เกล้​ท​ซ้ะวี่ง 6:20 - Northern Pwo Karen Thai Bible

²⁰ ฌ้อง โพล้งลื่งเท่ออคู ม แม้นี่ ทลแพ นอ ล พ๊า ฆ่าง ดี๊ แกะ อ ซ้ะแน๊ แย, ดี๊ อ กีงไท้ะ แย, พี่ แบ ทอางกีนี่-อ้ะ ล น้าง นอ, ม แม้ ทไฌ่ เยาฆ้าง, เก ทลื่งทาง เยาทาง เว่งว๊าง เทว๊ เอะ กแช่ยาเว, เก เท่อ พี่อฌี้อแอว้ ลู่ง โพล้งลื่งเท่ออคู นอ อ ฌ่าง, ท่องอช๊าง นอ, โพล้ง เก นาซี ลแพ นอ ม โอ้ ซไบ้ะ แซ ที๊ง ซี ล้อ

เกล้​ท​ซ้ะวี่ง 6:20 ပူးပေါင်းရင်းမြစ်များ

ทโกงซีมองแบ 9:7

ลี้ แดเทา, ลี้ อาง น ทอาง ดี๊ ท ซ้ะอวีงซ้ะโทะ, ดี๊ ลี้ โอ้ น ซไบ้ะแซ ที๊ง ดี๊ ท เซิงฆวี๊งซ้ะโย้, เมะเว๊ กแช่แยว้ แคว่ เว๊ แบ อ ซ้ะ ดี๊ น ทไพ้ะทแม้ เย้า

อีซยา 25:6

ทลู่ง คู อี้ง นอ, กแช่ยาเว ซึ้คู ดูทึชองทึ ม ลื่งอาง โพล้ง กุ้ชื้อกุ้ชะ เมะเว๊ ทลื่งอาง ดี๊ ท พี่ อบองอซู, ดี๊ ไซ้ะ ซไบ้ะแซ ที๊ง พี่ อ ล้างด้ะ เย้า ดี๊ ท อบองอซู พี่ อ ฆีง พ้า โอ ดี๊ อซูอไย้, ดี๊ ไซ้ะ ซไบ้ะแซ ที๊ง ล้างด้ะ พี่ คะจ้าง เย้า

อีซยา 35:10

โพล้ง พี่ นี่แบ กแช่ยาเว อ ท เทะนี่ไท้ นอ, ม เฌ๊ไท้ ดี๊ ม เฌ๊ ลู่ง ซีโยง ดี๊ ท ซ้ะอวีงแท๊ โอ ดี๊ ท เซิงมึซ้ะมึ ล้างชู้ล้างแกย, ลู่ง อ ซื๊งเว๊ ลแพ นอ อ คูล้อง อ เว๊ ม นี่แบ ท เซิงฆวี๊งซ้ะโย้, ดี๊ ท เซิงมึซ้ะมึ ท เมะมองแน๊อึ้, ดี๊ ท แซวี๊งแซซยู ม ไจ ล้างแม่ คุ้ซูงไฆวะ ล้อ

เลวี​อ​ไฌ่ 10:15

เกม๊า อซื๊งเว๊ แม้นี่ อ กีงไท้ะ แย, พี่ เทว๊ เว๊, ดี๊ อ ซ้ะแน๊ แย พี่ เยาฆ้าง เทว๊-อ้ะ, ล พ๊าฆ่าง ดี๊ ทลื่งทาง เช้า ดี๊ มี อ ซู อ ไย้, บี่ซุ้ เยาฆ้าง เทว๊ เท่อ, เก ทลื่งทางเยาทางเว่งว๊าง เทว๊ เอะ กแช่ยาเว, ท ลแพ อี้ง นอ, เก แน้ ดี๊ น พู ลแพ นอ อ เท่อ, เก ท อางกีล้าง ลู่ง น ฌ่าง ล น้าง ล้างชู้ล้างแกย, ด้องซุ้ พี่ กแช่ยาเว อางแบเลา เว๊ นอ ล้อ>>

เลวี​อ​ไฌ่ 23:11

ดี๊ โพล้งลื่งเท่ออคู, ม ลี้ โชะ ทซูงทแซ ล น้าง นอ, แม้ ทไฌ่ เยาฆ้าง เว่งว๊าง ลู่ง กแช่ยาเว อ เมะแซ พ้า, บี่ซุ้ น ซื๊ง ม แบเมะล้างซ้ะ กแช่แยว้, ลู่ง ทพ้างทาง โฌ้โค๊, พี่ มื่งดืงเท่อ อ ล่างไค๊ นอ, โพล้งลื่งเท่ออคู ม แม้ ทไฌ่ เยาฆ้าง เว่งว๊าง นอ ล้อ

เลวี​อ​ไฌ่ 7:30

เกม๊า อ เว๊ แม้นี่ ทลื่งทาง เช้า ดี๊ มี, พี่ เทว๊ เอะ กแช่ยาเว นอ, เกม๊า อ เฌ๊ โชะ แด กแช่ เว๊, เกม๊า อ เว๊ เฌ๊ โชะ อซูอไย้, ล พ๊าฆ่าง ดี๊ อ ซ้ะแน๊ แย นอ, บี่ซุ้ ม แม้นี่ เว๊ อ ซ้ะแน๊ แย นอ, เยาทาง เว่งว๊าง, เก ทลื่งทาง เยาทาง เว่งว๊าง เทว๊ เอะ กแช่ยาเว ล้อ

เลวี​อ​ไฌ่ 7:31

เกม๊า โพล้งลื่งเท่ออคู เช้าไฆวะ อซูอไย้ ลู่ง ทลื่งล่าง คู, แบเด้าะ อ ซ้ะแน๊ แย นอ, เกก้ะ อาโรง ดี๊ อ พูแคว๊ ซีง ลแพ เว๊

เลวี​อ​ไฌ่ 7:32

แบเด้าะ ทพูแฆ่ อ คาง ฆุ้ ล โค๊ นอ, น แบ เกม๊า ก้ะ โพล้งลื่งเท่ออคู, เก ทลื่งทาง เทว๊, เฌ๊นี่ ลู่ง ทลื่งทางแม้ฆู๊งแม้พุ้เท่อ

เลวี​อ​ไฌ่ 7:34

เมะเว๊ อ ซ้ะแน๊ แย พี่ เยาทาง เว่งว๊าง เทว๊-อ้ะ, ดี๊ อ กีงไท้ะ แย พี่ เทว๊-อ้ะ นอ, ก แม้นี่-อ้ะ ดี๊ โพล้ง อีซลาเอง, ลู่ง อ ทลื่งทางแม้ฆู๊งแม้พุ้ เท่อ, ดี๊ ก เกล๊าง เอะ อาโรง โพล้งลื่งเท่ออคู, ดี๊ อ พูแคว๊ ลแพ นอ, เก ท นี่แบ ล น้าง ดี๊ โพล้ง อีซลาเอง ล้างชู้ล้างแกย

เลวี​อ​ไฌ่ 9:21

เมะ อ ซ้ะแน๊ แย, ดี๊ อ กีงไท้ะ อ ฆุ้ ล โค๊ อ แย นอ, อาโรง แม้ ทไฌ่ เยาฆ้าง เทว๊ เอะ กแช่ยาเว, ด้องซุ้ พี่ โมเซ อางแบเลา เว้ เว๊ นอ ล้อ

เซคารียา 10:7

ฌ้อง เอฟาอีง ม เก บี่ซุ้ดี๊ โพล้ง แคว๊ ไฌ่ชองแบ้ชอง ดี๊ อ ซื๊งเว๊ อเซิงอซ้ะ ม ซ้ะอวีงซ้ะโทะ, บี่ซุ้ดี๊ นี่ โอ้ ไซ้ะ ซไบ้ะแซ ที๊ง อ เว๊ อ พู อ ลี้ง ม แด แบ เว๊, ดี๊ เซิงมึซ้ะมึ ดี๊ อ เว๊ อ ซ้ะ ม มึ ดี๊ กแช่ยาเว ดูมะ

เซคารียา 9:15

กแช่ยาเว ซึ้คู ดูทึชองทึ ม ยู่แคว่แฌแซกต้างทะ อ ซื๊งเว๊ ดี๊ อ เว๊ ม แม้ เซงทื่งเฌ๊ฌ้อง, ดี๊ ไย่ล้าง โพล้ง ค้ะโก๊ง ซี ดี๊ ม โอ้ เว๊ อ ซวีง ด้องซุ้ ไซ้ะ ซไบ้ะแซ ที๊ง ดี๊ มกึ้มฆวี้ บี่ซุ้ดี๊ โท๊กีง แบโจแบอืง บี่ซุ้ดี๊ ทลื่งล่าง อ โนง

เซคารียา 9:17

เอ้อ นอ, ฌี้ มะ ดี๊ ฌี้ แอว้ เต้ๆ บืงซ้ะ ม ดึ้ เกม๊า โพล้ง น่างบางซ้ะบาง ดูทางโท๊ทาง ดี๊ ไซ้ะ ซไบ้ะแซ ที๊ง, ม ดึ้ เกม๊า มืงน้าง ดูทางโท๊ทาง ล้อ

เกล้​ท​ซ้ะวี่ง 18:18

แบเด้าะ อ แย นอ ม เก น เท่อ, บี่ซุ้ โละซ้ะ ดี๊ อ ซ้ะแน๊ แย พี่ เทว๊-อ้ะ เก ทลื่งทาง เยาทาง เว่งว๊าง, ดี๊ อ กีงไท้ะ แย อ ฆุ้ ล โค๊ พี่ เก น เท่อ นอ ปะ

เกล้​ท​ซ้ะวี่ง 5:25

ท่องอช๊าง นอ, โพล้งลื่งเท่ออคู ม แม้นี่ไฆวะ ทลื่งทาง เทว๊ ทซูงทแซ, แบฆ้ะ ดี๊ ทไค๊ไก้ะ เท่อ อ ไฌ่ นอ ลู่ง โพล้ง มืง นอ อ จูง พ้า, ฌ้อง ทลแพ อี้ง นอ ม แม้ เว๊ เก ทไฌ่ เยาฆ้าง ลู่ง กแช่ยาเว อ เมะแซ พ้า, ฌ้อง ม ลี้ โชะ เว๊ ลู่ง ทลื่งล่าง คู

เกล้​ท​ซ้ะวี่ง 6:21

“อ อี้ง นอ เก ทอางแม้เลา ลู่ง โพล้ง นาซี นอ อ ฌ่าง, ดี๊ อ ทเทว๊ ลื่งทาง เท่อ, พี่ เทว๊ เอะ กแช่ยาเว ลู่ง อ อืงล้าง ซ้ะ เก นาซี นอ อ กย้อง, ท อ แฌ้แพ พี่ อ เทว๊ เว๊ ซี นอ โอเจ ได้ะ, อ เว๊ แบ แม้โพะ เท่อ พี่ อ อืงล้าง เว้ ซ้ะ นอ อ ไค๊ ด้องซุ้ ทอางแม้เลา แบฆ้ะ ดี๊ ท เก นาซี นอ ล้อ”

ม้ะทู 26:29

จ โล้ เอะ น ซื๊ง จ ล โอ้ ซไบ้ะ แซ ที๊ง อี้ง ล้า แบ, ท่อง อ ท้อง มื่ง นี้ง ลู่ง จ ม โอ้ ไท้ อ ซ๊าง ดี๊ น ซื๊ง, ลู่ง จ แพ่ อ มื่ง อ บ้าง โคะ นอ ล้อ”

มาร้ะกู 14:25

จ โล้ เอะ น ซื๊ง โต้ๆ, ล้อ, จ ล โอ้ ซไบ้ะ แซ ที๊ง โย้ ล้า แบ, ท่อง อ ท้อง มื่ง นี้ง ลู่ง จ ม โอ้ ไท้ อ ซ๊าง, ลู่ง กแช่ แยว้ อ มื่ง อ บ้าง โคะ นอ ล้อ”

โยฮาง 19:30

กแช่ เยซู โอ้ เว๊ ฌ้อง ไจ้ะ เว๊ แด, “ชิ้เทา เย้า” ท่อง อ ช๊าง นอ อ เว๊ ซย๊อง ล้าง อ คู, ซี๊ง เว๊ ล้อ