เกล้​ท​ซ้ะวี่ง 3:13 - Northern Pwo Karen Thai Bible

¹³ เมะเว๊ พู วี่แซย่ เลาพะ นอ เก จ เท่อ, ลู่ง มื่ง ล นี้ง แย๊ พี่ จ แม้ซี๊ง พู วี่แซย่ ลู่ง ค่าง อีไย้ะ พ้า อู้ง นอ, จ อางกีเจไฆวะ พู วี่แซย่ เลาพะ ลู่ง จ ฌ่าง ลู่ง โพล้ง อีซลาเอง อ ซุ้ อ แกล้, เลา ดี๊ กโพล้ง, ดี๊ ทพูแฆ่ อ พู วี่แซย่ นอ เก จ เท่อ, ทลแพ อี้ง เก จ เท่อ, แย้ จ เก กแช่ยาเว”

เกล้​ท​ซ้ะวี่ง 3:13 ပူးပေါင်းရင်းမြစ်များ

เนฮะมี 10:36

ดี๊ ม เฌ๊โชะ ก พูแคว๊ วี่แซย่, ดี๊ ก ทพูแฆ่ อ พู วี่แซย่, บี่ซุ้ดี๊ ทกวิ้ล้าง เว๊ ลู่ง ทอางแม้เลา พ้า, ดี๊ งู้ น๊างมู๊ง อ พู วี่แซย่, ดี๊ ก แมะ ก แกะ น๊างมู๊ง เฌ๊ ลู่ง ก กแช่แยว้อล่างโอ พ้า, เฌ๊โชะ เอะ โพล้งลื่งเท่ออคู, พี่ แม้ เอะ กแช่แยว้ อ เท่อ ลู่ง ก กแช่แยว้อล่างโอ พ้า

ทไจทางไฆวะ 13:12

ทกุ้เม้ง พี่ กึทาง พ้ะทาง อ ต้องคู นอ, น แบ เทว๊ เอะ กแช่ยาเว ดี๊ ทพูแฆ่ อ พู วี่แซย่ อ แพ๊ พี่ พ้ะทางนี่ ดี๊ น ทพูแฆ่ โด้ง นอ, เก กแช่ยาเว อ เท่อ ล้อ

ทไจทางไฆวะ 13:15

พี่ ฟาโร อ ซ้ะ ชองโฆะ, ล ญ่อง ทูแพล่ เกม๊า เฆ้อ ลแพ อี้ง ลี้ แบ นอ, กแช่ยาเว แม้ซี๊งไฆวะ พู วี่แซย่ เลา ลู่ง ค่าง อีไย้ะ พ้า, เลา ดี๊ กโพล้ง, ดี๊ ทพูแฆ่ เว๊ ปะ, อกย้องบี่นอ, จ เทว๊ ทพูแฆ่ อ พูวี่แซย่ กุ้ ดื้ง, พี่ อ กึทาง พ้ะทาง อ ต้องคู นอ เอะ กแช่ยาเว, แบเด้าะ จ พูแคว๊ วี่แซย่ เลาพะ นอ จ เทะนี่ไท้-อ้ะ’

ทไจทางไฆวะ 13:2

“ท อ พูวี่แซย่ เลาพะ นอ, เกม๊า เทว๊ เอะ แย้, เมะเว๊ โพล้ง อีซลาเอง เท่อ กุ้ เม้ง, พี่ อ กึทาง พ้ะทาง อ ต้องคู นอ, ม เก กโพล้ง ฌี้, ทพูแฆ่ ฌี้, อ นอ เก แย้ จ เท่อ นอ ล้อ”

ทไจทางไฆวะ 22:29

“น ทซูงทแซ ลู่ง อ ฌี้, ดี๊ น ทแซ ที๊งนอ เฌ๊ เทว๊ เอะ แย้ ล น้าง, ซึ้ นี้ง ซึ้ ซ๊าง ล ฌี้ “ม๊า น เทว๊ พู วี่แซย่ นอ เอะ แย้

ทไจทางไฆวะ 34:19

ทกุ้ อ เม้ง พี่ อ กึทาง วี่ง ซ๊าง นอ เก จ เท่อ เมะเว๊ น ทพูแฆ่ น๊างมู๊ง อ แพ๊ เลาพะ, น งู้ ดี๊ น แกะ อ พู วี่แซย่

เอเซเคียง 44:30

ดี๊ ทซูงทแซ กุ้เม้งกุ้มยู๊ อ แซ ต้องคู ลู่ง อ ฌี้ ทึ, ดี๊ ท เทว๊ กุ้เม้ง พี่ เฌ๊นี่ ลู่ง น ซื๊ง อ ท เทว๊ เลาพะ นอ, ม เก โพล้งลื่งเท่ออคู ลแพ นอ อ เท่อ, น ฌื๊งไน้ะ ลู่ง อ ฌี้ ทึ นอ, เกม๊า น อางกีล้าง เอะ โพล้งลื่งเท่ออคู, บี่ซุ้ ทชูฌี้ ม โอ ลู่ง น เด้าคูล่างพ้า ล้อ

เลวี​อ​ไฌ่ 27:26

“แบเด้าะ เกม๊า โพล้ง แม้นี่ ทพูแฆ่ อ พู วี่แซย่, เฌ๊ เทว๊ ล ฌี้, อไฌ่บี่อี้ง, พี่ เก ทพูแฆ่ อ พู วี่แซย่ นอ, ล้างเทะแบ เก กแช่ยาเว อ เท่อ เย้า, งู้ เมะ ฌี้, แกะ เมะ ฌี้ นอ, เก กแช่ยาเว อ เท่อ ล้อ

เกล้​ท​ซ้ะวี่ง 18:15

เท่อ พี่ โอ ดี๊ อ ซ้ะ ม๊า กุ้เม้ง อ พู, พี่ กึทาง พ้ะทาง, ม เก โพล้ง ฌี้, ทพูแฆ่ ฌี้, พี่ โพล้ง เทว๊ เอะ กแช่ยาเว นอ, ม เก น เท่อ, แบเด้าะ เมะ กโพล้ง อ พู วี่แซย่ นอ, น แบ เทะนี่ไท้-อ้ะ, ดี๊ น แบ เทะนี่ไท้ ทพูแฆ่ พี่ อ แบอ้า นอ อ พู วี่แซย่ ปะ

เกล้​ท​ซ้ะวี่ง 18:6

ดี๊ แย้ จ อางลึนี่ โพล้ง เลวี, เมะเว๊ น พื่ง น วี่ ลู่ง โพล้ง อีซลาเอง อ แกล้, เก ทเกล๊าง เอะ แน้, เก ทเทว๊ เอะ กแช่ยาเว, บี่ซุ้ เกม๊า อ แม้ เท่อ ลู่ง เด้ทโอซยองอล่าง อ พ้า

เกล้​ท​ซ้ะวี่ง 3:41

แย้ จ เก กแช่ยาเว, ม๊า น อางกีเจนี่ เอะ แย้ โพล้ง เลวี, บี่ซุ้ เกทโอ เท่งก้ะ โพล้ง อีซลาเอง อ พู วี่แซย่ กุ้ แฌ้, ดี๊ เกม๊า โพล้ง เลวี อ ทพูแฆ่ เลาพะ นอ โอ เท่งก้ะ โพล้ง อีซลาเอง อ ทพูแฆ่ อ พู วี่แซย่ กุ้ ดื้ง”

เกล้​ท​ซ้ะวี่ง 33:4

ล ว๊าง แย๊ นอ แบ พี่ โพล้ง อีไย้ะ เคิงล้างบ้า อ พู วี่แซย่ ลแพ นอ อ จู, พี่ กแช่ยาเว แม้ซี๊ง เว๊ ลู่ง อ ซื๊งเว๊ อ แกล้ นอ, กแช่ยาเว แม้เตาแม้แต๊ อ ซื๊งเว๊ อ ทกโช้งกแช่ ลแพ นอ ปะ

ลูกา 2:23

บี่ ซุ้ อ แบ ท กวิ้ ล้าง เว๊ ลู่ง กแช่ แยว้ อ ทอางแม้เลา พ้า บี่ อี้ง, “พูแคว๊ อ วี่งแซย่ กุ้ อ แฌ้ นอ, แบ เทว๊ เอะ กแช่ แยว้”

ฮีบรู 12:23

น ซื๊ง เฌ๊ ท้อง ท ล่าง พี่ กแช่ แยว้ อ พู วี่แซย่ ล แพ นอ, เฌ๊ โอ ซยอง เว๊ ดี๊ ท มึ ท พ้า, อ เม้ง แบ ท กวิ้ไน-อ้ะ ลู่ง มุ้คู, น ซื๊ง เฌ๊ ท้อง ลู่ง กแช่ แยว้ พี่ อ ต้ะเซ๊ง โพล้ง กุ้ แฌ้ นอ อ โอ, น ซื๊ง เฌ๊ ท้อง โพล้ง ฌี้ โพล้ง แอว้ พี่ กแช่ แยว้ แม้ กู้ง แม้ ล๊า-อ้ะ ล แพ นอ อ โอ