เกล้​ท​ซ้ะวี่ง 5:7 - Northern Pwo Karen Thai Bible

⁷ เกม๊า โพล้ง ล แฌ้ นอ โล้ ล้าง อ ทเด้บ้ะ พี่ อ แม้ แบ เว๊ นอ, ดี๊ เกม๊า อ ลุ้ ไท้ เท่อ พี่ อไพ้ะอแม, พี่ อ แม้ เว๊ นอ ฆวี๊ซุ้ ไท้ อ ล่าง, ดี๊ แบ เกล๊าง แอทาง ไท้ เอะ เว๊, เย่ โทะ นอ แบ เกล๊าง แอทาง ไท้ เว๊ ล โทะ

เกล้​ท​ซ้ะวี่ง 5:7 ပူးပေါင်းရင်းမြစ်များ

ทอางปฆ้า 32:5

จ โล้ล้าง จ ทเด้บ้ะ เอะ กแช่แยว้ ดี๊ จ ล อางกีซูงไบ้ะ จ ทเด้บ้ะ แบ จ โล้ บี่อี้ง, “จ ม โล้ล้าง จ ท ลือค๊างพะ เอะ กแช่ยาเว” ฌ้อง กแช่แยว้ แพล่ไฆวะ จ ทเด้เทาเด้บ้ะเซ่-ลา

ทอางด้อง 28:13

โพล้ง พี่ อางกีซูง อ ทลือค๊างพะ นอ, ม ล เกทางเกโท๊ แบ แบเด้าะ โพล้ง พี่ โล้ล้าง เว๊ ดี๊ ญ๊องไฆวะ เว๊ นอ, ม นี่แบ ทย๊างเซิงย๊างซ้ะ ล้อ

เลวี​อ​ไฌ่ 26:40

“แบเด้าะ อ ซื๊งเว๊ เมะ โล้ล้าง อ ทอ้าทซ๊าง, ดี๊ อ อพี๊งอพู๊ง ลู่ง แย๊ อู้ง อ ทอ้าทซ๊าง, พี่ อ เว๊ แม้ไพ้ะ แบ เฆ้อ ปะ, อซื๊งเว๊ ซีง ลแพ อ ท กไบล้ะกแบล นอ, ดี๊ พี่ อ นี่ แม้ เท่อ คิ้คุ้ ดี๊ เฆ้อ

เลวี​อ​ไฌ่ 26:41

ก ม แม้ ชิ้เทา ทคิ้คุ้-อ้ะ, ดี๊ นี่ ลี้ฌ้า อ ซื๊งเว๊, นึฆ้าง ลู่ง อดีงอแด้ อ ที๊งล่างค่างพ้า, ลว๊างแย๊ นอ, อซื๊งเว๊ อเซิงอซ้ะ ลือค๊างพะ เท่อ เมะ ชางล้าง อ ซ้ะ, ดี๊ ญ่อง ฮะ อ ทอ้าทซ๊าง อไฌ่อกย้อง เย้า นอ

เลวี​อ​ไฌ่ 5:15

“โพล้ง พี่ แฌ้ เล้, เมะ แม้ เท่อ ลโต้ลล้อง แบ, ดี๊ แม้ แบ ทเด้บ้ะ พี่ ล โอทาง อ ซ้ะ แบ, แบฆ้ะ ดี๊ กเย่ กแช่ยาเว อ ทฌี้ทแอว้ นอ, เกม๊า โพล้ง ล แฌ้ นอ, แม้นี่ แกะ แพ๊ ลู่ง อ ฌี้ ทึ, เก ทลื่งทางแพล่ไฆวะทไพ้ะทแม, เฌ๊ เทว๊ เอะ กแช่ยาเว, เกม๊า น กุ้ อ ฆวี้เก จี้ เชเค่ง ที๊ซุ้ดี๊ ทแบ้แยว้ล่างลู่งอฌี้ อ เชเค่ง นอ, เก ทลื่งทางแพล่ไฆวะทไพ้ะทแม

เลวี​อ​ไฌ่ 5:16

โพล้ง ล แฌ้ นอ, แบ ลุ้ แก ไท้ ทไพ้ะทแม อ ฆวี้, พี่ อ แม้ แบ ทฌี้ทแอว้ นอ, ดี๊ ทฌี้ทแอว้ อ ฆวี้ เย่ โป้ง นอ, แบ เกม๊า แอทางไท้ ล โป้ง, ดี๊ โพล้งลื่งเท่ออคู ม แพล่ไฆวะ อ ทเด้บ้ะ, ดี๊ แกะ แพ๊, พี่ เทว๊ เก ทลื่งทางแพล่ไฆวะทไพ้ะทแม นอ, ดี๊ อ เว๊ ม นี่แบ ท แพล่ไฆวะ ล้อ

เลวี​อ​ไฌ่ 5:5

พี่ โพล้ง แฌ้ฌี้ๆ, โอ ดี๊ ทไพ้ะทแม แบฆ้ะ ดี๊ ท อ ไฌ่ เม้งฌี้ๆ, บี่ซุ้ดี๊ ท โล้ล้าง อี้ง นอ, เกม๊า อ เว๊ โล้ล้าง ทเด้บ้ะ พี่ อ แม้ แบ เว๊ นอ ล้อ

เลวี​อ​ไฌ่ 7:7

ทลื่งทางแพล่ไฆวะทไพ้ะทแม นอ, บี่ซุ้ดี๊ ทลื่งทางแพล่ไฆวะทเด้บ้ะ ล้อ, โอ ดี๊ อเค้อะอต้าง ล เม้งฆ่าง, โพล้งลื่งเท่ออคู, พี่ แม้ ทไฌ่ เทว๊ ทลื่งทางเท้าไฆวะทแบอ้า นอ, ม นี่แบก้ะ ทลื่งทาง นอ ล้อ

เกล้​ท​ซ้ะวี่ง 5:8

โพล้ง ล แฌ้ นอ อ มื่ง อ แคว๊ เท่ง ดี๊-อ้ะ เมะ ล โอ เฌ๊ เทะนี่ไท้-อ้ะ แบ นอ, เท่อ พี่ โพล้ง เกล๊าง ไท้ เอะ-อ้ะ นอ, เกม๊า อ เทว๊ เอะ กแช่ยาเว ลู่ง โพล้งลื่งเท่ออคู นอ อ ฌ่าง, เลา ดี๊ แกะ แพ๊, พี่ ม แม้ ทไฌ่ เท้าไฆวะ ทแบอ้า, อ นอ ม แม้ไฆวะ ทแบอ้า ลู่ง อ ทเด้บ้ะ อ กย้อง นอ ล้อ

ลูกา 19:8

ซ้ะไค ชี๊เทิง ทาง โล้ เอะ กแช่ เยซู บี่ อี้ง, “กแช่-เอ้อ, จ คอง จ แซย้ ล แพ นอ จ ม เกล๊าง เอะ โพล้ง ซยาง โพล้ง ยะ พุ้พ๊าง, ดี๊ จ เมะ โกง นี่ โพล้ง อ เท่อ ล แฌ้ๆ, นอ, จ ม เกล๊าง ไท้-อ้ะ ลี่ง โทะ”

โยชูวา 7:19

โยชูวา ไจ้ะ เอะ อาคาง, “พู-เอ้อ, เกม๊า น แม้ฆี๊งแม้แล้ กแช่ยาเว โพล้ง อีซลาเอง อ กแช่แยว้, ดี๊ เทว๊ ทอางปฆ้าทาง แบ-อ้ะ, เกม๊า น โล้ เอะ แย้ น แม้ แบ ทเม้งเล้ นอ, อางกี ไบ้ะ แย้ ล ฌี้”