เกล้​ท​ซ้ะวี่ง 31:11 - Northern Pwo Karen Thai Bible

¹¹ ฌ้อง แม้นี่ ทฆ้าทโฆ่ พี่ ลู่นี่ก้ะ เว๊ นอ เลาพะ, ดี๊ เท่อ พี่ ตมละนี่ เว๊ กุ้ อ เม้ง, เมะ อ เก โพล้ง ฌี้, ทพูทแฆ่ ฌี้, ไท้ โชะ โย๊ เว๊ ล้อ

เกล้​ท​ซ้ะวี่ง 31:11 ပူးပေါင်းရင်းမြစ်များ

ทอคางไท้ะ 34:29

แม้นี่ เว๊ อคองอแซย้ เลาพะ, ดี๊ พองนี่ โพล้ง ลแพ นอ อ พู อ แม๊ เลาพะ ลี้ เก ทอฆ่อง, ดี๊ ลู่นี่ก้ะ เว๊ อ เท่อ กุ้เม้ง ลู่ง เด้า พ้า

เกล้​ท​ซ้ะวี่ง 31:10

ฌ้อง เช้า เว่ง นอ ดี๊ มี กุ้ อ เว่ง, พี่ เก อ ซื๊งเว๊ อ ล่างโอล่างช๊อง, ดี๊ อ ล่าง โอไปว้ะ นอ เลาพะ

เกล้​ท​ซ้ะวี่ง 31:12

ฌ้อง อ ซื๊งเว๊ แม้นี่ กเย่ โพล้ง พี่ แบ ทพองนี่-อ้ะ, ดี๊ คองแซย้ พี่ อ ตมละ นี่ เว๊, เลา ดี๊ ท พี่ อ ลู่นี่ก้ะ เว๊ นอ, เฌ๊ โชะ เอะ โมเซ, ดี๊ โพล้งลื่งเท่ออคู เอเลอาซา, ดี๊ โพล้ง อีซลาเอง น๊างมู๊ง, ลู่ง ทล่างโอซยอง ทแด้ คู โมอา พ้า, ที๊ง โจเด้ง กล้อง พ้าไท้ะ, พี่ กแท้ โละซ้ะ ดี๊ เว่ง เยรีโค

โล้​ล้างที๊ง​ทอางแม้เลา 20:14

แบเด้าะ กมืง ซีง ลแพ, ดี๊ พืงดี้งพืงแซ, ทพูแฆ่ น๊างมู๊ง, ดี๊ ทกุ้เม้ง ลู่ง เว่ง พ้า นอ, เมะเว๊ ท พี่ น ลู่นี่ก้ะ-อ้ะ กุ้ อ เม้ง นอ, เกม๊า น แม้นี่-อ้ะ เกก้ะ น เท่อ, เกม๊า นซู๊งนเจ่ ท พี่ น ลู่นี่ก้ะ นดีงนแด้ เว๊, พี่ กแช่ยาเว น กแช่แยว้ เกล๊าง เอะ แน้ นอ ล้อ

โยชูวา 11:14

ทลู่นี่ ทฆ้าทโฆ่ เลาพะ พี่ นี่แบ เว๊ เว่ง พ้า ลแพ, เลา ดี๊ ทพูแฆ่ โด้ง น๊างมู๊ง นอ, โพล้ง อีซลาเอง แม้ เกก้ะ เว๊ อ กแช่ อ เท่อ, แบเด้าะ เมะ กโพล้ง นอ, อ ซื๊งเว๊ แม้ซี๊ง เว๊ ดี๊ น้ะ อ แน่ ท่อง อ เลา อ เช๊ง ล้อ, ทโอม๊า กุ้เม้ง พี่ อ แซทาง แซล้าง ซี นอ, ล อางกีล้างลื๊อ เว๊ น่าง เม้ง ล้าแบ

โยชูวา 6:19

แบเด้าะ เมะ ท๊อง ดี๊ จี้ เลาพะ, ดี๊ ทฆ้าทโฆ่ พี่ ไต้ เว๊ ดี๊ ท่องบ้าง ดี๊ ท้ะ นอ, เก เท่อ เทว๊ อางกีล้าง เอะ กแช่ยาเว, เกม๊า เฌ๊ อางกี-อ้ะ ลู่ง กแช่ยาเว อ ทล่าง อางกี เท่อ นอ อ พ้า”

โยชูวา 8:2

เกม๊า น แม้ เอะ เว่ง ไอ ดี๊ อ กจุ้แฆว้ นอ, บี่ซุ้ น แม้ เอะ เว่ง เยรีโค ดี๊ อ กจุ้แฆว้ นอ ปะ, แบเด้าะ ทฆ้าทโฆ่ ดี๊ ทพูแฆ่ โด้ง น๊างมู๊ง, พี่ ลู่นี่-อ้ะ นอ น แม้ เกก้ะ น เท่อ ซี, แด้เว้ น ซ้ะ ลี้ ดึ้ เท่อ, โอคุ้ซูง-อ้ะ ลู่ง เว่ง โคล๊ง ล โค๊ นอ”