เกล้​ท​ซ้ะวี่ง 27:3 - Northern Pwo Karen Thai Bible

³ “ก แพ่ ซี๊ง ลู่ง แพะคูทเคแกล้, แบเด้าะ อ เว๊ ล นี่ โอซยอง ดี๊ โพล้ง โครา, พี่ อ ฆู๊ง โละซ้ะ ดึ้ กแช่ยาเว ลแพ นอ แบ, อ เว๊ ซี๊ง ลู่ง อ กแช่ อ ทเด้บ้ะ อ กย้อง, ดี๊ อ เว๊ อ พูแคว๊ ล โอ น่าง แฌ้ แบ

เกล้​ท​ซ้ะวี่ง 27:3 ပူးပေါင်းရင်းမြစ်များ

เอเซเคียง 18:4

อี้งเซ้อ, ทม๊า เลาพะ นอ เก ก เท่อ, แพ่ อ ทม๊า เก ก เท่อ, ด้องซุ้ พี่ พู อ ทม๊า นอ เก ก เท่อ, ทม๊า พี่ แฌ้ เล้ พี่ แม้ ทเด้บ้ะ นอ, ม แบ ซี๊ง ล้อ

เกล้​ท​ซ้ะวี่ง 14:35

แย้, เมะเว๊ กแช่ยาเว, จ ไคล้ เท่อ เย้า นอ, จ ม แม้ เท่อ บี่นอ เอะ โพล้ง น๊างมู๊ง พี่ อ อ้า อ ซ๊าง เลาพะ อี้ง, เมะเว๊ ฆู๊ง โละอซ้ะ ดึ้ซึ้ แย้, อ ซื๊งเว๊ อ มื่ง อ แล้ ม ทึ ลู่ง แพะคูทเคแกล้ พ้า, ดี๊ ม ซี๊ง เว๊ พี่ นอ ล้อ

เกล้​ท​ซ้ะวี่ง 16:19

โครา ดี๊ อ มู๊ง อ ซกุ้ เลาพะ นอ ลี้ โอซยอง ลู่ง เกล้ ลี้ นึฆ้าง เด้ทโอซยองอล่าง พ้า, ลู่ง อ ซื๊งเว๊ คี๊ง แฌ้ อ เมะแซ พ้า, ฌ้อง กแช่ยาเว อโฌ่งอพ้าง โพลทาง ลู่ง โพล้ง น๊างมู๊ง อ โป้ง พ้า

เกล้​ท​ซ้ะวี่ง 16:49

กเย่ โพล้ง พี่ อ ซี๊ง ดี๊ ทอ้าทน้ะ นอ, โอ ล ไซ ลี่ง ม๊า เนว๊ แย้ แฌ้, ล ดว้ะฆึ ดี๊ โพล้ง พี่ อ ซี๊ง ลู่ง โครา อไฌ่อกย้อง นอ ได้ะ แบ

เกล้​ท​ซ้ะวี่ง 26:33

แบเด้าะ เฮเฟอ อ พู เซโลเฟฮะ นอ อ พูแคว๊ ล โอ แบ, โอที่ อ พูมืง ล้อ, เซโลเฟฮะ อ พูมืง ลแพ นอ อ เม้ง, มาลา, นูอา, โฮะลา, มีงคา ดี๊ ทีราซา

เกล้​ท​ซ้ะวี่ง 27:2

อ ซื๊งเว๊ เฌ๊ ชี๊เทิง ลู่ง โมเซ, ดี๊ โพล้งลื่งเท่ออคู เอเลอาซา, ดี๊ กดูกแซย่, ดี๊ โพล้ง น๊างมู๊ง เลาพะ อ เมะแซ พ้า, ลู่ง เด้ทโอซยองอล่าง อ เกล้ ป้ะตู๊งไท้ะ ไจ้ะเว๊

เกล้​ท​ซ้ะวี่ง 27:4

แบทเล้ น แม้ล้างแม่ไฆวะ ก แพ่ อ เม้ง ลู่ง น ชื้อ ล ดอง นอ อ พ้า, พี่ อ เว๊ อ พูแคว๊ ล โอ แบ อกย้อง นอ, อวีงซ้ะชู้ เกม๊า ก นี่แบ คองแซย้ ลู่ง ก แพ่ อ พื่ง อ วี่ อ ซุ้ อ แกล้ ไช้ะ”

โยฮาง 8:21

กแช่ เยซู โล้ เอะ อซื๊งเว๊ อ เท่อ ล พ๊า เด้าะ ไจ้ะ เว๊, “จ ม ไท้ โคะ, น ซื๊ง ม อางฆื๊ง แย้, แบเด้าะ น ม ซี๊ง ลู่ง น ท เด้บ้ะ อ กย้อง ล้อ, ท ล่าง พี่ จ ม ไท้ โอ นอ น ซื๊ง ลี้ ล ซี แบ”

โยฮาง 8:24

ท บี่ นอ จ โล้ แบ น ซื๊ง, น ซื๊ง ม ซี๊ง ลู่ง น ท เด้บ้ะ อ กย้อง นอ ล้อ, น เมะ ล นะ พี่ จ เก โพล้ง ล แฌ้ แย๊ นอ แบ น ม ซี๊ง ลู่ง น ท เด้บ้ะ อ กย้อง นอ ล้อ”

โรมา 5:12

ท เด้บ้ะ เฌ๊ นึ ล้าง ลู่ง ฌางคู โคล๊ง คู ลู่ง กแคว๊ ล แฌ้ ล้อ อ กย้อง, ดี๊ ท ซี๊ง เฌ๊ เว๊ ลู่ง ท เด้บ้ะ อ กย้อง, ท บี่ นอ ท ซี๊ง โอ ทาง เฆ้ง กโพล้ง อ แกล้, อ ไฌ่ บี่ อี้ง กโพล้ง กุ้ อ แฌ้ แม้ ท เด้บ้ะ

โรมา 5:21

ลู่ง ไค๊ ทึ ก ม โล้ บี่ อี้ง, ท เด้บ้ะ โอ ดี๊ อ ดู้ง อ ยาง เกม๊า โพล้ง กุ้ อ แฌ้ ซี๊ง บี่ จะ เล้ นอ, กแช่ แยว้ อ โก้ง อ โบ้ง อ บลึ้ อ บลาง โอ ดี๊ อ ดู้ง อ ยาง, เกม๊า โพล้ง แบ อ ซ้ะ ดี๊ นี่ แบ ท ม๊า ล้างชู้ ล้างแกย ลู่ง กแช่ เยซู คริ้ อ กย้อง บี่ นอ ปะ ล้อ

โรมา 6:23

อ ไฌ่ บี่ อี้ง ท เด้บ้ะ อ แซ เมะ เว๊ ท ซี๊ง, แบเด้าะ กแช่ แยว้ อ ท เกล๊าง โปล้ นอ, เมะ เว๊ ท ม๊า ล้างชู้ ล้างแกย, พี่ ก โอ ลู่ง ก กแช่ เยซู คริ้ อ ซุ้ นอ ล้อ