เกล้​ท​ซ้ะวี่ง 23:12 - Northern Pwo Karen Thai Bible

¹² อ เว๊ ไคล้ช๊า-อ้ะ ไจ้ะเว๊, “จ แบ ปโล่ล้าง ซ้ะ พี่ ม ไคล้ เท่อ ที่ กแช่ยาเว ชวี๊งล้าง เว๊ จ นุ้ พ้า นอ ล้อ ล เมะ แบ-อ้า?”

เกล้​ท​ซ้ะวี่ง 23:12 ပူးပေါင်းရင်းမြစ်များ

ทไจทางไฆวะ 4:15

เกม๊า น ไคล้ ดี๊-อ้ะ, ดี๊ โล้ เอะ-อ้ะ ทไคล้ พี่ ม ม๊า อ เว๊ ไคล้ นอ, ฌ้อง จ ม แม้ช้า แน้ ดี๊ อ เว๊ แบฆ้ะ ดี๊ ทไคล้ นอ, ดี๊ พี่ ม เกิ้ง แม้ บี่จะเล้ นอ, จ ม โล้แบซองแบ นซื๊ง คี๊ง แฌ้ เลา

ทอางด้อง 26:25

พี่ อ เว๊ ไคล้ บี่ซุ้ดี๊ โอ ดี๊ ทย๊างซ้ะ นอ, นะ-อ้ะ ล ฌี้ อไฌ่บี่อี้ง, โอ ดี๊ ท ล้าง แช๊เมะไฌ๊ซ้ะ แอเม้งแอมยู๊ ลู่ง อ ซ้ะ พ้า

เกล้​ท​ซ้ะวี่ง 22:20

ดี๊ กแช่แยว้ เฌ๊ฌูง บาลาอาง ลู่ง มแน้แค๊, โล้ เอะ เว๊ ไจ้ะเว๊, “โพล้ง ลแพ อี้ง เมะ เฌ๊ กุ้ แน้ นอ, เกม๊า น ลี้ ดี๊ อซื๊งเว๊ แดเทา, แบเด้าะ เท่อ พี่ จ อางแบเลา แน้ นอ เกม๊า น แม้โพะ อ ไค๊”

เกล้​ท​ซ้ะวี่ง 22:38

บาลาอาง โล้ เอะ บาล้ะ ไจ้ะเว๊, “ค๊องเนง อี้ง จ เฌ๊ฌูง แน้ เย้า, จ ม ไคล้ ทเม้งเล้ ซี, จ ม แบ ไคล้ ทไคล้ พี่ กแช่แยว้ ชวี๊งล้าง เว๊ ลู่ง จ นุ้ พ้า นอ ล้อ”

เกล้​ท​ซ้ะวี่ง 23:13

บาล้ะ ไคล้ ดี๊-อ้ะ ไจ้ะเว๊, “เกม๊า น ลี้ ดี๊ แย้ ล จอง เด้าะ ไช้ะ, ลู่ง น โอนี่ พี่ นอ น ม แด-อ้ะ ซี, น ม แด ที่ อ โอ เบ้า ทึ ลแพ นอ ล้อ, ดี๊ น ล แด โพล้ง เลาพะ แบ, พี่ นอ เกม๊า น ชูอ้า เอะ แย้ อ ซื๊งเว๊ ไช้ะ”

เกล้​ท​ซ้ะวี่ง 23:20

แคว่เซ้อ, จ นี่แบ กแช่แยว้ อ ทอางแบเลา ม๊า จ ชูฌี้ เท่อ พี่ กแช่แยว้ ชูฌี้ เท่อ เย้า นอ, จ เปลงไท้-อ้ะ ล ซี ล้าแบ

เกล้​ท​ซ้ะวี่ง 23:26

แบเด้าะ บาลาอาง ไคล้ช๊า บาล้ะ ไจ้ะเว๊, “จ ล โล้ เอะ แน้ ล เมะ แบ-อ้า พี่ ไจ้ะ, ‘ทกุ้ อ เม้ง พี่ กแช่ยาเว ม ไคล้ เว๊ นอ, จ แบ แม้โพะ อ ไค๊’, ”

เกล้​ท​ซ้ะวี่ง 23:3

ฌ้อง บาลาอาง โล้ เอะ บาล้ะ ไจ้ะเว๊, “เกม๊า น ชี๊เทิง ลู่ง น ทลื่งทาง อ ฌ๊างไท้ะ นอ, เมะ ยี๊แด นอ จ ม ลี้, แบซีงลู่ง กแช่ยาเว ม เฌ๊ ต้องนอง โละอซ้ะ ดี๊ แย้, ดี๊ อ เว๊ เนโพลทาง เอะ แย้ ทเม้ง เล้ นอ, จ ม โล้ เอะ แน้ ล้อ”, ฌ้อง อ เว๊ ลี้ทาง ลู่ง ทจ้องคู พ้ะ โท๊ ไวะ

เกล้​ท​ซ้ะวี่ง 24:13

‘ทึเมะ บาล้ะ ม เกล๊าง เอะ แย้ จี้ ดี๊ ท๊อง ฆวี้ อ บลาง พ้า ฌี้ นอ, จ ม แม้ เท่อ พะไฆวะ กแช่ยาเว อ ทอางแบเลา นอ ล ซี แบ, ดี๊ แม้ เท่อ อ ฌี้-อ้า อ อ้า-อ้า ท๊อง จ กแช่ อ ซ้ะ แด เว๊ ล ซี แบ’, กแช่ยาเว ไคล้ บี่จะเล้ นอ, จ ไคล้ บี่นอ ล้อ

โรมา 16:18

โพล้ง พี่ อ แม้ บี่ อี้ง ล แม้ กแช่ เยซู คริ้ อ เท่อ แบ, แบเด้าะ อซื๊งเว๊ ช๊องมอง ที่ อ โฌ่งโพ๊ง อ ฌ่าง, อซื๊งเว๊ เจ่ ท ไคล้ ลู่ง อ มึ อ พ้า อ เพา อ เบ้, อางโล๊ นี่ โพล้ง พี่ อ ชู่ง โพล้ง อ แฌ้แพ โย๊ น้ะ

ทีต๊ะ 1:16

อซื๊งเว๊ ไจ้ะ ล้าง อ ซ้ะ ซีงแฌ๊ กแช่ แยว้, แบเด้าะ ลู่ง อ ท ไพ้ะ ท แม้ นอ, เนโพล ทาง เว๊ อซื๊งเว๊ ล ซีงแฌ๊ กแช่ แยว้ แบ เฆาะ, อซื๊งเว๊ เก โพล้ง แช๊เมะ, ล คุ้ช๊องแน โพล้ง อ แฌ้แพ แบ, แม้ ท ฌี้ ล ซี น่าง เม้ง แบ