าง กู ลแพ นอ ลู่ง ด้างเพะ พ้า ล จอง ฆ่าง, เฌ๊ โชะ-อ้ะ ล พ๊า ฆ่าง ดี๊ งู้ แพ๊ ล ดื้ง, ดี๊ แกะ แพ๊ คี๊ง ดื้ง นอ

อีซยา 53:10

แบเด้าะ กแช่ยาเว, แบซ้ะ เกม๊า อ เว๊ ทางลึ้ทางแล๊ ดี๊ ท แบเจ้าแบแช๊ พี่ อ เว๊ อ ทม๊า เก ทลื่งทางแพล่ไฆวะทเด้บ้ะ อ เว๊ ม แด อชื้ออชะ, อ เว๊ ม แม้ โท๊ทาง อ มื่งนี้ง อช๊าอโท่ กแช่ยาเว อ ท แบซ้ะ, ม เกทางเกโท๊ ลู่ง อ เว๊ อ จูง พ้า

เลวี​อ​ไฌ่ 1:3

“ทลื่งทาง อี้ง, เมะ เก ทลื่งทางเช้าทพูแฆ่น๊างดื้ง, เฌ๊นี่ ลู่ง งู้ น๊างมู๊ง พ้า นอ, เกม๊า อ แม้นี่ ทพูแฆ่ แพ๊ ลู่ง อ ฌี้ ทึ, เฌ๊ โชะ ลู่ง เด้ทโอซยองอล่าง อ เกล้ ป้ะตู๊งไท้ะ, ดี๊ เทว๊ ทพูแฆ่ นอ, บี่ซุ้ อ เว๊ ม แบเมะล้างซ้ะ กแช่ยาเว นอ ล้อ

เลวี​อ​ไฌ่ 16:3

แบเด้าะ อาโรง ม เฌ๊ฆ้าง ลู่ง ทล่างฌี้ทึแอว้ทึ พ้า, ซี ดี๊ ทแม้ บี่อี้ง ล้อ, เมะเว๊ เกม๊า อ ลี้ โชะ งู้ บาง ล ดื้ง, เก ทลื่งทางแพล่ไฆวะทเด้บ้ะ, ดี๊ แกะ แพ๊ ล ดื้ง, เก ทลื่งทางเช้าทพูแฆ่น๊างดื้ง

เลวี​อ​ไฌ่ 2:1

“พี่ โพล้ง แฌ้ฌี้ๆ, เฌ๊ เทว๊ ทลื่งทางเทว๊ทซูงทแซ, เก ทลื่งทาง เทว๊ เอะ กแช่ยาเว นอ, เกม๊า อ เฌ๊ เทว๊ ฌื๊งไน้ะ ลู่ง อ ฌี้ ทึ, เกม๊า อ เว๊ ลู๊งล้าง ทซูง ลู่ง ฌื๊งไน้ะ คู, ดี๊ อางกีล้าง กางยาง ลู่ง ฌื๊งไน้ะ คู ปะ

เลวี​อ​ไฌ่ 4:14

ท่อง ทเด้บ้ะ พี่ อซื๊งเว๊ แม้ แบ เว๊, โพลทาง เย้า นอ, เกม๊า โพล้ง น๊างมู๊ง เทว๊ งู้ แพ๊ บาง ล ดื้ง, เก ทลื่งทางแพล่ไฆวะทเด้บ้ะ, เกม๊า อ เฌ๊ โชะ งู้ นอ, ลู่ง เด้ทโอซยองอล่าง อ เมะแซ พ้า

เลวี​อ​ไฌ่ 4:3

โพล้งลื่งเท่ออคู พี่ แบ ท เท้าไน, เมะ แม้ ทเด้บ้ะ นอ, ดึ้ เกม๊า ทไพ้ะทแม เฌ๊ ท้อง โพล้งเฌงพูฆ๊างพู, ลู่ง ทเด้บ้ะ พี่ อ แม้ เว๊ นอ อกย้อง ล้อ, เกม๊า อ เว๊ เฌ๊ โชะ งู้ บาง ลู่ง อ ฌี้ ทึ, เทว๊ เอะ กแช่ยาเว, เก ทลื่งทางแพล่ไฆวะทเด้บ้ะ

เลวี​อ​ไฌ่ 8:2

“เกม๊า เฌ๊ฌ้า อาโรง ดี๊ อ พูแคว๊ ลแพ นอ, เฌ๊ ล พ๊าฆ่าง ดี๊ ไช๊ช้าง, ดี๊ ทซู เท้าไน เท่อ, งู้ พี่ อ เก ทลื่งทางแพล่ไฆวะทเด้บ้ะ, แกะ แพ๊ คี๊ง ดื้ง, ดี๊ กู ล แบ ดี๊ อ ซีง แบ, ฆวี้ ด้างเพะ ล เบง

โรมา 8:3

เท่อ ลู่ง ทอางแม้เลา แม้ เว๊ ล ซี แบ, เป๊งนี่ กโพล้ง อ ซ้ะ ล เฌิ่ง ล ค๊า แบ นอ, กแช่ แยว้ แม้ เว๊ เย้า, อ เว๊ โซ๊ง ล้าง อ พูแคว๊ แด เว๊ เกม๊า อ ล้างโฌ่ โพล้ง ท เด้บ้ะ, บี่ ซุ้ ม เกม๊า เว๊ อ แม้ ไฆวะ ท เด้บ้ะ, อ นอ อ เว๊ ต้ะเซ๊ง ท เด้บ้ะ พี่ อ โอ ลู่ง กโพล้ง อ ซ้ะ พ้า

2​โคเรง 5:21

กแช่ เยซู คริ้ อ ท เด้บ้ะ ล โอ แบ, แบเด้าะ กแช่ แยว้ แม้ เอะ-อ้ะ แบ ด้อง อ เก โพล้ง ท เด้บ้ะ, บี่ ซุ้ ก ม เก โพล้ง แบ กแช่ แยว้ อ ซ้ะ ลู่ง กแช่ เยซู คริ้ อ ซุ้